LiveTV

Live

Kerala

നവമാധ്യമങ്ങളിലും തെരഞ്ഞെടുപ്പ് ആവേശം; പ്രചാരണത്തിന് വിദഗ്ധരെ നിയോഗിച്ച് മുന്നണികള്‍

മുന്‍ കാലങ്ങളില്‍ നിന്ന് വ്യത്യസ്തമായി ഓരോ മണ്ഡലങ്ങളിലും വിദഗ്ധസംഘങ്ങളെ തന്നെയാണ് ഇതിനായി പാര്‍ട്ടികള്‍ ഒരുക്കിയിരിക്കുന്നത്.

നവമാധ്യമങ്ങളിലും തെരഞ്ഞെടുപ്പ് ആവേശം;  പ്രചാരണത്തിന് വിദഗ്ധരെ നിയോഗിച്ച് മുന്നണികള്‍

നവമാധ്യമങ്ങളിലും തെരഞ്ഞെടുപ്പ് ആവേശം. പ്രചാരണത്തിനായി വിദഗ്ധരെ നിയോഗിച്ച് മുന്നണികള്‍. നിരീക്ഷണം ശക്തമാക്കി തെരഞ്ഞെടുപ്പ് കമ്മീഷന്‍. തെരഞ്ഞെടുപ്പ്പ്രചാരണത്തില്‍ ഇന്ന് ഒഴിവാക്കാനാവാത്ത ഒന്നായി മാറിയിരിക്കുകയാണ് നവമാധ്യമങ്ങള്‍. മുന്‍ കാലങ്ങളില്‍ നിന്ന് വ്യത്യസ്തമായി ഓരോ മണ്ഡലങ്ങളിലും വിദഗ്ധസംഘങ്ങളെ തന്നെയാണ് ഇതിനായി പാര്‍ട്ടികള്‍ ഒരുക്കിയിരിക്കുന്നത്. നവമാധ്യമങ്ങളിലെ പ്രചാരണം തെരഞ്ഞെടുപ്പ് കമ്മീഷനും നിരീക്ഷിക്കുന്നുണ്ട്‌.

തെരഞ്ഞെടുപ്പ് പ്രചാരണങ്ങളുടെ പുതിയ മാറ്റത്തിന്റെ ഉദാഹരണമാണ് നവമാധ്യമങ്ങള്‍. ചെറുപ്പക്കാരെ ലക്ഷ്യമിട്ട് ആരംഭിച്ച പ്രചാരണം ഇപ്പോള്‍ ഓരോ വോട്ടറെയും സ്വാധീനിക്കാന്‍ ശേഷിയുള്ളതായി മാറിക്കഴിഞ്ഞു. സംസ്ഥാന തലം മുതല്‍ ബൂത്ത് തലം വരെ ക്രേന്ദ്രീകരിച്ചാണ് രാഷ്ട്രീയ പാര്‍ട്ടികള്‍ നവമാധ്യമങ്ങളിലൂടെ പ്രചാരണം നടത്തുന്നത്. കണ്ണിനും കാതിനും ഇമ്പമുള്ളതെല്ലാം നവമാധ്യമത്തിലെ പ്രചാരണ തന്ത്രങ്ങളാണ്. ഒരോ സ്ഥാനാര്‍ഥിക്കും വേണ്ടി ചുമതലപ്പെടുത്തിയ വിദഗ്ധ സംഘങ്ങളാണ് ഈ സൈബര്‍ പോരാട്ടങ്ങളുടെ മുന്നണി പോരാളികള്‍.