LiveTV

Live

Kerala

മു​ഖ്യ​മ​ന്ത്രി സൈ​ബ​ർ ഗു​ണ്ട​ക​ളു​ടെ നി​ല​വാ​ര​ത്തി​ലേ​ക്ക് താ​ഴ​രു​ത്; മ​റു​പ​ടി​യു​മാ​യി ചെ​ന്നി​ത്ത​ല

ജ​ന​ങ്ങ​ളെ​യും സ​ർ​ക്കാ​ർ ജീ​വ​ന​ക്കാ​രെ​യും ഭി​ന്നി​പ്പി​ച്ചു ഭ​രി​ക്കാ​നാ​ണ് മു​ഖ്യ​മ​ന്ത്രി ശ്ര​മി​ക്കു​ന്ന​തെ​ന്നും ചെ​ന്നി​ത്ത​ല പ​റ​ഞ്ഞു

മു​ഖ്യ​മ​ന്ത്രി സൈ​ബ​ർ ഗു​ണ്ട​ക​ളു​ടെ നി​ല​വാ​ര​ത്തി​ലേ​ക്ക് താ​ഴ​രു​ത്; മ​റു​പ​ടി​യു​മാ​യി ചെ​ന്നി​ത്ത​ല

കോവിഡ് 19 പ്രതിരോധ പ്രവര്‍ത്തനങ്ങളില്‍ ഏതുകാര്യത്തിലാണ് പ്രതിപക്ഷം തുരങ്കംവച്ചതെന്ന് മുഖ്യമന്ത്രി പിണറായി വിജയന്‍ വ്യക്തമാക്കണമെന്ന് പ്രതിപക്ഷ നേതാവ് രമേശ് ചെന്നിത്തല. കഴിഞ്ഞദിവസം കോവിഡ് അവലോകന യോഗത്തിന് ശേഷം നടത്തിയ വാര്‍ത്താസമ്മേളനത്തില്‍ മുഖ്യമന്ത്രി ഉന്നയിച്ച ആരോപണങ്ങളോട് പ്രതികരിക്കുകയായിരുന്നു രമേശ് ചെന്നിത്തല. സര്‍ക്കാരിന്റെ വീഴ്ച ചൂണ്ടിക്കാണിക്കുക എന്നുള്ളത് പ്രതിപക്ഷ ധര്‍മമാണെന്നും ചെന്നിത്തല പറഞ്ഞു. ജ​ന​ങ്ങ​ളെ​യും സ​ർ​ക്കാ​ർ ജീ​വ​ന​ക്കാ​രെ​യും ഭി​ന്നി​പ്പി​ച്ചു ഭ​രി​ക്കാ​നാ​ണ് മു​ഖ്യ​മ​ന്ത്രി ശ്ര​മി​ക്കു​ന്ന​തെ​ന്നും ചെ​ന്നി​ത്ത​ല പ​റ​ഞ്ഞു.

ആ​ശ്വാ​സ ന​ട​പ​ടി​ക​ൾ സ​ർ​ക്കാ​രി​ന്‍റേ​തെ​ന്ന് വ​രു​ത്തി തീ​ർ​ക്കാ​നാ​ണ് മു​ഖ്യ​മ​ന്ത്രി​യു​ടെ ശ്ര​മം. കോ​വി​ഡി​ൽ രാ​ഷ്ട്രീ​യം പ​റ​യ​രു​തെ​ന്നാ​ണ് പ്ര​തി​പ​ക്ഷ​ത്തി​ന്‍റെ താ​ൽ​പ​ര്യം. എ​ന്നാ​ൽ സ​ർ​ക്കാ​രി​ന്‍റെ വീ​ഴ്ച ചൂ​ണ്ടി​ക്കാ​ട്ടേ​ണ്ട​ത് പ്ര​തി​പ​ക്ഷ​ത്തി​ന്‍റെ ചു​മ​ത​ല​യാ​ണ്. വി​മ​ർ​ശ​ന​ങ്ങ​ളും വീ​ഴ്ച​ക​ളും ചൂ​ണ്ടി​ക്കാ​ട്ടു​ന്പോ​ൾ സൈ​ബ​ർ ഗു​ണ്ട​ക​ളു​ടെ നി​ല​വാ​ര​ത്തി​ലേ​ക്ക് മു​ഖ്യ​മ​ന്ത്രി താ​ഴു​ന്ന​ത് ശ​രി​യ​ല്ലെ​ന്നും ചെ​ന്നി​ത്ത​ല പ​റ​ഞ്ഞു. കോ​വി​ഡ് കാ​ല​ത്തെ ഓ​രോ ന​ട​പ​ടി​ക​ളി​ലും മു​ഖ്യ​മ​ന്ത്രി രാ​ഷ്ട്രീ​യം ക​ളി​ക്കു​ക​യാ​ണ്. മ​റു​നാ​ട​ൻ മ​ല​യാ​ളി​ക​ളെ നാ​ട്ടി​ലെ​ത്തി​ക്കാ​ൻ സ​ർ​ക്കാ​ർ ഒ​ന്നും ചെ​യ്തി​ട്ടി​ല്ല. കോ​ൺ​ഗ്ര​സി​നോ​ടും ലീ​ഗി​നോ​ടും ആ​ഭി​മു​ഖ്യം പു​ല​ർ​ത്തു​ന്ന പ്ര​വാ​സി സം​ഘ​ട​ന​ക​ളാ​ണ് ആ​ളു​ക​ളെ സ​ഹാ​യി​ച്ച​തെ​ന്നും ചെ​ന്നി​ത്ത​ല കൂ​ട്ടി​ച്ചേ​ർ‌​ത്തു. അ​ന്യ​സം​സ്ഥാ​ന​ങ്ങ​ളി​ൽ‌ കു​ടു​ങ്ങി​ക്കി​ട​ക്കു​ന്ന മ​ല​യാ​ളി​ക​ളെ നാ​ട്ടി​ലെ​ത്തി​ക്കാ​ൻ ഒ​രു ബ​സും ട്രെ​യി​നും പോ​ലും സ​ർ​ക്കാ​ർ ഏ​ർ​പ്പെ​ടു​ത്തി​യി​ല്ല. എ​ല്ലാ​വ​രും സ്വ​ന്തം റി​സ്കി​ലാ​ണ് നാ​ട്ടി​ലെ​ത്തി​യ​ത്. കേ​ന്ദ്ര​ത്തോ​ട് സം​സ്ഥാ​നം ഒ​രു ട്രെ​യി​ൻ പോ​ലും ആ​വ​ശ്യ​പ്പെ​ട്ടി​ല്ലെ​ന്നും പ്ര​തി​പ​ക്ഷ നേ​താ​വ് പ​റ​ഞ്ഞു.

അ​ഴി​മ​തി​ക്കു​ള്ള സു​വ​ർ​ണാ​വ​സ​ര​മാ​യി കോ​വി​ഡ് കാ​ല​ത്തെ മു​ഖ്യ​മ​ന്ത്രി ക​ണ്ടു. മ​ഹാ​മാ​രി​ക്കി​ടെ പ​ത്തു​ച​ക്രം ഉ​ണ്ടാ​ക്കാ​നാ​ണ് മു​ഖ്യ​മ​ന്ത്രി ശ്ര​മി​ച്ച​തെ​ന്നും അ​ദ്ദേ​ഹം വ്യ​ക്ത​മാ​ക്കി. എ​ത് പ്ര​വ​ർ​ത്ത​ന​ത്തി​ലാ​ണ് പ്ര​തി​പ​ക്ഷം തു​ര​ങ്കം വ​ച്ച​തെ​ന്ന് മു​ഖ്യ​മ​ന്ത്രി വ്യ​ക്ത​മാ​ക്ക​ണ​മെ​ന്നും ചെ​ന്നി​ത്ത​ല ആ​വ​ശ്യ​പ്പെ​ട്ടു. പ്ര​ള​യ ഫ​ണ്ട് കൈ​യി​ട്ടു വാ​രി​യ​ത് ആ​രാ​ണ​ന്ന് മു​ഖ്യ​മ​ന്ത്രി​ക്ക് വ്യ​ക്ത​മാ​യി അ​റി​യാം. അ​വ​രെ മു​ഖ്യ​മ​ന്ത്രി സം​ര​ക്ഷി​ക്കു​ക​യാ​ണ്. അ​ഴി​മ​തി​യു​ണ്ടാ​യാ​ൽ കോ​വി​ഡ് പ്രോ​ട്ടോ​ക്കോ​ളി​ന്‍റെ പേ​രി​ൽ പ്ര​തി​പ​ക്ഷം അ​ത് ഉ​യ​ർ​ത്തി​ക്കാ​ട്ടേ​ണ്ടെ​ന്നാ​ണോ മു​ഖ്യ​മ​ന്ത്രി​യു​ടെ നി​ല​പാ​ടെ​ന്നും ചെ​ന്നി​ത്ത​ല ചോ​ദി​ച്ചു. സി​പി​എം പ്ര​ഖ്യാ​പി​ത ന​യ​ങ്ങ​ളെ അ​ട്ടി​മ​റി​ച്ച് അ​മേ​രി​ക്ക​ൻ ക​ന്പ​നി​യാ​യ സ്പ്രിം​ഗ്ള​റു​മാ​യി മു​ഖ്യ​മ​ന്ത്രി ഇ​ട​പാ​ട് ന​ട​ത്തി​യ​ത് പ്ര​തി​പ​ക്ഷം ഉ​യ​ർ​ത്തി​ക്കാ​ട്ടി​യ​പ്പോ​ൾ പ്ര​തി​പ​ക്ഷ​ത്തോ​ട് മു​ഖ്യ​മ​ന്ത്രി​ക്ക് അ​മ​ർ​ഷ​മാ​യി. സ്പ്രീം​ഗ്ള​ർ അ​ട​ക്ക​മു​ള്ള വി​ഷ​യ​ങ്ങ​ൾ എ​ല്ലാം കോ​ട​തി​യി​ലു​ണ്ടെ​ന്ന് മു​ഖ്യ​മ​ന്ത്രി ഓ​ർ​ക്ക​ണം. പ്ര​തി​പ​ക്ഷം ഉ​ന്ന​യി​ച്ച ഒ​രു ആ​രോ​പ​ണ​വും പൊ​ട്ടി​പ്പോ​യി​ട്ടി​ല്ല. പ​ന്പ​യി​ലെ മ​ണ​ൽ‌​ക്ക​ട​ത്ത് പു​റ​ത്തു​കൊ​ണ്ടു​വ​ന്ന​ത് പ്ര​തി​പ​ക്ഷ​മാ​ണെ​ന്നും ചെ​ന്നി​ത്ത​ല പ​റ​ഞ്ഞു. ബ​ഡാ​യി പ​റ​ഞ്ഞ മു​ഖ്യ​മ​ന്ത്രി​യു​ടെ പ​ല പ്ര​ഖ്യാ​പ​ന​ങ്ങ​ളും ആ​വി​യാ​യി. സം​സ്ഥാ​ന​ത്ത് കോ​വി​ഡ് ടെ​സ്റ്റു​ക​ൾ വ​ള​രെ കു​റ​വാ​ണെ​ന്നും ചെ​ന്നി​ത്ത​ല ആ​രോ​പി​ച്ചു. കി​ഴ​ക്ക​ൻ ല​ഡാ​ക്കി​ലെ അ​തി​ർ​ത്തി​യി​ലെ ചൈ​നീ​സ് പ്ര​കോ​പ​ന​ത്തെ​ക്കു​റി​ച്ച് മു​ഖ്യ​മ​ന്ത്രി ഒ​ന്നും മി​ണ്ടു​ന്നി​ല്ല. ഇ​പ്പോ​ഴും ച​ങ്കി​ലെ ചൈ​ന ത​ന്നെ​യാ​ണോ എ​ന്ന് വ്യ​ക്ത​മാ​ക്ക​ണ​മെ​ന്നും ചെ​ന്നി​ത്ത​ല പ​റ​ഞ്ഞു. കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ യു​ഡി​എ​ഫ് പ്ര​വ​ർ​ത്ത​ക​ർ സ​ജീ​വ​മാ​കും. പ്രോ​ട്ടോ​ക്കോ​ൾ പാ​ലി​ച്ച് മു​ന്നോ​ട്ടു പോ​ക​ണ​മെ​ന്നാ​ണ് പ്ര​വ​ർ​ത്ത​ക​ർ​ക്ക് നി​ർ​ദേ​ശം ന​ൽ​കി​യി​രി​ക്കു​ന്ന​ത്. ക​ഷ്ട​ത അ​നു​ഭ​വി​ക്കു​ന്ന​വ​രെ വാ​ർ​ഡ് ത​ല​ത്തി​ൽ സ​ഹാ​യി​ക്കു​ക​യാ​ണെ​ന്നും ചെ​ന്നി​ത്ത​ല പ​റ​ഞ്ഞു.

വി​വാ​ദ പ്ര​സ്താ​വ​ന​യി​ൽ മു​ല്ല​പ്പ​ള്ളി ത​ന്നെ വി​ശ​ദീ​ക​ര​ണം ന​ൽ​കി​യ​താ​ണ്. അ​ദ്ദേ​ഹ​ത്തെ ഒ​റ്റ​തി​രി​ഞ്ഞ് അ​പ​മാ​നി​ക്കാ​നും ആ​ക്ഷേ​പി​ക്കാ​നും കേ​ര​ള​ത്തി​ലെ കോ​ൺ​ഗ്ര​സു​കാ​ർ അ​നു​വ​ദി​ക്കി​ല്ലെ​ന്നും ചെ​ന്നി​ത്ത​ല പ​റ​ഞ്ഞു. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന​ട​ത്തി​യ​ടുത്തോ​ളം മോ​ശം പ​ദ​പ്ര​യോ​ഗം ഇ​വി​ടെ വേ​റെ​യാ​രും ന​ട​ത്തി​യി​ട്ടി​ല്ല. ഇ​തി​ലൊ​ന്നും അ​ദ്ദേ​ഹം ഇ​തു​വ​രെ ക്ഷ​മ പ​റ​യാ​ൻ ത​യാ​റാ​യി​ട്ടി​ല്ല. ടി.​പി. ച​ന്ദ്ര​ശേ​ഖ​ര​നെ സി​പി​എം 51 വെ​ട്ടി​ന് കൊ​ല​പ്പെ​ടു​ത്തി​യി​ട്ട് കു​ലം​കു​ത്തി എ​ന്നു വി​ളി​ച്ച​തി​ൽ എ​ന്ത് മാ​ന്യ​ത​യാ​ണ് ഉ​ള്ള​ത്. എ​ൻ.​കെ. പ്രേ​മ​ച​ന്ദ്ര​നെ പ​ര​നാ​റി എ​ന്നു വി​ളി​ച്ച​തി​ന് സി​പി​എ​മ്മി​ന് കൊ​ല്ല​ത്ത് ക​ന​ത്ത തി​രി​ച്ച​ടി​യാ​ണ് നേ​രി​ടേ​ണ്ടി വ​ന്ന​തെ​ന്നും ചെ​ന്നി​ത്ത​ല ചൂ​ണ്ടി​ക്കാ​ട്ടി. മു​ഖ്യ​മ​ന്ത്രി​യു​ടെ മ​ന്ത്രി​സ​ഭ​യി​ലെ മ​ന്ത്രി​മാ​ർ സ്ത്രീ​ക​ളെ പൂ​ത​ന​യെ​ന്ന് വി​ളി​ച്ച​പ്പോ​ൾ നി​ങ്ങ​ളു​ടെ മൗ​നം കേ​ര​ളം ക​ണ്ട​താ​ണ്. സ്ത്രീ​ക​ളെ​ക്കു​റി​ച്ചു​ള്ള നി​ങ്ങ​ളു​ടെ മ​ന്ത്രി​മാ​രു​ടെ പ​ദ​സ​മ്പ​ത്തു​ക​ൾ കേ​ര​ളം ധാ​രാ​ളം കേ​ട്ടി​ട്ടു​ള്ള​താ​ണ്. അ​പ്പോ​ഴൊ​ന്നും മു​ഖ്യ​മ​ന്ത്രി ഒ​ര​ക്ഷ​രം മി​ണ്ടി​യി​ട്ടി​ല്ലെ​ന്നും ചെ​ന്നി​ത്ത​ല പ​റ​ഞ്ഞു.