LiveTV

Live

Kerala

ഇടുക്കി കൂട്ടക്കൊല: മുഖ്യപ്രതി അനീഷ് പിടിയിൽ

എറണാകുളം നേര്യമംഗലത്ത് സുഹൃത്തിന്റെ വീട്ടിൽവെച്ചാണ് കൊല്ലപ്പെട്ട കൃഷ്ണന്റെ ശിഷ്യൻ കൂടിയായ അനീഷ് പിടിയിലായത്

ഇടുക്കി  കൂട്ടക്കൊല: മുഖ്യപ്രതി അനീഷ് പിടിയിൽ

ഇടുക്കി വണ്ണപ്പുറത്തെ കൂട്ടക്കൊല കേസില്‍ മുഖ്യപ്രതി അനീഷ് പിടിയിൽ. എറണാകുളം നേര്യമംഗലത്ത് സുഹൃത്തിന്റെ വീട്ടിൽവെച്ചാണ് കൊല്ലപ്പെട്ട കൃഷ്ണന്റെ ശിഷ്യൻ കൂടിയായ അനീഷ് പിടിയിലായത്. പ്രതിയെ ഇന്ന് കോടതിയിൽ ഹാജരാക്കും.

പൊലീസ്‌ ഇന്നലെ കസ്റ്റഡിയിൽ വാങ്ങിയ കൂട്ടുപ്രതി ലിബീഷില്‍ നിന്ന്‌ ഇന്ന്‌ തെളിവെടുക്കും. കൊല്ലപ്പെട്ട കൃഷ്‌ണന്റെ വീട്ടില്‍ നിന്ന്‌ മോഷ്ടിച്ച സ്വര്‍ണ്ണം ലിബീഷും മുഖ്യപ്രതി അനീഷും സ്വകാര്യ ധനകാര്യ സ്ഥാപനത്തില്‍ പണയം വച്ചെന്നാണ് പൊലീസ് പറയുന്നത്. ഇത്‌ തിരിച്ചെടുക്കുന്നതിനൊപ്പം ലിബീഷിന്റെ കാരിക്കോട്ടെ വീട്ടിലും കൃഷ്‌ണന്റെ കമ്പകക്കാനത്തെ വീട്ടിലും എത്തിച്ച്‌ അന്വേഷണ സംഘം തെളിവെടുക്കും.

നേരത്തെ നടത്തിയ തെളിവെടുപ്പില്‍ നാലംഗ കുടുംബത്തെ കൊല്ലാന്‍ ഉപയോഗിച്ച ആയുധങ്ങളും മോഷ്ടിച്ച ആഭരണങ്ങളും പ്രതി പൊലീസിന്‌ കാട്ടിക്കൊടുത്തിരുന്നു. അനീഷ് കൂടി പിടിയിലായതോടെ കൊലപാതകക്കേസിന്റെ കൂടുതൽ വിവരങ്ങൾ പുറത്തുവരും.