LiveTV

Live

Kerala Floods

മണിയാര്‍ ഡാം കരകവിഞ്ഞൊഴുകിയപ്പോള്‍ പ്രദേശത്തുണ്ടായത് സമാനതകളില്ലാത്ത നാശനഷ്ടം 

മണിയാര്‍ ഡാം കരകവിഞ്ഞൊഴുകിയപ്പോള്‍ പ്രദേശത്തുണ്ടായത് സമാനതകളില്ലാത്ത നാശനഷ്ടം 

പ്രളയത്തില്‍ പത്തനംതിട്ടയിലെ മണിയാര്‍ ഡാം കരകവിഞ്ഞൊഴുകിയപ്പോള്‍ പ്രദേശത്തുണ്ടായത് സമാനതകളില്ലാത്ത നാശനഷ്ടം. വ്യാപാര സ്ഥാപനങ്ങളും വീടുകളും അടക്കം നിരവധി കെട്ടിടങ്ങള്‍ നാമാവശേഷമായി. മണിയാര്‍- പെരുനാട് റോഡ് സഞ്ചാരയോഗ്യമല്ലാതാവുകയും ചെയ്തു. പ്രദേശത്തെ 9 കുടുംബങ്ങള്‍ ഭവന രഹിതരായി. ഇവരില്‍ ചിലര്‍ ഇറിഗേഷന്‍ വകുപ്പിന്റെ പാര്‍ക്കിംഗ് ഷെഡ്ഡില്‍ അഭയം തേടി. ചിലര്‍‌ ബന്ധുവീടുകളിലേക്ക് പോയി.

പൊട്ടിപൊളിഞ്ഞ മേല്‍കൂരയ്ക്ക് മീതെ ടാര്‍പോളിന്‍ വിരിച്ച് തയ്യാറാക്കിയ ഷെഡ്ഡിലാണ് പ്രദേശവാസികളില്‍‌ ചിലര്‍ കഴിയുന്നത്. മണിയാര്‍ - പെരുനാട് റോഡിന്റെ ഒരു ഭാഗം ഒലിച്ച് പോയതിനാല്‍ പരമാവധി മുച്ചക്ര വാഹനങ്ങള്‍ക്ക് മാത്രമേ കടന്നുപോകാനാകു. കനാലിന് കുറുകെയുണ്ടായിരുന്ന തൂക്കുപാലവും തകര്‍ന്നു. പുനര്‍ നിര്‍മാണം ഏറെക്കുറെ അസാധ്യമായ നിലയിലാണ് ഇവിടെയുണ്ടായിരിക്കുന്ന നാശനഷ്ടങ്ങള്‍.