LiveTV

Live

International

വംശഹത്യയെ ന്യായീകരിക്കാന്‍ അന്താരാഷ്​ട്ര നീതിന്യായ കോടതിയിൽ സൂചി ഹാജറാകും

റോഹിങ്ക്യൻ മുസ്​ലിംകൾക്കെതിരായ വംശഹത്യ ന്യായീകരിക്കാനാണ് ​ ഓങ്​ സാൻ സൂചിയുടെ തീരുമാനം

വംശഹത്യയെ ന്യായീകരിക്കാന്‍ അന്താരാഷ്​ട്ര നീതിന്യായ കോടതിയിൽ സൂചി ഹാജറാകും

റോഹിങ്ക്യൻ മുസ്​ലിംകൾക്കെതിരെ നടത്തിയ വംശഹത്യ വിചാരണക്ക് ഹേഗിലെ അന്താരാഷ്​ട്ര നീതിന്യായ കോടതിയിൽ മുന്നില്‍ ഓങ്​ സാൻ സൂചി ഹാജറാകും. ആഫ്രിക്കൻ രാജ്യമായ ഗാംബിയ ആണ്​ മ്യാൻമറിലെ വംശഹത്യക്കെതിരെ കോടതിയെ സമീപിച്ചത്​. കോടതി നടപടികൾ മൂന്നു ദിവസത്തിലധികം നീളും.

റോഹിങ്ക്യൻ മുസ്​ലിംകൾക്കെതിരായ വംശഹത്യ ന്യായീകരിക്കാനാണ് ​ ഓങ്​ സാൻ സൂചിയുടെ തീരുമാനം. കോടതിയിലേക്ക്​ പുറപ്പെടുന്നതിന്​ മു​ന്നോടിയായി തലസ്ഥാനമായ നയ്​​പിഡാവിൽ നൂറുകണക്കിന്​ പേർ പ​ങ്കെടുത്ത റാലി നടന്നു​. സൂചിയുടെ ക്ഷണമനുസരിച്ച്​ ചൈനീസ്​ വിദേശകാര്യ മന്ത്രിയും റാലിക്കെത്തിയിരുന്നു. സൂചിയു​ടെ മുഖം പതിച്ച​ ടീ ഷർട്ടുകൾ അണിഞ്ഞ്​ തെരുവിൽ ഇറങ്ങിയവർ പിന്തുണ പ്രഖ്യാപിച്ച്​ മുദ്രാവാക്യം മുഴക്കി.

2017ലെ വംശഹത്യയിൽ നൂറുകണക്കിന്​ പേർ മരണ​​പ്പെടുകയും എട്ട്​ ലക്ഷത്തോളം പേർ അഭയാർഥികളാകുകയും ചെയ്​തിരുന്നു. റോ​ഹി​ങ്ക്യ​ൻ മു​സ്​​ലിം​ക​ൾക്കെതിരായ പ​ട്ടാ​ള ന​ട​പ​ടി​ക്ക്​ കൂ​ട്ടു​നി​ന്ന​തി​ൽ പ്ര​തി​ഷേ​ധി​ച്ച് അ​ന്താ​രാ​ഷ്​​ട്ര മ​നു​ഷ്യാ​വ​കാ​ശ സം​ഘ​ട​ന​യാ​യ ആം​ന​സ്​​റ്റി ഇ​ൻ​റ​ർ​നാ​ഷ​ന​ൽ സൂ​ചി​ക്ക്​ ന​ൽ​കി​യ പ​ര​മോ​ന്ന​ത പു​ര​സ്​​കാ​രം തിരിച്ചെടുത്തിരുന്നു.