LiveTV

Live

Kerala

കെ.പി ശശികലയുടെ അറസ്റ്റ് നിയമവിരുദ്ധം; ശബരിമല സമരം രാജ്യവ്യാപകമാക്കും: ശ്രീധരന്‍ പിള്ള

വിശ്വാസത്തെ തകര്‍ക്കാനുള്ള ശ്രമത്തിനെതിരെ കേരളത്തിന് പുറത്തേക്കുള്ള സംസ്ഥാനങ്ങളില്‍ കൂടി സമരം വ്യാപിപ്പിക്കും. ഈ സംസ്ഥാനങ്ങളിലെ ബി.ജെ.പി നേതാക്കളുമായി ഇക്കാര്യം ആലോചിച്ചിട്ടുണ്ട്.

കെ.പി ശശികലയുടെ അറസ്റ്റ് നിയമവിരുദ്ധം; ശബരിമല സമരം രാജ്യവ്യാപകമാക്കും: ശ്രീധരന്‍ പിള്ള

ശബരിമല യുവതി പ്രവേശനത്തില്‍ സാവകാശ ഹരജി നല്‍കുന്നത് സര്‍ക്കാര്‍ മനഃപ്പൂര്‍വം വൈകിക്കുകയാണെന്ന് ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍പിള്ള. മുഖ്യമന്ത്രിയുടെ പിടിവാശിയാണ് ശബരിമലയിലെ പ്രശ്നങ്ങള്‍ക്ക് കാരണം. രാഷ്ട്രീയ മുതലെടുപ്പാണ് സി.പി.എം ശബരിമലയില്‍ നടത്തുന്നതെന്നും ശ്രീധരന്‍പിള്ള ആരോപിച്ചു.

കെ.പി ശശികലയുടെ അറസ്റ്റ് നിയമവിരുദ്ധം; ശബരിമല സമരം രാജ്യവ്യാപകമാക്കും: ശ്രീധരന്‍ പിള്ള

ഹിന്ദു ഐക്യവേദി പ്രസിഡന്റ് കെ.പി ശശികലയുടേയും മറ്റ് നേതാക്കളുടേയും അറസ്റ്റ് നിയമവിരുദ്ധമാണ്. കരുതൽ തടങ്കലാണെന്നാണ് പറയുന്നത്. എന്നാല്‍ കരുതൽ തടങ്കലിന് കേരളത്തില്‍ നിയമമില്ല. 1975 ന് ശേഷം പൊതുപ്രവര്‍ത്തനത്തിന്റെ പേരില്‍ കരുതൽ തടങ്കൽ പാടില്ലെന്നാണ് നിയമം. അവരെ അറസ്റ്റ് ചെയ്യാന്‍ ആരാണ് അധികാരം നല്‍കിയതെന്നും എന്തധികാരത്തിലാണ് അറസ്റ്റ് ചെയ്തതെന്നും ശ്രീധരന്‍ പിള്ള ചോദിച്ചു.

Also read: ശശികലയെ  അറസ്റ്റ് ചെയ്തു: സംസ്ഥാനത്ത് ഇന്ന് ഹിന്ദു ഐക്യവേദിയുടെ ഹര്‍ത്താല്‍

ശബരിമലയെ തകര്‍ക്കാനാണ് സര്‍ക്കാരിന്റെ ശ്രമം. കേരളത്തില്‍ നിന്നുള്ളവര്‍ മാത്രമല്ല ശബരിമലയില്‍ വരുന്നത്. അഞ്ചു കോടിയിലേറെ ആളുകള്‍ ശബരിമലയില്‍ എത്തുന്നുണ്ട്. ഇത്രയും ആളുകൾ വരുന്ന സ്ഥലത്ത് സംസ്ഥാന സര്‍ക്കാര്‍ ഒരു സൗകര്യവും ഒരുക്കിയിട്ടില്ല. ഈ നിലപാടില്‍ വേദനയുണ്ട്. ഇത്രയും ജനങ്ങളെ നിയന്ത്രിക്കേണ്ടത് ഇവിടെയുള്ളവരല്ല.

കെ.പി ശശികലയുടെ അറസ്റ്റ് നിയമവിരുദ്ധം; ശബരിമല സമരം രാജ്യവ്യാപകമാക്കും: ശ്രീധരന്‍ പിള്ള

വിശ്വാസത്തെ തകര്‍ക്കാനുള്ള ശ്രമത്തിനെതിരെ കേരളത്തിന് പുറത്തേക്കുള്ള സംസ്ഥാനങ്ങളില്‍ കൂടി സമരം വ്യാപിപ്പിക്കും. ഈ സംസ്ഥാനങ്ങളിലെ ബി.ജെ.പി നേതാക്കളുമായി ഇക്കാര്യം ആലോചിച്ചിട്ടുണ്ട്.

ശബരിമല വിഷയം സംസ്ഥാന പരിധിയില്‍ മാത്രം വരുന്നതല്ല. കേന്ദ്രസര്‍ക്കാരിനെ കൂടി ഇക്കാര്യത്തില്‍ ഇടപെടുവിക്കാന്‍ ശ്രമിക്കുന്നുണ്ടെന്നും ശ്രീധരന്‍ പിള്ള അറിയിച്ചു. ശബരിമലയെ എങ്ങനെയും തകര്‍ക്കാനുള്ള ലക്ഷ്യത്തോടെയാണ് പോലീസ് അയ്യപ്പന്മാര്‍ വേണ്ട എന്ന തീരുമാനമെന്നും ശ്രീധരന്‍ പിള്ള ആരോപിച്ചു. ശബരിമലയുടെ എല്ലാ പൈതൃകവും സര്‍ക്കാര്‍ നശിപ്പിക്കുകയാണ്. ശബരിമലയുടെ ആത്മീയത ഇല്ലാതാക്കി തകര്‍ക്കാനാണ് സര്‍ക്കാര്‍ ശ്രമമെന്നും അദ്ദേഹം ആരോപിച്ചു. പള്ളിക്കേസില്‍ സാവകാശ ഹര്‍ജി നല്‍കിയ സര്‍ക്കാര്‍ ശബരിമല വിഷയത്തില്‍ വിവേചനം കാട്ടുകയാണെന്നും ഈ വിവേചനമാണ് കേരളം നേരിടുന്ന ഏറ്റവും വലിയ പ്രശ്‌നമെന്നും ശ്രീധരന്‍ പിള്ള ആരോപിച്ചു.

Also read: ‘ശബരിമല സുവര്‍ണാവസരം; ഒറ്റക്കാവില്ലെന്ന് തന്ത്രിക്ക് ഉറപ്പ് നല്‍കി’ ശ്രീധരന്‍ പിള്ളയുടെ ശബ്‍ദരേഖ പുറത്ത്