LiveTV

Live

Kerala

പൗരത്വ നിയമ ഭേദഗതിക്കെതിരായ സര്‍ക്കാര്‍ പരസ്യത്തിനെതിരെ ഗവര്‍ണര്‍ 

പൊതുജനത്തിന്റെ പണം വികസനത്തിനായാണ് ഉപയോഗിക്കേണ്ടത്. രാഷ്ട്രീയ പ്രചാരണത്തിനായല്ല ഉപയോഗിക്കേണ്ടതെന്നും ഗവര്‍ണര്‍

പൗരത്വ നിയമ ഭേദഗതിക്കെതിരായ  സര്‍ക്കാര്‍ പരസ്യത്തിനെതിരെ ഗവര്‍ണര്‍ 

പൗരത്വ നിയമ ഭേദഗതിക്കെതിരായ സംസ്ഥാന സര്‍ക്കാരിന്റെ പരസ്യത്തിനെതിരെ ഗവര്‍ണര്‍ ആരിഫ് മുഹമ്മദ് ഖാന്‍. പൊതുജനത്തിന്റെ പണം വികസനത്തിനായാണ് ഉപയോഗിക്കേണ്ടത്. രാഷ്ട്രീയ പ്രചാരണത്തിനായല്ല ഉപയോഗിക്കേണ്ടതെന്നും ഗവര്‍ണര്‍ ഡല്‍ഹിയില്‍ പറഞ്ഞു.

പൌരത്വ നിയമ ഭേദഗതിക്കെതിരെ നിയമസഭയില്‍ പ്രമേയം പാസ്സാക്കുകയും ഗവര്‍ണര്‍ ആരിഫ് മുഹമ്മദ് ഖാന്‍ ഇതിനെതിരെ പരസ്യമായി രംഗത്ത് വരികയും ചെയ്തതിന് പിന്നാലെയാണ് നിലപാട് വ്യക്തമാക്കി ദേശീയ മാധ്യമങ്ങളില്‍ അടക്കം കേരള സര്‍ക്കാര്‍ പരസ്യം നല്‍കിയത്. ഒന്നാണ് ഒന്നാമതാണ് നമ്മള്‍ എന്ന തലക്കെട്ടോട് കൂടിയാണ് പരസ്യം. ഭരണഘടനയെ സംരക്ഷിക്കാന്‍ കേരളം ഒറ്റക്കെട്ടെന്ന് പരസ്യത്തില്‍ വ്യക്താക്കുന്നുണ്ട്.

പൗരത്വ നിയമ ഭേദഗതിക്കെതിരെ ദേശീയ മാധ്യമങ്ങളില്‍ പരസ്യം നല്‍കി കേരള സര്‍ക്കാര്‍
Also Read

പൗരത്വ നിയമ ഭേദഗതിക്കെതിരെ ദേശീയ മാധ്യമങ്ങളില്‍ പരസ്യം നല്‍കി കേരള സര്‍ക്കാര്‍

പൌരത്വ നിയമത്തിനെതിരെ പ്രതിപക്ഷവുമായി യോജിച്ച് പ്രമേയം പാസ്സാക്കിയ ആദ്യ നിയമസഭ, തടങ്കല്‍ പാളയം, റേഷന്‍ കാര്‍ഡ് നിഷേധം തുടങ്ങിയ ഭീഷണികള്‍ ഉയര്‍ന്നപ്പോള്‍ ജനങ്ങളുടെ ആശങ്കയകറ്റാന്‍ ഉറച്ച് കാല്‍വെയ്പ് നടത്തിയ സര്‍ക്കാര്‍ തുടങ്ങിയ കാര്യങ്ങളും പരസ്യത്തില്‍ പറയുന്നുണ്ട്. പൌരത്വ രജിസ്റ്ററിലേക്ക് നയിക്കുന്ന എന്‍.പി.ആര്‍ കേരളം നിര്‍ത്തിവെച്ചു എന്ന കാര്യവും പരസ്യത്തില്‍ ഓര്‍മ്മപ്പെടുത്തുന്നു.

പൌരത്വ നിയമത്തെ എതിര്‍ക്കുന്ന പ്രമേയം നിയമസഭകള്‍ പാസ്സാക്കണമെന്ന് അഭ്യര്‍ത്ഥിച്ച് മറ്റ് 11 സംസ്ഥാനങ്ങളിലെ മുഖ്യമന്ത്രിമാര്‍ക്ക് പിണറായി വിജയന്‍ കത്തയച്ചതിന് പിന്നാലെയാണ് ദേശീയ തലത്തില്‍ അടക്കം ശ്രദ്ധ കിട്ടുന്ന തരത്തില്‍ ദേശീയ മാധ്യമങ്ങളിലും പ്രദേശിക മാധ്യമങ്ങളിലും സര്‍ക്കാര്‍ പരസ്യം നല്‍കിയത്.