LiveTV

Live

Kerala

ദുരിതാശ്വാസത്തിന് പിരിച്ച പണം സ്വര്‍ണ ബിസ്കറ്റാക്കി കടത്താന്‍ ശ്രമം; വണ്ടൂർ സ്വദേശി അറസ്റ്റില്‍

ദുരിതാശ്വാസത്തിനായി സമാഹരിച്ച പണം ഉപയോഗിച്ചാണ് സ്വർണ്ണം വാങ്ങിയതെന്ന് ഇയാൾ സമ്മതിച്ചു. 

ദുരിതാശ്വാസത്തിന് പിരിച്ച പണം സ്വര്‍ണ ബിസ്കറ്റാക്കി കടത്താന്‍ ശ്രമം; വണ്ടൂർ  സ്വദേശി അറസ്റ്റില്‍

പ്രളയ ദുരിതാശ്വാസത്തിനായി പിരിച്ച പണം കൊണ്ട് സ്വർണം വാങ്ങി കടത്താൻ ശ്രമിച്ചയാളെ നെടുന്പാശേരി എയർ കസ്റ്റംസ് ഇന്റലിജൻസ് വിഭാഗം പിടികൂടി.

ജിദ്ദയിൽ നിന്നും എയർ അറേബ്യ വിമാനത്തിൽ ഒരു കിലോ സ്വർണ ബിസ്കറ്റുകളുമായി എത്തിയ വണ്ടൂർ സ്വദേശിയാണ് പിടിയിലായത്. സ്വർണത്തിന് 30 ലക്ഷം രൂപ വിലവരും. ഇയാളെ കസ്റ്റംസ് അറസ്റ്റ് ചെയ്തു.

ദുരിതാശ്വാസത്തിനായി സമാഹരിച്ച പണം ഉപയോഗിച്ചാണ് സ്വർണ്ണം വാങ്ങിയതെന്ന് ഇയാൾ സമ്മതിച്ചു. സ്വര്‍ണക്കടത്തിലൂടെ ലഭിക്കുന്ന ലാഭം എടുത്ത ശേഷം ബാക്കി തുക ദുരിതാശ്വാസത്തിലേക്ക് നല്‍കാനാണ് പദ്ധതിയിട്ടതെന്ന് ഇയാള്‍ അന്വേഷണ ഉദ്യോഗസ്ഥരോട് സമ്മതിച്ചതായി റിപ്പോര്‍ട്ടുണ്ട്.