LiveTV

Live

Kerala

അട്ടപ്പാടിയിൽ കാട്ടാന ആക്രമണത്തിൽ ഊരുമൂപ്പൻ കൊല്ലപ്പെട്ടു

ഇന്ന് രാവിലെയാണ് ഊരിന് സമീപത്തെ കാട്ടിൽ നിന്നും മൃതദേഹം കണ്ടെത്തിയത്

അട്ടപ്പാടിയിൽ കാട്ടാന ആക്രമണത്തിൽ ഊരുമൂപ്പൻ കൊല്ലപ്പെട്ടു

അട്ടപ്പാടിയിൽ കാട്ടാന ആക്രമണത്തിൽ ഊരുമൂപ്പൻ കൊല്ലപ്പെട്ടു. ഷോളയൂർ പഞ്ചായത്തിലെ വണ്ണാന്തറ ആദിവാസി ഊരിലെ ഊരുമൂപ്പൻ ചിന്നനഞ്ചൻ ആണ് മരിച്ചത്. എഴുപത് വയസായിരുന്നു.

ആടു മേയ്ക്കാൻ കാട്ടിൽ പോയ ഊരുമൂപ്പനെ ഇന്നലെ വൈകിട്ട് മുതൽ കാണാനില്ലായിരുന്നു. ഇന്ന് രാവിലെയാണ് ഊരിന് സമീപത്തെ കാട്ടിൽ നിന്നും മൃതദേഹം കണ്ടെത്തിയത്. തലയ്ക്കും കാലിനും മുറിവേറ്റിട്ടുണ്ട്. കാട്ടാനയുടെ ആക്രമണത്തിൽ നിന്നും ഓടി രക്ഷപ്പെടുന്നതിനിടെ പരിക്ക് പറ്റിയതാകാം എന്നാണ് കരുതുന്നത്. ആനയുടെ ചവിട്ടേറ്റതാകാം മരണകാരണമെന്നാണ് പ്രാഥമിക നിഗമനം. ഈ മേഖലയിൽ ഇപ്പോഴും കാട്ടാന തമ്പടിച്ചിട്ടുണ്ടെന്ന് പ്രദേശവാസികൾ പറയുന്നു.

കഴിഞ്ഞ കുറേ മാസങ്ങളായി അട്ടപ്പാടി ഷോളയൂർ മേഖലയിൽ കാട്ടാനശല്യം തുടരുകയാണ്. നിരവധി വീടുകളാണ് കാട്ടാന തകർത്തത്. ഏക്കറ് കണക്കിന് കൃഷി സ്ഥലവും നശിച്ചു. കാട്ടാനശല്യം പരിഹരിയ്ക്കാൻ നടപടി വേണമെന്ന് നാട്ടുകാർ ആവശ്യപ്പെട്ടു.