LiveTV

Live

Kerala

സംസ്ഥാനത്ത് ഇന്ന് അര്‍ധരാത്രി മുതല്‍ ട്രോളിംഗ് നിരോധനം

52 ദിവസത്തെ ട്രോളിംഗ് നിരോധനകാലത്ത് വലിയ യന്ത്രവത്കൃത ബോട്ടുകള്‍ ഉപയോഗിച്ച് മത്സ്യബന്ധനം നടത്താനാകില്ല.

സംസ്ഥാനത്ത് ഇന്ന് അര്‍ധരാത്രി മുതല്‍ ട്രോളിംഗ് നിരോധനം

സംസ്ഥാനത്ത് ഇന്ന് അര്‍ധരാത്രി മുതല്‍ ട്രോളിംഗ് നിരോധനം ആരംഭിക്കും. കൊല്ലം നീണ്ടകര പാലത്തിന്റെ തൂണുകള്‍ ബന്ധിപ്പിച്ച് ഫിഷറീസ് വകുപ്പ് ചങ്ങല കെട്ടുന്നതോടെ നിരോധനം പ്രാബല്യത്തില്‍ വരും. 52 ദിവസത്തെ ട്രോളിംഗ് നിരോധനകാലത്ത് വലിയ യന്ത്രവത്കൃത ബോട്ടുകള്‍ ഉപയോഗിച്ച് മത്സ്യബന്ധനം നടത്താനാകില്ല.

മണ്‍സൂണ്‍ കാലത്തെ ട്രോളിംഗ് നിരോധനം ഇന്ന് അര്‍ധരാത്രി മുതലാണ് പ്രാബല്യത്തില്‍ വരിക. സംസ്ഥാനത്തിന്റെ തീരപ്രദേശങ്ങളില്‍ ഇതിനുള്ള ഒരുക്കങ്ങളെല്ലാം പൂര്‍ത്തിയായി. മത്സ്യബന്ധനത്തിനായി കടലില്‍ പോയ വലിയ ബോട്ടുകള്‍ രാത്രിയോടെ തിരിച്ചെത്തും. പത്ത് കുതിരശക്തിക്ക് മേലുള്ള യന്ത്രവത്കൃത ബോട്ടുകളെയാകും നിരോധനം ബാധിക്കുക. പരമ്പരാഗത മത്സ്യത്തൊഴിലാളികള്‍കള്‍ക്ക് നിരോധനം ബാധകമല്ല.

ട്രോളിംഗ് നിരോധനകാലത്ത് മത്സ്യത്തൊഴിലാളികള്‍ക്കുള്ള എല്ലാ ആനുകൂല്യങ്ങളും കൃത്യസമയത്ത് ലഭ്യമാക്കുമെന്ന് ഫിഷറീസ് വകുപ്പ് അറിയിച്ചിട്ടുണ്ട്. എന്നാല്‍ സൌജന്യറേഷനു പുറമെ വേതനവും അനുവദിച്ചു നല്‍കണമെന്നാണ് മത്സ്യത്തൊഴിലാളികളുടെ ആവശ്യം. ട്രോളിങ് നിരോധനത്തിന്റെ ഭാഗമായി തീരദേശ പൊലീസിന് പുറമെ മറൈന്‍ എന്‍ഫോഴ്സ്മെന്റും കടലില്‍ പ്രത്യേക നിരീക്ഷണം ആരംഭിച്ചിട്ടുണ്ട്.