LiveTV

Live

Kerala

സംസ്ഥാനത്ത് ഇന്ന് പുറത്തുവന്ന രണ്ട് കോവിഡ് 19 പരിശോധനാഫലങ്ങളും നെഗറ്റീവ്

ഹൈ റിസ്ക് വിഭാഗത്തിലുൾപ്പെട്ടവരുടേത് ഉൾപ്പെടെ 12 സാമ്പിളുകളുടെ പരിശോധന ഫലങ്ങൾ കൂടി ഇന്ന് ലഭിച്ചേക്കുമെന്ന് ജില്ലാ കലക്ടർ പറഞ്ഞു

സംസ്ഥാനത്ത് ഇന്ന് പുറത്തുവന്ന രണ്ട് കോവിഡ് 19 പരിശോധനാഫലങ്ങളും നെഗറ്റീവ്

പത്തനംതിട്ടയിൽ ഇന്ന് പുറത്തുവന്ന പുതിയ രണ്ട് കോവിഡ് 19 പരിശോധന ഫലങ്ങളും നെഗറ്റീവ്. ഹൈ റിസ്ക് വിഭാഗത്തിലുൾപ്പെട്ടവരുടേത് ഉൾപ്പെടെ 12 സാമ്പിളുകളുടെ പരിശോധന ഫലങ്ങൾ കൂടി ഇന്ന് ലഭിച്ചേക്കുമെന്ന് ജില്ലാ കലക്ടർ പറഞ്ഞു. 27 പേരാണ് ജില്ലയിൽ ആശുപത്രികളിൽ ഐസോലേഷനിൽ കഴിയുന്നത്.

കഴിഞ്ഞ ദിവസം ലഭിച്ച 10 സാമ്പിളുകളുടെ പരിശോധന ഫലം നെഗറ്റീവ് ആയതിന് പിറകേയാണ് ഇന്ന് പുതുതായി ലഭിച്ച 2 പരിശോധനഫലങ്ങൾ കൂടി നെഗറ്റീവ് ആയത്. നേരത്തെ രോഗം സ്ഥിരീകരിച്ച 5 പേരുടെ സാമ്പിളുകളുടെ റിപ്പിറ്റഡ് ടെസ്റ്റിലും പരിശോധനഫലം പോസിറ്റീവ് ആയി തുടരുകയാണ്.

രോഗം സ്ഥിരീകരിച്ചവരുമായി നേരിട്ട് സമ്പർക്കം പുലർത്തിയ ആരോഗ്യവകുപ്പിന്റെ ഹൈ റിസ്ക് പട്ടികയിൽ ഉൾപ്പെടുന്ന ആളുകളുടെയടക്കമുള്ള പരിശോധനഫലമാണ് ഇനി ലഭിക്കാനുള്ളത്. 12 ഫലങ്ങൾ കൂടി ഇന്ന് ലഭിക്കുമെന്നാണ് പ്രതീക്ഷിക്കുന്നത്. നിലവിൽ ആശുപത്രികളിൽ 27 ആളുകളാണ് ഐസോലേഷനിൽ കഴിയുന്നത്. എല്ലാവരുടെയും ആരോഗ്യനില തൃപ്തികരമാണ്. വീടുകളിൽ 969 ആളുകളും ഇപ്പോൾ നിരീക്ഷണത്തിൽ കഴിയുന്നുണ്ട്. അതേസമയം മീനമാസ പൂജകൾക്കായി ശബരിമല നട നാളെ തുറക്കും. കൊറോണ ഭീതി നിലനിൽക്കുന്നതിനാൽ ഭക്തർക്ക് നിയന്ത്രണമേർപ്പെടുത്തി കർശന നിയന്ത്രണങ്ങളോടെയാണ് നട തുറക്കുക.