LiveTV

Live

Kerala

അഭിമന്യുവിന്റെ കുടുംബത്തെ സിപിഎം ഏറ്റെടുക്കുമെന്ന് കോടിയേരി

സ്ഥലം വാങ്ങി വീടുവെയ്‌ക്കുന്നതിനും മറ്റുകാര്യങ്ങള്‍ക്കും എറണാകുളം ജില്ലാകമ്മിറ്റിയുടെയും എസ്‌ എഫ്‌ ഐ സംസ്ഥാനകമ്മിറ്റിയുടെയും സഹായത്തോടെ ഇടുക്കി ജില്ലാകമ്മിറ്റി ഉത്തരവാദിത്തം നിര്‍വഹിക്കും

 അഭിമന്യുവിന്റെ കുടുംബത്തെ സിപിഎം ഏറ്റെടുക്കുമെന്ന് കോടിയേരി

മഹാരാജാസ് കോളേജില്‍ കൊല്ലപ്പെട്ട എസ്.എഫ്. ഐ പ്രവര്‍ത്തകന്‍ അഭിമന്യുവിന്റെ കുടുംബത്തെ സിപിഎം ഏറ്റെടുക്കുമെന്ന് കോടിയേരി ബാലകൃഷ്ണന്‍. മാതാപിതാക്കളുടെ സംരക്ഷണത്തിനാവശ്യമായ സംവിധാനവുമൊരുക്കും. സഹോദരിയുടെയും സഹോദരന്റെയും ഭാവിജീവിതം സംരക്ഷിതമാക്കുന്നതിന്‌ ആവശ്യമായ ഇടപെടലുകളും പാര്‍ട്ടി നടത്തുമെന്നും കോടിയേരി അറിയിച്ചു.

കോടിയേരിയുടെ ഫേസ്ബുക്ക് പോസ്റ്റ്

എറണാകുളം മഹാരാജാസ്‌ കോളേജില്‍ എസ്‌ ഡി പി ഐക്കാർ കുത്തിക്കൊലപ്പെടുത്തിയ ധീരരക്തസാക്ഷി അഭിമന്യുവിന്റെ കുടുംബത്തെ സിപിഐ എം ഏറ്റെടുക്കും.

ദരിദ്രമായ കുടുംബത്തിന്റെയും പിന്നോക്കം നില്‍ക്കുന്ന പ്രദേശത്തിന്റെയും പ്രതീക്ഷയായിരുന്ന അഭിമന്യുവിനെയാണ്‌ മതഭീകരവാദികള്‍ കൊലപ്പെടുത്തിയത്‌. ഒരു ചെറിയ മുറിയിലാണ്‌ കുടുംബമാകെ ജീവിച്ചിരുന്നത്‌. ഇവര്‍ക്ക്‌ വട്ടവടയില്‍തന്നെ സ്ഥലംവാങ്ങി വീട്‌ നിര്‍മ്മിച്ച്‌ നല്‍കും. മാതാപിതാക്കളുടെ സംരക്ഷണത്തിനാവശ്യമായ സംവിധാനവുമൊരുക്കും. സഹോദരിയുടെയും സഹോദരന്റെയും ഭാവിജീവിതം സംരക്ഷിതമാക്കുന്നതിന്‌ ആവശ്യമായ ഇടപെടലുകളും പാര്‍ട്ടി നടത്തും.

അഭിമന്യൂവിന്റെ ആഗ്രഹങ്ങള്‍ സാക്ഷാത്‌കരിക്കുന്നതിന്‌ സാദ്ധ്യമായ പ്രവര്‍ത്തനങ്ങളെല്ലാം പാര്‍ട്ടി സംഘടിപ്പിക്കും. സ്ഥലം വാങ്ങി വീടുവെയ്‌ക്കുന്നതിനും മറ്റുകാര്യങ്ങള്‍ക്കും എറണാകുളം ജില്ലാകമ്മിറ്റിയുടെയും എസ്‌ എഫ്‌ ഐ സംസ്ഥാനകമ്മിറ്റിയുടെയും സഹായത്തോടെ ഇടുക്കി ജില്ലാകമ്മിറ്റി ഉത്തരവാദിത്തം നിര്‍വഹിക്കും.

ആക്രമണത്തില്‍ പരിക്കുപറ്റി ആശുപത്രിയില്‍ കഴിയുന്ന അര്‍ജ്ജുനന്റെയും, വീനിതിന്റെയും മുഴുവന്‍ ചികിത്സാചെലവും എറണാകുളം ജില്ലാകമ്മിറ്റി വഹിക്കും. രണ്ടു ജില്ലകളിലും ജൂലൈ 14, 15, 16 തീയതികളില്‍ പാര്‍ടി പ്രവര്‍ത്തകര്‍ എല്ലാ വീടുകളും സന്ദര്‍ശിച്ച് ഫണ്ട് ശേഖരിക്കും. മതഭീകരത നാട്ടില്‍ സൃഷ്ടിക്കുന്ന ഭയാനകമായ സാഹചര്യം ജനാധിപത്യപരമായി പ്രതിരോധിക്കേണ്ടതിന്റെ പ്രധാന്യം മുഴുവന്‍ ജനങ്ങളിലേക്കുമെത്തിക്കാന്‍ ശ്രമിക്കും.

പരമാവധിയാളുകളുടെ സഹായവും പിന്തുണയും ഫണ്ട്‌ ശേഖരണത്തിന് പ്രതീക്ഷിക്കുന്നുണ്ട്‌. ലോകത്തിന്റെ വിവിധ ഭാഗങ്ങളില്‍ നിന്നും മതഭീകരതക്കെതിരെയുള്ള പ്രതിരോധത്തിന്‌ കണ്ണിചേരുന്നതിനും കുടുംബത്തെ സഹായിക്കുന്നതിനും പല പ്രമുഖവ്യക്തിത്വങ്ങളും താല്‍പ്പര്യം പ്രകടിപ്പിക്കുന്നുണ്ട്‌. കുടുംബത്തെ സഹായിക്കുന്നതിന്‌ സന്നദ്ധമായി പല വാട്ട്‌സ്‌ആപ്‌ ഗ്രൂപ്പുകളും ഫണ്ട് ശേഖരണം നടത്തുന്നതായി മനസിലാക്കുന്നു. അത്തരത്തിലുള്ള ഫണ്ട്‌ സമാഹരണത്തിന്റെ ആവശ്യമില്ല.

ഫണ്ട്‌ നല്‍കാന്‍ സന്നദ്ധതയുള്ള വ്യക്തികളും സംഘടനകളും, ഗ്രൂപ്പുകളും അഭിമന്യുവിന്റെ കുടുംബത്തെ സഹായിക്കാന്‍ തുടങ്ങിയ സെക്രട്ടറി, സിപിഐ എം എറണാകുളം ജില്ല കമ്മറ്റിയുടെ ബാങ്ക്‌ അക്കൗണ്ട്‌ നമ്പറായ 12380200021782 IFSC Code FDRL 0001238 Federal Bank, Ernakulam M.G.Road Branch-ലേക്ക്‌ സംഭാവനകള്‍ അയച്ചുകൊടുക്കാൻ താൽപ്പര്യപ്പെടുന്നു. മതഭീകരതയ്‌ക്കെതിരായ പ്രവര്‍ത്തനങ്ങളും അഭിമന്യുവിന്റെ കുടുംബത്തെ സഹായിക്കുന്നതിനുള്ള ഫണ്ട്‌ ശേഖരണവും വിജയിപ്പിക്കുവാന്‍ എല്ലാ മതനിരപേക്ഷ ജനാധിപത്യവാദികളോടും അഭ്യര്‍ത്ഥിക്കുന്നു.

എറണാകുളം മഹാരാജാസ്‌ കോളേജില്‍ എസ്‌ ഡി പി ഐക്കാർ കുത്തിക്കൊലപ്പെടുത്തിയ ധീരരക്തസാക്ഷി അഭിമന്യുവിന്റെ കുടുംബത്തെ സിപിഐ എം...

Posted by Kodiyeri Balakrishnan on Friday, July 6, 2018