LiveTV

Live

Kerala

കോവിഡ് 19: സംസ്ഥാനത്ത് 1116 പേര്‍ നിരീക്ഷണത്തില്‍, ചികിത്സയിലുള്ളവരുടെ ആരോഗ്യനില തൃപ്തികരമെന്ന് മന്ത്രി

149 പേര്‍ ആശുപത്രിയിലും 967 പേര്‍ വീടുകളിലുമാണ് നിരീക്ഷണത്തിലുള്ളത്. ചികിത്സയിലുള്ളവരുടെ ആരോഗ്യനില തൃപ്തികരമാണെന്ന് ആരോഗ്യമന്ത്രി വ്യക്തമാക്കി.

കോവിഡ് 19: സംസ്ഥാനത്ത് 1116 പേര്‍ നിരീക്ഷണത്തില്‍, ചികിത്സയിലുള്ളവരുടെ ആരോഗ്യനില തൃപ്തികരമെന്ന് മന്ത്രി

കോവിഡ് 19ന്റെ പശ്ചാത്തലത്തില്‍ സംസ്ഥാനത്ത് 1116 പേര്‍ നിരീക്ഷണത്തിലുണ്ടെന്ന് ആരോഗ്യമന്ത്രി കെ.കെ ശൈലജ. 149 പേര്‍ ആശുപത്രിയിലും 967 പേര്‍ വീടുകളിലുമാണ് നിരീക്ഷണത്തിലുള്ളത്. പത്തനംതിട്ടയിലെ രോഗബാധിതരുമായി 270 പേർ നേരിട്ട് സമ്പർക്കം പുലര്‍ത്തി. ചികിത്സയിലുള്ളവരുടെ ആരോഗ്യനില തൃപ്തികരമാണെന്ന് ആരോഗ്യമന്ത്രി വ്യക്തമാക്കി.

ഇറ്റലിയില്‍ നിന്ന് കൊച്ചിയിലെത്തിയ മൂന്ന് വയസ്സുള്ള കുട്ടിക്ക് ഇന്ന് രാവിലെ കോവിഡ് 19 സ്ഥിരീകരിച്ചു. കളമശേരി മെഡിക്കല്‍‍ കോളജ് ആശുപത്രിയില്‍ ഐസൊലേഷന്‍ വാര്‍ഡില്‍ ചികിത്സയിലാണ് കുട്ടി. ഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം ആറായി.

കോവിഡ് 19: സംസ്ഥാനത്ത് 1116 പേര്‍ നിരീക്ഷണത്തില്‍, ചികിത്സയിലുള്ളവരുടെ ആരോഗ്യനില തൃപ്തികരമെന്ന് മന്ത്രി

ശനിയാഴ്ചയാണ് ഇറ്റലിയില്‍ നിന്ന് ദുബൈ വഴി ഇ.കെ 530 എന്ന എമിറേറ്റ്സ് വിമാനത്തില്‍ കുട്ടിയും മാതാപിതാക്കളും നെടുമ്പാശ്ശേരി വിമാനത്താവളത്തില്‍ എത്തിയത്. ഈ വിമാനത്തില്‍ എത്തിയ എല്ലാവരും ആരോഗ്യ പരിശോധനക്ക് വിധേയമാകണമെന്ന് കലക്ടര്‍ ആവശ്യപ്പെട്ടു. കുട്ടിയുടെ അമ്മയുടേയും അച്ഛന്‍റേയും പരിശോധനാഫലം ലഭ്യമായിട്ടില്ല.

ആളുകള്‍ ഭയംകൊണ്ട് മാസ്ക് വാങ്ങും എന്നു കരുതി മാസ്കുകൾക്ക് അനിയന്ത്രിതമായി വില കൂട്ടുന്നത് കുറ്റകരമാണ്. ഇതിനെതിരെ കർശന നടപടി സ്വീകരിക്കുമെന്ന് മന്ത്രി അറിയിച്ചു.