LiveTV

Live

Kerala

ചളി ചിന്തകളെ കമ്പ്യൂട്ടറിലെത്തിക്കാന്‍ ചളി മിഷ്യന്‍

ചളി ചിന്തകളെ കമ്പ്യൂട്ടറിലെത്തിക്കാന്‍ ചളി മിഷ്യന്‍
Summary
പെയിന്റില്‍ എഡിറ്റ് ചെയ്യാന്‍ പറ്റാത്ത, ഫോട്ടോഷോപ്പില്‍ മലയാളം ടൈപ്പ് ചെയ്യാന്‍ ബുദ്ധിമുട്ടുന്നവര്‍ക്കു വേണ്ടി എളുപ്പത്തില്‍ ചളികള്‍ ഇറക്കാന്‍ സാഹായിക്കുന്ന ഒരു വെബ് സൈറ്റ് അതാണ് ചളി മിഷ്യന്‍

മലയാളത്തില്‍ ആക്ഷേപഹാസ്യത്തിന്റെ പുതിയ വേദിയൊരുക്കിക്കൊണ്ട് ചളി മെഷീന്‍ എത്തിയിരിക്കുന്നു. ഫോട്ടോഷോപ്പ് ഉപയോഗിച്ച് മലയാളത്തില്‍ ട്രോളുകളും മറ്റും നിര്‍മ്മിക്കുന്നതിലെ ബുദ്ധിമുട്ടുകള്‍ക്ക് പരിഹാരമായാണ് ചളി മെഷീന്‍ വരുന്നത്.

www.chalimachine.com എന്ന വെബ്‌സൈറ്റാണ് സോഫ്റ്റുവെയറുകളെ ആശ്രയിക്കാതെ ട്രോളുകള്‍ നിര്‍മ്മിക്കാനായി മലയാളികളുടെ സഹായത്തിനെത്തുന്നത്. 107 കാര്‍ട്ടൂണ്‍ കഥാപാത്രങ്ങളാണ് ചളിമെഷീനില്‍ ഉള്ളത്. ഇതിനൊപ്പം മലയാളം ടൈപ്പു ചെയ്യുന്നതിനുള്ള സൗകര്യവുമുണ്ട്. ചുരുക്കത്തില്‍ മലയാളം ഫോണ്ടുകള്‍ ഇന്‍സ്റ്റാള്‍ ചെയ്യാതെ ഫോട്ടോഷോപ്പിന്റെയോ മറ്റോ സഹായമില്ലാതെ നിങ്ങള്‍ക്കും ഉഗ്രന്‍ കാര്‍ട്ടൂണുകള്‍ സൃഷ്ടിക്കാം. അനുയോജ്യമായ ചിന്തകള്‍ വേണമെന്ന് മാത്രം.

ലബീബ് എം, ഓറിയോണ്‍ ചമ്പാടിയില്‍, ഋഷികേശ് കെബി, മുനീഫ് ഹമീദ്, ഹിരണ്‍ വേണുഗോപാലന്‍ എന്നിവരാണ് ചളി മെഷീന് പിറകില്‍. ഒരു എസ് എം സി, ഐ സി യു, മഗ്ര സംരംഭം എന്ന് വേണമെങ്കില്‍ പറയാം. നിലവില്‍ ചളി മെഷീനിലുള്ള 107 കാര്‍ട്ടൂണ്‍ കഥാപാത്രങ്ങളും ഓറിയോണ്‍ ചമ്പാടിയില്‍ വരച്ചതാണ്. ഇനി നിങ്ങള്‍ക്കും വരക്കാന്‍ കഴിയുമെങ്കില്‍ അതിനും സൗകര്യമുണ്ട്. ഇതിനായി ചില മാനദണ്ഡങ്ങള്‍ ഉണ്ടെന്ന് മാത്രം. ഇതും ചളി മെഷീനില്‍ വിശദമായി പറഞ്ഞിട്ടുണ്ട്.

പെയിന്റില്‍ എഡിറ്റ് ചെയ്യാന്‍ പറ്റാത്ത, ഫോട്ടോഷോപ്പില്‍ മലയാളം ടൈപ്പ് ചെയ്യാന്‍ ബുദ്ധിമുട്ടുന്നവര്‍ക്കു വേണ്ടി എളുപ്പത്തില്‍ ചളികള്‍ ഇറക്കാന്‍ സഹായിക്കുന്ന ഒരു വെബ് സൈറ്റ് - എന്നാണ് ചളി മെഷീനെ നിര്‍മ്മാതാക്കള്‍ തന്നെ വിശേഷിപ്പിച്ചത്. വിഖ്യാത കാര്‍ട്ടൂണിസ്റ്റ് ടോംസിനാണ് ചളി മെഷീന്‍ നിര്‍മ്മാതാക്കള്‍ സമര്‍പ്പിച്ചിരിക്കുന്നത്.

കുറച്ചു നാളുകൾക്ക് മുൻപ്, 'കാർട്ടൂണിനുള്ള ഐഡിയ ഉണ്ടായിട്ടും വരയ്ക്കാൻ അറിയാതിരുന്നതു കൊണ്ട് അതിനു ശ്രമിയ്ക്കാത്ത ആളുകളുണ...

Posted by Malayaleegraphy on Thursday, July 7, 2016