LiveTV

Live

International

അമേരിക്ക ചൈന വ്യാപാര യുദ്ധം പുതിയ തലത്തിലേക്ക് 

ചര്‍ച്ചയിലൂടെ പ്രശ്നങ്ങള്‍ക്ക് പരിഹാരം കാണുമെന്ന് ആവര്‍ത്തിച്ച് പറയുമ്പോഴും അമേരിക്ക - ചൈന വ്യാപാര യുദ്ധം രൂക്ഷമാവുകയാണ് .

അമേരിക്ക ചൈന വ്യാപാര യുദ്ധം പുതിയ തലത്തിലേക്ക് 

അമേരിക്ക ചൈന വ്യാപാര യുദ്ധം പുതിയ തലത്തിലേക്ക്. 125 ബില്യന്‍ ഡോളര്‍ വിലവരുന്ന ചൈനീസ് ഉത്പന്നങ്ങള്‍ക്ക് 15 ശതമാനം ചുങ്കം ഏര്‍പ്പെടുത്തിയതായി അമേരിക്ക അറിയിച്ചു. വ്യാപാര യുദ്ധം ആരംഭിച്ചതിന് ശേഷം ആദ്യമായി അമേരിക്കയില്‍ നിന്നും ഇറക്കുമതി ചെയ്യുന്ന ഇന്ധനത്തിന് ചൈന 5 ശതമാനം നികുതിയും ഏര്‍പ്പെടുത്തി.

ചര്‍ച്ചയിലൂടെ പ്രശ്നങ്ങള്‍ക്ക് പരിഹാരം കാണുമെന്ന് ആവര്‍ത്തിച്ച് പറയുമ്പോഴും അമേരിക്ക - ചൈന വ്യാപാര യുദ്ധം രൂക്ഷമാവുകയാണ് . 125 ബില്യന്‍ ഡോളറില്‍ അധികം വിലവരുന്ന ചൈനീസ് ഉത്പന്നങ്ങള്‍ക്ക് 15 ശതമാനം ചുങ്കം ഏര്‍പ്പെടുത്തിയതായി അമേരിക്ക അറിയിച്ചു. ചുങ്കം ഏര്‍പ്പെടുത്തിയതില്‍ ചൈനയില്‍ നിന്നുള്ള സ്മാര്‍ട് ഫോണ്‍ . ഹെഡ്ഫോണ്‍ , ബ്ലൂട്ടൂത്ത് ആഡംബര ചെരുപ്പുകള്‍ എന്നിവ ഉള്‍പ്പെടുന്നു. ചുങ്കം ഏര്‍പ്പെടുത്തിയത് ചൈനയിലെ വ്യാപര സ്ഥാപനങ്ങള്‍ക്ക് വന്‍ തിരിച്ചടിയായേക്കും .

ഇലക്ട്രോണിക് ഉത്പന്നങ്ങള്‍ക്ക് പുറമെ കുട്ടികളുടെ ഡയപ്പര്‍ , മാംസങ്ങള്‍,ചീസ്, കോഫി പൊടികള്‍ തുടങ്ങി നിരവധി ഉത്പന്നങ്ങള്‍ക്ക് താരിഫ് ബാധകമാണ് . ചുങ്കം ഏര്‍പ്പെടുത്തിയതുമായി ബന്ധപ്പെട്ട് ചൈനക്ക് അറിയിപ്പ് നല്‍കിയിരുന്നെന്ന് അമേരിക്ക അറിയിച്ചു. അതേസമയം അമേരിക്ക ഇറക്കുമതി ചുങ്കം ഈടാക്കിയതിന് തൊട്ട് പിന്നാലെ ചൈനയിലേക്ക് അമേരിക്ക കയറ്റുമതി ചെയ്യുന്ന ഇന്ധനത്തിന് 5 ശതമാനം നികുതി ഏര്‍പ്പെടുത്തുന്നതായി ബൈയ്ജിങ്ങും അറിയിച്ചു .