LiveTV

Live

Kerala

എന്‍.ഡി.എ കോട്ടയത്ത് തെരഞ്ഞെടുപ്പ് കമ്മിറ്റി ഓഫീസ് തുറന്നു

ഔദ്യോഗികമായി സ്ഥാനാര്‍ത്ഥിയെ പ്രഖ്യാപിക്കുന്നതിന് മുന്‍പേയാണ് ഓഫീസ് തുറന്ന് പ്രവര്‍ത്തനം ആരംഭിച്ചിരിക്കുന്നത്.

എന്‍.ഡി.എ കോട്ടയത്ത് തെരഞ്ഞെടുപ്പ് കമ്മിറ്റി ഓഫീസ് തുറന്നു

എന്‍.ഡി.എയുടെ കേരളത്തിലെ ആദ്യത്തെ തെരഞ്ഞെടുപ്പ് കമ്മിറ്റി ഓഫീസ് കോട്ടയം പാലായില്‍ തുറന്നു. ഔദ്യോഗികമായി സ്ഥാനാര്‍ത്ഥിയെ പ്രഖ്യാപിക്കുന്നതിന് മുന്‍പേയാണ് ഓഫീസ് തുറന്ന് പ്രവര്‍ത്തനം ആരംഭിച്ചിരിക്കുന്നത്. അനൌദ്യോഗിക ധാരണകള്‍ ഉണ്ടായ സാഹചര്യത്തില്‍ പി.സി തോമസ് മണ്ഡലത്തില്‍ പ്രചാരണം ആരംഭിക്കുകയും ചെയ്തിട്ടുണ്ട്.

മറ്റ് മുന്നണികളെക്കാള്‍ ഒരു മുഴം മുന്‍പേ കോട്ടയം മണ്ഡലത്തിലെ തെരഞ്ഞെടുപ്പ് രംഗത്ത് സജീവമാകാനുള്ള നീക്കങ്ങളാണ് എന്‍.ഡി.എ ആരംഭിച്ചിരിക്കുന്നത്. സ്ഥാനാര്‍ത്ഥിയുടെ കാര്യത്തില്‍ ഔദ്യോഗിക പ്രഖ്യാപനം വന്നിട്ടില്ലെങ്കിലും പ്രചാരണ പരിപാടികള്‍ സജീവമാക്കാനാണ് എന്‍.ഡി.എയുടെ നീക്കം. ഇതിന്റെ ഭാഗമായിട്ടാണ് കോട്ടയം പാലായില്‍ മണ്ഡലത്തിലെ തെരഞ്ഞെടുപ്പ് കമ്മിറ്റി ഓഫീസ് തുറന്നിരിക്കുന്നത്. എന്‍.ഡി.എയുടെ കേരളത്തിലെ തന്നെ ആദ്യത്തെ തെരഞ്ഞെടുപ്പ് കമ്മിറ്റി ഓഫീസാണിത്.

ഔദ്യോഗിക പ്രഖ്യാപനം ഉണ്ടായിട്ടില്ലെങ്കിലും ഘടക കക്ഷിയായ പി.സി തോമസിന് തന്നെ കോട്ടയം സീറ്റ് നല്‍കിയേക്കുമെന്നാണ് സൂചന. പി.സി തോമസ് സ്വയം സ്ഥാനാര്‍ത്ഥിത്വം പ്രഖ്യാപിച്ച് പ്രചാരണം ആരംഭിക്കുകയും ചെയ്തിട്ടുണ്ട്. മറ്റ് മുന്നണികള്‍ സ്ഥാനാര്‍ത്ഥികളെ നിശ്ചയിക്കാത്ത സാഹചര്യത്തില്‍ പ്രചാരണം നേരത്തെ ആരംഭിച്ചത് അനുകൂലമാകുമെന്നാണ് എന്‍.ഡി.എയുടെ വിലയിരുത്തല്‍.