LiveTV

Live

Kerala

സര്‍ക്കാരിന്‍റെ ദുരന്തനിവാരണ പ്രവര്‍ത്തനങ്ങളെ പ്രകീര്‍ത്തിച്ച് കുമ്മനം രാജശേഖരന്‍

മാനന്തവാടി രൂപത പ്രളയ ദുരിതാശ്വാസ ഭവന പദ്ധതി ഉദ്ഘാടനം ചെയ്യവെയാണ് മിസോറാം ഗവർണർ കുമ്മനം രാജശേഖരൻ സംസ്ഥാന സർക്കാരിൻറെ ദുരന്ത നിവാരണ പ്രവർത്തനങ്ങളെ പ്രകീർത്തിച്ചത്

സര്‍ക്കാരിന്‍റെ ദുരന്തനിവാരണ പ്രവര്‍ത്തനങ്ങളെ പ്രകീര്‍ത്തിച്ച് കുമ്മനം രാജശേഖരന്‍

പ്രളയ കാലത്ത് സംസ്ഥാന സര്‍ക്കാരിന്റെയും ജില്ലാ ഭരണകൂടങ്ങളുടെയും ദുരന്തനിവാരണ പ്രവര്‍ത്തനങ്ങളും പുനര്‍നിര്‍മാണ പ്രവര്‍ത്തനങ്ങളും മാതൃകാപരമാണെന്ന് മിസോറാം ഗവര്‍ണര്‍ കുമ്മനം രാജശേഖരന്‍. മാനന്തവാടി രൂപത പ്രളയ ദുരിതാശ്വാസ ഭവന പദ്ധതിയുടെയും കാരിത്താസ് ഇന്ത്യ സമഗ്ര പ്രളയ പുനരധിവാസ പദ്ധതിയുടെയും ഉദ്ഘാടനം നിര്‍വഹിക്കുകയായിരുന്നു അദ്ദേഹം.

കല്‍പ്പറ്റ എ.പി.ജെ. അബ്ദുല്‍കലാം ഹാളില്‍ നടന്ന മാനന്തവാടി രൂപത പ്രളയ ദുരിതാശ്വാസ ഭവന പദ്ധതി ഉദ്ഘാടനം ചെയ്യവെയാണ് മിസോറാം ഗവർണർ കുമ്മനം രാജശേഖരൻ സംസ്ഥാന സർക്കാരിൻറെ ദുരന്ത നിവാരണ പ്രവർത്തനങ്ങളെ പ്രകീർത്തിച്ചത്. സമാനതകളില്ലാത്ത പ്രളയ കാലത്ത് സർക്കാരിനൊപ്പം രംഗത്തിറങ്ങിയ ജില്ലാഭരണകൂടങ്ങളുടെയും സന്നദ്ധ സംഘടനകളുടെയും പ്രവർത്തനം മാതൃകാപരമായിരുന്നുവെന്നും അദ്ദേഹം പറഞ്ഞു.

വയനാട് കേരളത്തിലെ അതീവ പാരിസ്ഥിതിക പ്രാധാന്യം അര്‍ഹിക്കുന്ന ഭൂപ്രകൃതിയാണ്. കേരളത്തില്‍ ആസ്പിരേഷണല്‍ ഡിസ്ട്രിക്ട് പദ്ധതിയില്‍ ഉള്‍പ്പെടുത്തിയ ഏക ജില്ലയായ വയനാടിന്‍റെ വികസന ആവശ്യങ്ങളില്‍ തന്റെ എല്ലാവിധ സഹായങ്ങളും ഉണ്ടാകുമെന്നും അദ്ദേഹം വാഗ്ദാനം ചെയ്തു. വികാസ്പീഡിയ മികച്ച ഓഫ്‌ലൈന്‍ വോളണ്ടിയര്‍മാർക്കുള്ള അവാര്‍ഡുകളുടെ വിതരണവും യൂണിസെഫും വികാസ്പീഡിയയും ചേര്‍ന്ന് നടത്തിയ 'പ്രളയ പുനരധിവാസവും ഉയര്‍ന്നുവരുന്ന ആവശ്യങ്ങളും' എന്ന വിഷയത്തിലുള്ള ഏകദിന ശില്‍പശാലയുടെ സമാപനവും കുമ്മനം രാജശേഖരന്‍ ഉദ്ഘാടനം ചെയ്തു.