LiveTV

Live

Kerala

പൗരത്വ നിയമം: ആര്യാടന് പിന്തുണയുമായി ബി.ജെ.പി 

ആര്യാടൻ മുഹമ്മദിന് പൗരത്വ നിയമ ഭേദഗതിക്കെതിരായ സമരത്തിലെ പ്രശ്നങ്ങൾ മനസിലായിട്ടുണ്ടെന്ന് കെ സുരേന്ദ്രന്‍

പൗരത്വ നിയമം: ആര്യാടന് പിന്തുണയുമായി ബി.ജെ.പി 

പൗരത്വ നിയമ ഭേദഗതിയേയും എന്‍.പി.ആറിനേയും പരിധി വിട്ട് എതിര്‍ക്കേണ്ടെന്ന കോണ്‍ഗ്രസ് നേതാവ് ആര്യാടന്‍ മുഹമ്മദിന്‍റെ നിലപാടിനെ പിന്തുണച്ച് ബി.ജെ.പി. ആര്യാടൻ മുഹമ്മദിന് പൗരത്വ നിയമ ഭേദഗതിക്കെതിരായ സമരത്തിലെ പ്രശ്നങ്ങൾ മനസിലായിട്ടുണ്ടെന്ന് കെ സുരേന്ദ്രന്‍ പറഞ്ഞു. ഇപ്പോൾ നടക്കുന്ന പ്രതിഷേധം ബി.ജെ.പിക്ക് എതിരല്ലെന്നും സുരേന്ദ്രന്‍ പാലക്കാട് പറഞ്ഞു.

"പൗരത്വ നിയമം, എൻ.ആർ.സി, എൻ.പി.ആർ എന്നിവയെ നമ്മൾ എതിർക്കുന്നു. പക്ഷേ എതിർക്കുമ്പോൾ പരിധിക്കകത്തായിരിക്കണം. പരിധി വിട്ട് ചാടിയിട്ട് കാര്യമില്ല. അത് ഗുണത്തേക്കാളേറെ ദോഷം ചെയ്യും" എന്നാണ് ആര്യാടൻ ഇന്നലെ പറഞ്ഞത്.

പൗരത്വ നിയമത്തെ പരിധി വിട്ട് എതിര്‍ക്കുന്നത് ദോഷം ചെയ്യും: ആര്യാടന്‍ 
Also Read

പൗരത്വ നിയമത്തെ പരിധി വിട്ട് എതിര്‍ക്കുന്നത് ദോഷം ചെയ്യും: ആര്യാടന്‍ 

ഇവിടെ മുസ്‍ലിംകളും ക്രിസ്ത്യാനികളും ഉണ്ടായത് ഹിന്ദുക്കള്‍ സഹായിച്ചതിനാലാണ്. ഒരു നിലക്ക് നോക്കിയാല്‍ നമ്മുടെ പൂര്‍വികര്‍ ഹിന്ദുക്കളാണെന്നും ആര്യാടന്‍ പറഞ്ഞു. കാലിക്കറ്റ് യൂണിവേഴ്സിറ്റിയുടെ ജവഹര്‍ലാല്‍ നെഹ്റു സെന്‍റര്‍ ഫോര്‍ സ്റ്റഡീസ് ആന്‍റ് ഡെവലപ്പമെന്‍റിന്‍റെ പ്രഥമ നെഹ്റു സെക്യുലര്‍ അവാര്‍ഡ് സ്വീകരണ പരിപാടിയില്‍ സംസാരിക്കുകയായിരുന്നു ആര്യാടന്‍.