LiveTV

Live

Kerala

തന്റെ ഫോണ്‍ കോളുകള്‍ ചോര്‍ത്തുന്നുവെന്ന് ചെന്നിത്തല

ശബരിമലയിലെ സുപ്രിംകോടതി വിധി ഈ മണ്ഡലകാലത്ത് നടപ്പാക്കുമോയെന്ന് വ്യക്തമാക്കണമെന്നും ചെന്നിത്തല ആവശ്യപ്പെട്ടു. 

തന്റെ ഫോണ്‍ കോളുകള്‍ ചോര്‍ത്തുന്നുവെന്ന് ചെന്നിത്തല

കഴിഞ്ഞ കുറച്ച് നാളുകളായി തന്റെ ഫോൺ കോളുകള്‍ ചോർത്തുന്നുണ്ടെന്ന് പ്രതിപക്ഷ നേതാവ് രമേശ് ചെന്നിത്തല. താൻ ഉൾപ്പെടെയുള്ള പ്രതിപക്ഷ നേതാക്കളുടെ ഫോൺ കോളുകളാണ് ചോർത്തുന്നത്. സർക്കാരിന് വേണ്ടിയാണോ ഫോണ്‍ ചോര്‍ത്തുന്നതെന്ന് മുഖ്യമന്ത്രി പിണറായി വിജയന്‍ വ്യക്തമാക്കണം. ഇതേക്കുറിച്ച് മുഖ്യമന്ത്രി അന്വേഷിക്കണം. തിരഞ്ഞെടുപ്പ് കാലത്ത് നിരവധി ആളുകളുമായി സംസാരിക്കുമ്പോഴാണ് ഈ ചോർത്തൽ നടക്കുന്നതെന്നും വാര്‍ത്താസമ്മേളനത്തില്‍ ചെന്നിത്തല പറഞ്ഞു.

കൂടത്തായിയിലെ കൊലപാതകങ്ങളിൽ പോലും സി.പി.എമ്മിന് പങ്കുണ്ടെന്നത് അത്ഭുതകരമാണെന്നും ചെന്നിത്തല പറഞ്ഞു. ശബരിമലയിലെ സുപ്രിംകോടതി വിധി ഈ മണ്ഡലകാലത്ത് നടപ്പാക്കുമോയെന്ന് വ്യക്തമാക്കണമെന്നും ചെന്നിത്തല ആവശ്യപ്പെട്ടു. കോന്നിയിൽ ജയിച്ചാലും തോറ്റാലും എല്ലാവർക്കും ഉത്തരവാദിത്തമുണ്ടെന്നും പ്രതിപക്ഷ നേതാവ് രമേശ് ചെന്നിത്തല വ്യക്തമാക്കി. കോന്നിയിൽ തോറ്റാൽ ഉത്തരവാദിത്തം അടൂർ പ്രകാശ് ആണെന്ന മുല്ലപ്പള്ളിയുടെ പ്രസ്താവനയുടെ പശ്ചാത്തലത്തിലാണ് ചെന്നിത്തലയുടെ പരാമര്‍ശം. എല്ലാ മണ്ഡലത്തിലെയും വിജയത്തിന് താനുൾപ്പെടെ എല്ലാവർക്കും ഉത്തരവാദിത്തമുണ്ടെന്നും ചെന്നിത്തല വ്യക്തമാക്കി.