LiveTV

Live

Kerala

ഏറ്റുമാനൂര്‍ സ്കൂളിലെ ലൈംഗിക ചൂഷണ പരാതി മൂടിവെക്കാന്‍ ശ്രമിച്ച പ്രധാന അധ്യാപകനെ സ്ഥലം മാറ്റി 

പരാതി നല്കിയിട്ടും ഈ പരാതി പൊലീസില്‍ നല്കാന്‍ പ്രധാന അധ്യാപകനായ വിജയന്‍ തയ്യാറായില്ല. കൂടാതെ പ്രതിയെ സംരക്ഷിക്കുന്ന നിലപാടുകളാണ് തുടര്‍ന്നും പ്രധാന അധ്യാപകന്‍ സ്വീകരിച്ചത്.

ഏറ്റുമാനൂര്‍ സ്കൂളിലെ ലൈംഗിക ചൂഷണ പരാതി മൂടിവെക്കാന്‍  ശ്രമിച്ച പ്രധാന അധ്യാപകനെ സ്ഥലം മാറ്റി 

കോട്ടയം ഏറ്റുമാനൂര്‍ സൂകളിലെ വിദ്യാര്‍ത്ഥികളുടെ ലൈംഗീക ചൂഷണ പരാതി മൂടിവെക്കാന്‍ ശ്രമിച്ച പ്രധാന അധ്യാപകനെ സ്ഥലം മാറ്റി. എറണാകുളം ജില്ലയിലേക്കാണ് സ്ഥലം മാറ്റം. പ്രതിയെ സഹായിക്കാന്‍ പ്രധാന അധ്യാപകന്‍ നടത്തിയ നീക്കം മീഡിയവണ്ണാണ് പുറത്ത് കൊണ്ടുവന്നത്.

പരാതി നല്കിയിട്ടും ഈ പരാതി പൊലീസില്‍ നല്കാന്‍ പ്രധാന അധ്യാപകനായ വിജയന്‍ തയ്യാറായില്ല. കൂടാതെ പ്രതിയെ സംരക്ഷിക്കുന്ന നിലപാടുകളാണ് തുടര്‍ന്നും പ്രധാന അധ്യാപകന്‍ സ്വീകരിച്ചത്. വിദ്യാര്‍ത്ഥികളോട് പരാതിയില്‍ നിന്നും പിന്‍മാറണമെന്ന് ആവശ്യപ്പെട്ടതോടെയാണ് 95 വിദ്യാര്‍ത്ഥികള്‍ പഠനം ഉപേക്ഷിച്ച് ഊരുകളിലേക്ക് മടങ്ങിയത്.

കുട്ടികള്‍ തിരിച്ച് വരണമെങ്കില്‍ ഈ അധ്യാപകരെ മാറ്റണമെന്ന് മാതാപിതാക്കളും ശക്തമായി ആവശ്യപ്പെട്ടു. ഇതോടെയാണ് പൊതു വിദ്യാഭ്യാസ ഡയറക്ടര്‍ പ്രധാന അധ്യാപകനായ വിജയനെ എറണാകുളം ജില്ലയിലേക്ക് സ്ഥലം മാറ്റിയത്. മുളന്തുരുത്തിയിലെ ഗവണ്‍മെന്റ് ഹയര്‍ സെക്കണ്ടറി സ്കൂളിലേക്കാണ് സ്ഥലമാറ്റം. ഉത്തരവ് ഉടന്‍ നാടപ്പാക്കണമെന്നു്ം നിര്‍ദ്ദേശമുണ്ട്. ഏറ്റുമാനൂര്‍ സ്കൂളിലേക്ക് പകരം അധ്യാപകനെ നിശ്ചയിച്ചിട്ടില്ല. നേരത്തെ വിദ്യാര്‍ത്ഥികളെ പിന്തുണച്ച സീനയര്‍ സൂപ്രണ്ടിനെയും സ്ഥലം മാറ്റിയിരുന്നു. ഇതിനെതിരെ വിദ്യാര്‍ത്ഥികളും രക്ഷിതാക്കളും ആശങ്ക പ്രകടിപ്പിച്ചിരുന്നു.