LiveTV

Live

Kerala

മില്‍മ പാലിന് വില കൂട്ടാന്‍ തീരുമാനം

എല്ലായിനം പാലിനും ലിറ്ററിന് നാല് രൂപ വീതമാണ് കൂട്ടുക

 മില്‍മ പാലിന് വില കൂട്ടാന്‍ തീരുമാനം

മിൽമ പാലിന് വില കൂടും. ലിറ്ററിന് 4 രൂപ കൂട്ടാനാണ് തീരുമാനം. സെപ്റ്റംബർ 21 മുതൽ പുതിയ വില നിലവിൽ വരും.

മന്ത്രി കെ.രാജുവിന്റെ അധ്യക്ഷതയിൽ ചേർന്ന ഉന്നതതല യോഗത്തിലാണ് മിൽമ പാലിന് വില കൂട്ടാൻ ധാരണയായത്.എല്ലാ ഇനം പാലിനും ലിറ്ററിന് 4 രൂപ കൂട്ടാനാണ് തീരുമാനം. 5 മുതൽ 7രൂപ വരെ വർദ്ധിപ്പിക്കാനായിരുന്നു മിൽമ ഫെഡറേഷൻ സർക്കാറിനോട് ശിപാർശ ചെയ്തിരുന്നത്. എന്നാൽ ഇതിന് സർക്കാർ അനുമതി നൽകിയില്ല.കാലിത്തീറ്റ അടക്കമുളളവയുടെ വില ഗണ്യമായി ഉയര്‍ന്നതാണ് പാലിന്റെ വില വര്‍ദ്ധിപ്പിക്കാന്‍ ഇടയാക്കിയതെന്നാണ് മില്‍മ ബോര്‍ഡിന്റെ നിലപാട്.

2017ലാണ് പാൽ വില അവസാനമായി വർദ്ധിപ്പിച്ചത്.അന്ന് കൂടിയ 4 രൂപയിൽ 3 രൂപ 35 പൈസയും കർഷകർക്കാണ് ലഭിച്ചത്.ഇപ്പോഴത്തെ വര്‍ധനയുടെ 85 ശതമാനവും കര്‍ഷകര്‍ക്ക് ലഭിക്കുമെന്നാണ് മില്‍മയുടെ അവകാശവാദം. ലിറ്ററിന് ഒരു പൈസ എന്ന നിലയിൽ സർക്കാർ പദ്ധതിയായ ഗ്രീൻ കേരള ഇനീഷ്യയേറ്റീവിനും നൽകും.സർക്കാർ ഫാമുകളിൽ നേരത്തെ തന്നെ പാലിന് വില കൂട്ടിയിരുന്നു.4 രൂപ വർദ്ധിച്ച് 46 രൂപയാണ് ഫാമുകളിലെ ഇപ്പോഴത്തെ വില.