LiveTV

Live

International

സ്ത്രീകളെ ലൈംഗിക അടിമകളാക്കി ചൂഷണം: സ്വയം പ്രഖ്യാപിത ഗുരുവിന് 120 വര്‍ഷം തടവുശിക്ഷ

60 വയസ്സുകാരനായ കെയ്​ത്​ റാനിയേർ ആണ് ആ സ്വയം പ്രഖ്യാപിത ഗുരു.

സ്ത്രീകളെ ലൈംഗിക അടിമകളാക്കി ചൂഷണം: സ്വയം പ്രഖ്യാപിത ഗുരുവിന് 120 വര്‍ഷം തടവുശിക്ഷ

അമേരിക്കയില്‍ സ്വയം പ്രഖ്യാപിത ഗുരുവിന്​ 120 വർഷത്തെ തടവുശിക്ഷ​. പെണ്‍കുട്ടികളെ ലൈംഗിക അടിമകളാക്കി ചൂഷണം ചെയ്തതിനാണ് ന്യൂയോര്‍ക്കിലെ ജഡ്ജി ശിക്ഷ വിധിച്ചത്. 60 വയസ്സുകാരനായ കെയ്​ത്​ റാനിയേർ ആണ് ആ സ്വയം പ്രഖ്യാപിത ഗുരു.

ജീവിതത്തിലെ പ്രശ്നങ്ങള്‍ക്ക് പരിഹാരം എന്ന വാഗ്ദാനവുമായി തുടങ്ങിയ ഹെല്‍പ് ലൈന്‍ ഗ്രൂപ്പിന്‍റെ മറവിലാണ് റാനിയേര്‍ സ്ത്രീകളെ ചൂഷണം ചെയ്തത്. അഞ്ച് ദിവസത്തെ കോഴ്സിന് 5000 ഡോളറാണ് ഫീസായി വാങ്ങിയിരുന്നത്. ഈ കോഴ്സില്‍ പങ്കെടുത്തവരില്‍ പലരെയും റാനിയേര്‍ സാമ്പത്തികമായും ലൈംഗികമായും ചൂഷണം ചെയ്തെന്ന് കണ്ടെത്തി. സ്ത്രീകളെ തന്‍റെ ലൈംഗികാവശ്യത്തിനുള്ള അടിമകളായാണ് റാനിയേര്‍ പരിഗണിച്ചിരുന്നത്.

1998ലാണ്​ റാനിയേര്‍ ന്യൂയോർക്കിൽ സെൽഫ്​ ഹെൽപ്​ സ്ഥാപനം തുടങ്ങുന്നത്​. 2018ല്‍ മെക്സിക്കോയില്‍ വെച്ച് അറസ്റ്റിലായി. ഏഴ് കുറ്റങ്ങള്‍ റാനിയേര്‍ക്കെതിരെ ചുമത്തിയത് 2019ലാണ്. സെക്സ് റാക്കറ്റ്, ചൂഷണം, ക്രിമിനല്‍ ഗൂഢാലോചന, കൊള്ള തുടങ്ങിയ കുറ്റങ്ങളാണ് ചുമത്തിയത്. 15 വയസ്സുകാരിക്കെതിരായ ലൈംഗികാതിക്രമ കേസിലാണ് ഈ കുറ്റങ്ങള്‍ ചുമത്തിയത്.

'ഞാന്‍ കുട്ടിയായിരുന്നു, അയാള്‍ എന്‍റെ യുവത്വം കവര്‍ന്നെടുത്തു'- എന്നാണ് ആ പെണ്‍കുട്ടി പറഞ്ഞത്. വിചാരണക്കിടെ 15 സ്ത്രീകള്‍ കോടതിയില്‍ ഹാജരായി. 90ഓളം സ്ത്രീകള്‍ ഇയാള്‍ക്കെതിരെ ജഡ്ജിക്ക് കത്തെഴുതുകയുമുണ്ടായി.