LiveTV

Live

Kerala

മലപ്പുറത്തിനെതിരായ വിദ്വേഷ പ്രചരണം; മനേക ഗാന്ധിക്കെതിരെ നടപടി ആവശ്യപ്പെട്ട് സോളിഡാരിറ്റിയും എസ്.ഐ.ഒവും പരാതി നൽകി

വലിയ വംശീയ വിദ്വേഷ പ്രചരണമാണ് ട്വിറ്ററിലും ദേശീയ വാര്‍ത്താ ഏജന്‍സിയായ എ.എന്‍.ഐക്ക് നല്‍കിയ അഭിമുഖത്തിലും മനേക ഗാന്ധി നടത്തിയത്

മലപ്പുറത്തിനെതിരായ വിദ്വേഷ പ്രചരണം; മനേക ഗാന്ധിക്കെതിരെ നടപടി ആവശ്യപ്പെട്ട് സോളിഡാരിറ്റിയും എസ്.ഐ.ഒവും പരാതി നൽകി

മലപ്പുറത്തിനെതിരെ കടുത്ത വംശീയ വിദ്വേഷ പ്രചരണം നടത്തിയ  ബിജെപി നേതാവും മുന്‍ എം.പിയുമായ മനേക ഗാന്ധിക്കെതിരെ നടപടി ആവശ്യപ്പെട്ട് സോളിഡാരിറ്റിയും എസ്.ഐ.ഒവും പരാതി നൽകി. പാലക്കാട്ട്‌ ആന കൊല്ലപ്പെട്ട വിഷയത്തിൽ ബോധപൂർവ്വം മലപ്പുറത്തിന്റെ പേരുവലിച്ചിഴക്കുകയും സംഘ്‌ ഹേറ്റ്‌ കാമ്പയിനിംഗ്‌ ഇപ്പോഴും നടക്കുക്കയും ചെയ്യുന്നു. മനേകഗാന്ധിയെ ഉദ്ദരിച്ച്‌ മലപ്പുറത്തെ ടാർജ്ജറ്റ്‌ ചെയ്യുന്ന വാർത്തകൾ സീ ന്യൂസ്‌ അടക്കമുള്ള ചില ദേശീയമാധ്യമങ്ങൾ നൽകിയിരുന്നു. മലപ്പുറം എസ്.പി, ഡി.ജി.പി,ആഭ്യന്തരമന്ത്രി എന്നിവർക്കാണു സോളിഡാരിറ്റി മലപ്പുറം ജില്ലാ കമ്മിറ്റി പരാതി നൽകിയത്‌.

എസ്.ഐ.ഒ. മലപ്പുറം ജില്ലാ സെക്രട്ടറി ഫവാസ് അമ്പാളിയാണ് മനേക ഗാന്ധിക്കെതിരെ ഡി.ജി.പിക്ക് പരാതി നല്‍കിയത്. മലപ്പുറം ജില്ല ക്രിമിനല്‍ പ്രവര്‍ത്തനങ്ങള്‍ക്ക് പേരുകേട്ട സ്ഥലമാണ്, മലപ്പുറത്തുകാര്‍ റോഡിലേക്ക് വിഷം എറിഞ്ഞ് 300 മുതല്‍ 400 വരെ പക്ഷികളെയും നായ്ക്കളെയും ഒറ്റയടിക്ക് കൊന്നിട്ടുണ്ടെന്നടങ്ങുന്ന വംശീയ വിദ്വേഷ പ്രചരണമാണ് ട്വിറ്ററിലും ദേശീയ വാര്‍ത്താ ഏജന്‍സിയായ എ.എന്‍.ഐക്ക് നല്‍കിയ അഭിമുഖത്തിലും മനേക ഗാന്ധി നടത്തിയത്. ഇതിനെതിരെ അടിസ്ഥാന രഹിതമായ ആരോപണങ്ങള്‍ ഉന്നയിച്ച് കൊണ്ടും വ്യാജ വാര്‍ത്തകള്‍ പ്രചരിപ്പിച്ച് കൊണ്ടും മതസ്പര്‍ദ്ധ വളര്‍ത്തുകയും പ്രാദേശികമായ വിഭാഗീയതക്ക് ശ്രമിക്കുകയും ചെയ്ത മനേക ഗാന്ധിയുടെ പ്രവര്‍ത്തനങ്ങളെ ക്രിമിനല്‍ കുറ്റമായിക്കണ്ട് നിയമ നടപടി എടുക്കണമെന്ന് പരാതിയില്‍ ആവശ്യപ്പെട്ടു.

പാലക്കാട് ജില്ലയിൽ ആന ചരിഞ്ഞ സംഭവത്തിൽ മലപ്പുറം ജില്ലക്കെതിരെ വിദ്വേഷ പ്രചരണവുമായി മനേക ഗാന്ധി
Also Read

പാലക്കാട് ജില്ലയിൽ ആന ചരിഞ്ഞ സംഭവത്തിൽ മലപ്പുറം ജില്ലക്കെതിരെ വിദ്വേഷ പ്രചരണവുമായി മനേക ഗാന്ധി