LiveTV

Live

Kerala

മുസ്‍ലിം വിരുദ്ധ പരാമര്‍ശം; കെ.ആര്‍ ഇന്ദിരക്കെതിരെ എസ്.ഐ.ഒ പൊലീസില്‍ പരാതി നല്‍കി

ഇന്ദിരയുടെ മുസ്‌ലിം വിരുദ്ധ വര്‍ഗീയ പരാമര്‍ശം വ്യത്യസ്ത മത സമുദായങ്ങള്‍ തമ്മിലുള്ള സമാധാനപരമായ സഹവര്‍ത്തിത്വത്തിനു തുരങ്കം വെക്കുന്നതും... 

മുസ്‍ലിം വിരുദ്ധ പരാമര്‍ശം; കെ.ആര്‍ ഇന്ദിരക്കെതിരെ എസ്.ഐ.ഒ പൊലീസില്‍ പരാതി നല്‍കി

ആകാശവാണി പ്രോഗ്രാം ഡയറക്ടര്‍ കെ.ആര്‍ ഇന്ദിര ഫേസ്‍ബുക്കില്‍ പോസ്റ്റ് ചെയ്ത മത സ്പര്‍ദ്ധ വളര്‍ത്തുന്ന മുസ്‌ലിം വിരുദ്ധ പരാമര്‍ശം സംബന്ധിച്ച് എസ്.ഐ.ഒ കേരള ജനറല്‍ സെക്രട്ടറി ബിനാസ് ടി.എ പൊലീസ് മേധാവിക്ക് പരാതി നല്‍കി.

ഇന്ദിരയുടെ മുസ്‌ലിം വിരുദ്ധ വര്‍ഗീയ പരാമര്‍ശം വ്യത്യസ്ത മത സമുദായങ്ങള്‍ തമ്മിലുള്ള സമാധാനപരമായ സഹവര്‍ത്തിത്വത്തിനു തുരങ്കം വെക്കുന്നതും സമൂഹത്തില്‍ മുസ്‌ലിംകള്‍ക്ക് നേരെ വിദ്വേഷം വളര്‍ത്തുന്നതുമാണെന്ന് പരാതിയില്‍ പറയുന്നു. ഇന്ദിരയുടെ എഴുത്തുകളും മറ്റ് പ്രവര്‍ത്തികളും ഇസ്‌ലാംമത വിശ്വാസികളെ മുറിപ്പെടുത്തുന്നതും സമൂഹത്തില്‍ മുസ്‌ലിം വിരുദ്ധത വളര്‍ത്തുന്നതും സമുദായങ്ങള്‍ തമ്മില്‍ കലാപം നടത്താന്‍ ബോധപൂര്‍വ്വമായ ശ്രമം നടത്തുന്നതുമാണ്. ഇതിനെതിരെ നിയമനടപടികള്‍ സ്വീകരിക്കണമെന്നും പരാതിയില്‍ ആവശ്യപ്പെടുന്നു.

Also read: ‘മുസ്‍ലിം സ്ത്രീകള്‍ പന്നി പെറ്റുകൂട്ടും പോലെ പ്രസവിക്കുന്നത് നിര്‍ത്താന്‍ സ്റ്റെറിലൈസ് ചെയ്യണം’; വംശീയ വിദ്വേഷം അടങ്ങിയ ഫേസ്ബുക്ക് കുറിപ്പില്‍ എഴുത്തുകാരി കെ.ആര്‍ ഇന്ദിരക്കെതിരെ പ്രതിഷേധം ശക്തം

പരാതിക്ക് അടിസ്ഥാനമായ ഫേസ്ബുക്ക് പോസ്റ്റും അതു സംബന്ധിച്ച വാര്‍ത്തയും താഴെ

‘മുസ്‍ലിം സ്ത്രീകള്‍ പന്നി പെറ്റുകൂട്ടും പോലെ പ്രസവിക്കുന്നത് നിര്‍ത്താന്‍ സ്റ്റെറിലൈസ് ചെയ്യണം’; വംശീയ വിദ്വേഷം അടങ്ങിയ ഫേസ്ബുക്ക് കുറിപ്പില്‍ എഴുത്തുകാരി കെ.ആര്‍ ഇന്ദിരക്കെതിരെ പ്രതിഷേധം ശക്തം

ഫേസ്ബുക്കില്‍ വംശീയ വിദ്വേഷം പ്രകടിപ്പിക്കുന്ന കുറിപ്പ് പ്രസിദ്ധീകരിച്ച എഴുത്തുകാരി കെ.ആര്‍ ഇന്ദിരക്കെതിരെ പ്രതിഷേധം ശക്തം. അസമിലെ അന്തിമ ദേശീയ പൗരത്വ പട്ടികയില്‍ നിന്നും പത്തൊമ്പത് ലക്ഷം പേര്‍ പുറത്തായതുമായി ബന്ധപ്പെട്ടാണ് ഇന്ദിര ഫേസ്ബുക്കില്‍ വംശീയ വിദ്വേഷമടങ്ങിയ പോസ്റ്റ് പ്രസിദ്ധീകരിച്ചത്. ഇന്ത്യൻ പൗരർ അല്ലാതാകുന്നവരെ അനധികൃത കുടിയേറ്റക്കാരുടെ ക്യാമ്പിൽ മിനിമം സൗകര്യങ്ങൾ നൽകി പാർപ്പിക്കുകയും സ്റ്റെറിലൈസ് ചെയ്യുകയും വേണമെന്നാണ് കെ.ആര്‍ ഇന്ദിര ഫേസ്ബുക്ക് കുറിപ്പില്‍ കുറിച്ചത്. അതുമായി ബന്ധപ്പെട്ട ഫേസ്ബുക്ക് ചര്‍ച്ചകളിലും വംശീയവും വര്‍ഗീയവുമായ രീതിയിലാണ് കെ.ആര്‍ ഇന്ദിര സംസാരിച്ചത്. ‘മുസ്‍ലിം സ്ത്രീകള്‍ പന്നി പെറ്റുകൂട്ടും പോലെ പ്രസവിക്കുന്നത് നിര്‍ത്താനാണ് സ്റ്റെറിലൈസ് ചെയ്യുന്നതെന്നും പൈപ്പ് വെള്ളത്തില്‍ ഗര്‍ഭനിരോധന മരുന്ന് കലര്‍ത്തി വേണം മുസ്‍ലിംകളുടെ പ്രസവം നിര്‍ത്താനെന്നും കെ.ആര്‍ ഇന്ദിര ഫേസ്ബുക്കില്‍ പറഞ്ഞു.’ ആകാശവാണി പ്രോഗ്രാം പ്രൊഡ്യൂസറും എഴുത്തുകാരിയുമായ ഇന്ദിരയുടെ ഫേസ്ബുക്ക് പോസ്റ്റിനെതിരെ വ്യാപകമായ വിമര്‍ശനമാണ് സാമൂഹിക മാധ്യമങ്ങളില്‍ ഉയരുന്നത്.

കെ.ആര്‍ ഇന്ദിരയുടെ ഫേസ്ബുക്ക് പോസ്റ്റ്

ഇന്ത്യൻ പൗരർ അല്ലാതാകുന്നവർ എങ്ങോട്ടു പോകും എന്ന വേവലാതിയിലാണ് കേരളത്തിലെ സഹോദരസ്നേഹികൾ. അവരെ അനധികൃത കുടിയേറ്റക്കാരുടെ ക്യാമ്പിൽ മിനിമം സൗകര്യങ്ങൾ നൽകി പാർപ്പിക്കാം. വോട്ടും റേഷന്കാര്ഡും ആധാർകാർഡും ഇല്ലാതെ. പെറ്റുപെരുകാതിരിക്കാൻ സ്റ്റെറിലൈസ് ചെയ്യുകയുമാവാം

നേരത്തെ കമ്മട്ടിപ്പാടം സിനിമയിലെ അഭിനയത്തിന് വിനായകന് അവാര്‍ഡ് ലഭിച്ചതിനെയും കെ.ആര്‍ ഇന്ദിര കടുത്ത ജാതീയമായ രീതിയില്‍ വിമര്‍ശനമുന്നയിച്ചിരുന്നു. അന്നും വലിയ പ്രതിഷേധം ഇന്ദിരക്കെതിരെ ഉയര്‍ന്നു.

മുസ്‍ലിം വിരുദ്ധ പരാമര്‍ശം; കെ.ആര്‍ ഇന്ദിരക്കെതിരെ എസ്.ഐ.ഒ പൊലീസില്‍ പരാതി നല്‍കി

ഇജ്ജാതി ജന്മങ്ങളാണ് നാടിന്റെ ശാപം. മാത്രമല്ല, ഇത്തരം വിഷങ്ങൾക്കെതിരേ നിയമ നടപടി സ്വീകരിക്കാത്ത സർക്കാരുകളും. ഇവരെയൊക്കെ തെരുവിൽ നേരിടുക തന്നെ വേണം.

Posted by Ambika on Monday, September 2, 2019

Wow! ഇവന്മാരെ കുടിക്കുന്ന വെള്ളത്തിൽ പോലും വിശ്വസിക്കരുത് എന്ന് പറഞ്ഞത് വെർതേയല്ല ഓക്കേ?

Posted by Aysha Mahmood on Monday, September 2, 2019

ബിച്ച് ! ഒരു സിവിലൈസ്ഡ് രാജ്യത്തു കേസാകാനും, അകത്തു പോകാനും, ജോലി പോകാനുമുള്ള മനുഷ്യത്വവിരുദ്ധതയും, മതഭ്രാന്തും,...

Posted by Naseena Methal on Monday, September 2, 2019

'ഒരു ഹോളോകോസ്റ്റ് നടത്തിയാലോ എന്ന് തോന്നാറുണ്ട്', '(എൻ ആർ സി ലിസ്റ്റിലുള്ളവരെ) അവർ പെറ്റുപെരുകാതിരിക്കാൻ സ്റ്റെറിലൈസ്...

Posted by Sudeep Aadil-Aman Almitra on Monday, September 2, 2019

ഇത്ര ആത്മവിശ്വാസത്തോടെ മുസ്ലിം ന്യൂനപക്ഷ വിരുദ്ധ വംശീയവാദവും വംശഹത്യ പദ്ധതി യും മുന്നോട്ടുവെക്കുന്ന കെ....

Posted by Chandran Komath on Monday, September 2, 2019

ഈ മാന്യദേഹം ഓൾ ഇന്ത്യ റേഡിയോ പ്രോഗ്രാം ഡയറക്റ്റർ മാത്രമല്ല. സാംസ്ക്കാരിക പ്രവർത്തകയായ ഒരു കുലസ്ത്രീ കൂടിയാണു. ഈ വിഷം...

Posted by Shameer K Mundoth on Sunday, September 1, 2019