LiveTV

Live

Kerala

ലോക്ക് ഡൗണിന് പിന്നാലെ സംസ്ഥാനത്ത് പച്ചക്കറികള്‍ക്ക് തീവില; ഉള്ളി വില ഇരട്ടിയായി, തക്കാളിക്കും വിലകൂടി

ലോക്ക് ഡൗണിന് പിന്നാലെ സംസ്ഥാനത്ത് പച്ചക്കറി വില കുതിച്ചുയരുന്നു. 20-25 രൂപയ്ക്ക് ലഭിക്കുമായിരുന്ന സവാളയുടെ വില ഒറ്റയടിക്ക് 40 രൂപയായി ഉയര്‍ന്നു.

ലോക്ക് ഡൗണിന് പിന്നാലെ സംസ്ഥാനത്ത് പച്ചക്കറികള്‍ക്ക് തീവില; ഉള്ളി വില ഇരട്ടിയായി, തക്കാളിക്കും വിലകൂടി

ലോക്ക് ഡൗണിന് പിന്നാലെ സംസ്ഥാനത്ത് പച്ചക്കറിവില കുതിച്ചുയരുന്നു. രണ്ട് ദിവസത്തിനിടയില്‍ പലയിനങ്ങള്‍ക്കും 10 രൂപയോളം കൂടി. ചില്ലറവില്പനക്കാരാകാട്ടെ തോന്നിയ പോലെ വിലകൂട്ടുകയുമാണ്. മൊത്ത വിപണിയെക്കാള്‍ വലിയ തോതില്‍ വില കൂടുകയാണ് ചില്ലറ വിപണിയില്‍. രണ്ട് ദിവസത്തിനിടയിലാണ് പച്ചക്കറിയുടെ വില ഇങ്ങനെ ഉയരുന്നത്.

സവാള 30 രൂപയുണ്ടായിരുന്നത് ചില്ലറ വിപണിയില്‍ 40 രൂപയായി. തക്കാളിയുടെ വില 20ല്‍ നിന്ന് 30 രൂപയിലെത്തി. ചെറിയുള്ളിയ്ക്ക് പലയിടങ്ങളിലും തോന്നിയപോലെയാണ് വില. 30 രൂപ വരെ ചെറിയുള്ളിക്ക് കൂടി. 23ന് 80 രൂപയായിരുന്ന ചെറിയുള്ളിക്ക് മൊത്തവിപണിയില്‍ ഇന്നത്തെ വില 105 രൂപയാണ്. ചില്ലറ വിപണിയില്‍, അതായത് നമ്മുടെ കൈകളിലെത്താന്‍ 120 രൂപ കൊടുക്കണം പുതിയ സാഹചര്യത്തില്‍. 110 മുതല്‍ 120 രൂപ വരെ കൊടുക്കണം, ഒരു കിലോ വെളുത്തുള്ളി ലഭിക്കാന്‍. 25 മുതല്‍ 30 രൂപ വരെയുണ്ടായിരുന്ന പച്ചമുളകിന് 40 മുതല്‍ 45 രൂപയായി. പയറിനും ബീറ്റ്റൂട്ടിനും 45 രൂപയായും വര്‍ധിച്ചു. ഇഞ്ചിക്ക് പതിവ് പോലെ തന്നെ 80 രൂപയിലെത്തി. ഇതരസംസ്ഥാനത്ത് നിന്നും പച്ചക്കറിയുടെ വരവ് കുറഞ്ഞതും കൊണ്ട് വരുന്ന വാഹനങ്ങളുടെ വില കൂടിയതുമാണ് കാരണമായി വ്യാപാരികള്‍ പറയുന്നത്.