LiveTV

Live

Kerala

പൌരത്വ നിയമ ഭേദഗതിക്കെതിരെ സംയുക്തസമരത്തിന് ആഹ്വാനം ചെയ്ത് എ.കെ ആന്റണി

ആര്‍.എസ്.എസിനെതിരെ നിലപാടുള്ളവര്‍ ഒന്നിക്കണം. എല്‍ഡിഎഫ്-യു.ഡി.എഫ് വ്യത്യാസമില്ലാതെ എല്ലാവരും സമരത്തിന് അണിചേരണം. ഗവര്‍ണര്‍ കേന്ദ്ര സര്‍ക്കാരിന്റെ വക്താവാകരുതെന്നും ആന്റണി പറഞ്ഞു.

പൌരത്വ നിയമ ഭേദഗതിക്കെതിരെ സംയുക്തസമരത്തിന് ആഹ്വാനം ചെയ്ത് എ.കെ ആന്റണി

പൌരത്വ ഭേദഗതി നിയമത്തിനെതിരെ എല്‍ഡിഎഫ്-യു.ഡി.എഫ് ഭേദം മറന്ന് ഒരുമിച്ച് നില്‍ക്കണമെന്ന് കോണ്‍ഗ്രസ് പ്രവര്‍ത്തക സമിതിയംഗം എ.കെ ആന്‍റണി. സംയുക്ത പ്രക്ഷോഭത്തിലേക്കില്ലെന്ന നിലപാടില്‍ കോണ്‍ഗ്രസ് നില്‍ക്കുമ്പോഴാണ് എ.കെ ആന്റണിയുടെ പ്രസ്താവന. കേരളത്തിലെ രാഷ്ട്രീയ തര്‍ക്കത്തിലേക്ക് വിഷയത്തെ കൊണ്ടുപോകാനില്ലെന്ന് പറഞ്ഞ ആന്‍റണി പിന്നീട് പ്രസ്താവന മയപ്പെടുത്തുകയും ചെയ്തു.

കോണ്‍ഗ്രസിന്റെ കലാ വിഭാഗമായ സംസ്കാര സാഹിതിയുടെ ആഭിമുഖ്യത്തില്‍ ആര്യാടന്‍ ഷൌക്കത്ത് നടത്തുന്ന കാവല്‍ യാത്ര ഉദ്ഘാടനം ചെയ്യവെ ആണ് ആന്റണി യോജിച്ച പോരാട്ടത്തിന്റെ ആവശ്യകതയെക്കുറിച്ച് പറഞ്ഞത്. സംയുക്ത പ്രക്ഷോഭം സംബന്ധിച്ച് കോണ്‍ഗ്രസില്‍ അഭിപ്രായ വ്യത്യാസം ഉള്ള സാഹചര്യത്തില്‍ പ്രസംഗത്തിലെ പ്രസ്താവനയെക്കുറിച്ച് ആന്‍റണിയോട് മാധ്യമ പ്രവര്‍ത്തകര്‍ ചോദ്യം ഉന്നയിച്ചു. കേരളത്തിലെ രാഷ്ട്രീയതര്‍ക്കത്തിലേക്ക് പ്രശ്നത്തെ ചുരുക്കാനില്ലെന്നായിരുന്നു ആന്റണിയുടെ മറുപടി. ഒരു വിഭാഗത്തിന്റെ പ്രശ്നമായി കണ്ട് സമരത്തില്‍ നിന്ന് മാറി നില്‍ക്കുന്നവര്‍ പിന്നീട് ദുഃഖിക്കേണ്ടിവരുമെന്നും ആന്റണി കൂട്ടി ചേര്‍ത്തു. ‍

ഞാന്‍ പൌരന്‍ പേര് ഭാരതീയന്‍ എന്ന തലക്കെട്ടിലാണ് ആര്യാടന്‍ ഷൌക്കത്ത് യാത്ര സംഘടിപ്പിച്ചിരിക്കുന്നത്.