LiveTV

Live

Kerala

കെ.എസ്.ഇ.ബി ഈടാക്കുന്ന പോസ്റ്റ് നിരക്ക് കൂടുതല്‍; കേബിള്‍ ടിവി മേഖല പ്രതിസന്ധിയില്‍  

കെ.എസ്.ഇ.ബി ഈടാക്കുന്ന പോസ്റ്റ് നിരക്ക് കൂടുതല്‍; കേബിള്‍ ടിവി മേഖല പ്രതിസന്ധിയില്‍  

കെ.എസ്.ഇ.ബി ഈടാക്കുന്ന പോസ്റ്റ് നിരക്ക് വര്‍ധിപ്പിച്ചത് ചെറുകിട കേബിള്‍ ടി.വി മേഖലയെ പ്രതിസന്ധിയിലാക്കുന്നു. നഗരപരിധിയില്‍ ഒരു പോസ്റ്റിന് നാനൂറ്റി മുപ്പത്തി എട്ട് രൂപയാണ് ഈടാക്കുന്നത്. പ്രതിസന്ധി പരിഹരിക്കാന്‍ സര്‍ക്കാര്‍ ഇടപെടണമെന്ന് കേബിള്‍ ടിവി ഓപ്പറേറ്റേഴ്സ് അസോസിയേഷന്‍ ആവശ്യപ്പെട്ടു.

കോര്‍പ്പറേഷന്‍-നഗരസഭ പരിധിയില്‍ ഒരു പോസ്റ്റിന് 438 രൂപയാണ് ചെറുകിട കേബിള്‍ ടി.വി ഓപ്പറേറ്റര്‍മാര്‍ കെ.എസ്.ഇ.ബിക്ക് നല്‍കുന്നത്. പഞ്ചായത്ത് പരിധിയില്‍ 219 രൂപയും. നിരക്കില്‍ ഓരോ വര്‍ഷവും അഞ്ച് ശതമാനം വര്‍ധനവുമുണ്ട്. ഈ അവസ്ഥയില്‍ മുന്നോട്ട് പോകാനാവില്ലെന്ന് കേബിള്‍ ടി.വി ഓപ്പറേറ്റേഴ്സ് അസോസിയേഷന്‍. ഇലക്ട്രിക് ഇന്‍സ്പെക്ഷന്‍ ചാര്‍ജ് അഞ്ചില്‍ നിന്ന് 15 രൂപയാക്കി ഉയര്‍ത്തി. ഒപ്പം ജി.എസ്.ടിയും. ചെറുകിട വ്യവസായമായ കേബിള്‍ ടി.വി മേഖലയെ സംരക്ഷിക്കാന്‍ സര്‍ക്കാര്‍ ഇടപെടണമെന്ന് ഓപ്പറേറ്റേഴ്സ് അസോസിയേഷന്‍ ആവശ്യപ്പെട്ടു.