LiveTV

Live

Kerala

കോവിഡ് ലക്ഷണവുമായി വന്നയാളെ സ്രവമെടുത്ത ശേഷം തിരിച്ചയച്ചു: തിരുവനന്തപുരത്ത് ഗുരതുര വീഴ്ച

കുവൈത്തില്‍ നന്ന് കോവിഡ് ലക്ഷണങ്ങളുമായി വന്ന പ്രവാസിയെ സ്രവമെടുത്തതിന് ശേഷം തിരികെ വീട്ടിലേക്ക് അയച്ചു. ആലങ്കോട് സ്വദേശിയായ പ്രവാസിക്ക് ഇന്ന് രോഗം സ്ഥിരീകരിച്ചതിനെത്തുടര്‍ന്നാണ് തിരിച്ചുവിളിച്ചത്.

കോവിഡ് ലക്ഷണവുമായി വന്നയാളെ സ്രവമെടുത്ത ശേഷം തിരിച്ചയച്ചു: തിരുവനന്തപുരത്ത് ഗുരതുര വീഴ്ച

കോവിഡ് രോഗിയെ പരിചരിക്കുന്നതില്‍ തിരുവനന്തപുരം മെഡിക്കല്‍ കോളജില്‍ ഗുരുതര വീഴ്ച. കുവൈത്തില്‍ നന്ന് കോവിഡ് ലക്ഷണങ്ങളുമായി വന്ന പ്രവാസിയെ സ്രവമെടുത്തതിന് ശേഷം തിരികെ വീട്ടിലേക്ക് അയച്ചു. ആലങ്കോട് സ്വദേശിയായ പ്രവാസിക്ക് ഇന്ന് രോഗം സ്ഥിരീകരിച്ചതിനെത്തുടര്‍ന്നാണ് തിരിച്ചുവിളിക്കുകയായിരുന്നു.

ഇന്നലെയാണ് 42കാരനായ ആലങ്കോട് സ്വദേശി പ്രത്യേക വിമാനത്തിൽ കുവൈത്തില്‍ നിന്ന് എത്തിയത്. വിമാനത്താവളത്തിൽ വെച്ച് നടത്തിയ പരിശോധനയിൽ ഇയാൾക്ക് കൊവിഡ് ലക്ഷണങ്ങളുണ്ടായിരുന്നു. തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ എത്തിക്കുകയും സ്രവം പരിശോധനയ്‌ക്കെടുക്കുകയും ചെയ്തു. ഇന്ന് രാവിലെ പതിനൊന്ന് മണിയോടെ ഇയാളെ വീട്ടിലേയ്ക്ക് അയയ്ക്കുകയും ചെയ്തു. വൈകീട്ട് ഫലം വന്നപ്പോൾ ഫലം പോസിറ്റീവായി. ഇതിന് പിന്നാലെ ഇദ്ദേഹത്തെ വിളിച്ചു വരുത്തുകയായിരുന്നു.

വിദേശത്ത് നിന്ന് വരുന്നവരെ ഏഴ് ദിവസത്തേക്ക് ഇൻസ്റ്റിറ്റ്യൂഷനല്‍ ക്വാറന്റീൻ ചെയ്യണമെന്നാണ് സർക്കാർ നിർദേശം. ആലങ്കോട് സ്വദേശിയുടെ കാര്യത്തിൽ വീഴ്ച സംഭവിച്ചു.