LiveTV

Live

Kerala

കോഴിക്കോട് മിഠായിത്തെരുവില്‍ ഹര്‍ത്താലനുകൂലികളുടെ അക്രമം

തുറന്ന കടകള്‍ അടപ്പിക്കാന്‍ ശ്രമം. കടകള്‍ക്ക് നേരെ കല്ലേറുമുണ്ടായി. 

 കോഴിക്കോട് മിഠായിത്തെരുവില്‍ ഹര്‍ത്താലനുകൂലികളുടെ അക്രമം

ഹർത്താലിൽ കോഴിക്കോട് മിഠായിത്തെരുവിൽ വൻ സംഘർഷം. വ്യാപാരികൾ കടകൾ തുറന്നതിനെ തുടർന്നായിരുന്നു സംഘർഷം അക്രമികൾ കടകൾ തല്ലിതകർത്തു. 4 പേരെ പോലീസ് വി.എച്ച്.പി ജില്ലാ കാര്യാലയമായ ഗണപതി മാരി അമ്മൻ കോവിലിൽ നിന്ന് അറസ്റ്റ് ചെയ്തു.

രാവിലെ 10 മണിയോടെ തന്നെ വ്യാപാരികൾ കടകൾ തുറന്നു. 10.30 ഓടെ മുതലക്കുളത്ത് നിന്നാരംഭിച്ച പ്രതിഷേധം രണ്ട് വഴിയായി തിരിഞ്ഞു . മിഠായിത്തെരുവിൽ വ്യാപാരികൾ കടകൾ തുറന്നതറിഞ്ഞ് പ്രതിഷേധക്കാർ അവിടേക്കെത്തി. കവാടത്തിൽ വെച്ച് പൊലീസ് തടയാൻ ശ്രമിച്ചെങ്കിലും സാധിച്ചില്ല. കണ്ണിൽ കണ്ടതെല്ലാം തച്ചുടച്ചു എറിഞ്ഞു തകർത്തുമായിരുന്നു പ്രതിഷേധം. മിഠായിത്തെരുവും കോയൻ കോ ബസാറും യുദ്ധക്കളമായി . പൊലീസിന്റെ അംഗബലത്തിലെ കുറവ് അക്രമികൾക്ക് ആക്കം കൂട്ടി. തുടർന്ന് വി.എച്ച്.പിയുടെ ജില്ലാ കാര്യാലയത്തിൽ ഒളിച്ച പ്രവർത്തകരെ പൊലീസ് അറസ്റ്റ് ചെയ്ത് നീക്കി. അക്രമികളുടെ കയ്യിൽ ആയുധങ്ങളുണ്ടായിരുന്നെന്ന് ദൃക്ഷ് സാക്ഷികൾ പൊലീസിനോട് പറഞ്ഞു. ഇക്കാര്യം പരിശോധിക്കുമെന്ന് കമ്മീഷണർ പറഞ്ഞു.