LiveTV

Live

Kerala

ഡീന്‍ കുര്യാക്കോസിന്‍റെ പ്രചരണ ബോര്‍ഡില്‍ റീത്ത്

യു.ഡി.എഫ് സ്ഥാനാര്‍ഥി ഡീന്‍ കുര്യാക്കോസിന്‍റെ പ്രചാരണ ബോര്‍ഡ് നശിപ്പിച്ച് റീത്ത് വച്ചതായി പരാതി.

ഡീന്‍ കുര്യാക്കോസിന്‍റെ പ്രചരണ ബോര്‍ഡില്‍ റീത്ത്

ഇടുക്കി പാര്‍ലമെന്‍റ് മണ്ഡലത്തിലെ യു.ഡി.എഫ് സ്ഥാനാര്‍ഥി ഡീന്‍ കുര്യാക്കോസിന്‍റെ പ്രചരണ ബോര്‍ഡ് നശിപ്പിച്ച് റീത്ത് വച്ചതായി പരാതി. മൂവറ്റുപുഴ മണ്ഡലത്തിലെ ആരക്കുഴയിലാണ് പ്രചാരണ ബോര്‍ഡ് നശിപ്പിച്ചത്. പരാജയഭീതി മൂലമാണ് എതിരാളികള്‍ ഇത്തരം പ്രവര്‍ത്തനങ്ങള്‍ നടത്തുന്നതെന്ന് കോണ്‍ഗ്രസ് നേതാവ് ജോസഫ് വാഴയ്ക്കന്‍ ആരോപിച്ചു.

മൂവാറ്റുപുഴയ്ക്കും തൊടുപുഴയ്ക്കും ഇടയ്ക്കുള്ള ആരക്കുഴ പഞ്ചായത്തിലാണ് ഡീന്‍ കുര്യാക്കോസിന്‍റെ പ്രചാരണ ബോര്‍ഡ് നശിപ്പിച്ച് റീത്ത് വച്ചത്. ആരക്കുഴ വില്ലേജ് ഓഫീസിന് എതിവശത്ത് സ്ഥാപിച്ച ബോര്‍ഡാണ് നശിപ്പിച്ച് റീത്ത് വച്ചത്. പരാജയഭീതിയിലാണ് ഇത്തരം പ്രവര്‍ത്തനങ്ങളെന്ന് ജോസഫ് വാഴയ്ക്കന്‍ പറഞ്ഞു. സംഭവം അറിഞ്ഞെത്തിയ കോണ്‍ഗ്രസ് പ്രവര്‍ത്തകര്‍ സി.പി.എമ്മിനെതിരെയും ഡി.വൈ.എഫ്.ഐയ്ക്കെതിരെയും മുദ്രാവാക്യം മുഴക്കി പ്രതിഷേധിച്ചു. നശിപ്പിക്കപ്പെട്ട ഡീന്‍ കുര്യാക്കോസിന്‍റെ പ്രചാരണ ബോര്‍ഡില്‍ പ്രവര്‍ത്തകര്‍ പാലഭിഷേകം നടത്തി.

കുമളി, വണ്ടിപ്പെരിയാര്‍ എന്നിവിടങ്ങളില്‍ കഴിഞ്ഞ ദിവസങ്ങളി‍ല്‍‌ ഡീന്‍ കുര്യാക്കോസിന്‍റെ പ്രചാരണ ബോര്‍ഡുകള്‍ നശിപ്പിച്ചിരുന്നു. ആരക്കുഴയില്‍ ബോര്‍ഡില്‍ റീത്ത് സമര്‍പ്പിച്ച സംഭവത്തില്‍ കോണ്‍ഗ്രസ് പ്രവര്‍ത്തകര്‍ മൂവാറ്റുപുഴ പൊലീസില്‍ പരാതി നല്‍കി.