LiveTV

Live

International

നോട്ട് കൊണ്ടുപോയ ട്രക്കിന്റെ വാതില്‍ അടഞ്ഞില്ല; റോഡില്‍ നോട്ട് മഴ-വീഡിയോ കാണാം

നോട്ട് കൊണ്ടുപോയ ട്രക്കിന്റെ വാതില്‍ അടഞ്ഞില്ല; റോഡില്‍ നോട്ട് മഴ-വീഡിയോ കാണാം

അമേരിക്കയിലെ അറ്റ്‌ലാന്റയില്‍ നോട്ടുമഴ. കറന്‍സി കൊണ്ടു പോയ ട്രക്കിന്റെ വാതില്‍ തുറന്ന് പുറത്തേക്ക് നോട്ടുകള്‍ പാറിപറന്നാണ് റോഡില്‍ നോട്ടുമഴക്ക് സമാനമായ സ്ഥിതിയുണ്ടായത്. ഏകദേശം 1 ലക്ഷം ഡോളറാണ് (68,35,000 രൂപ) റോഡില്‍ വീണതെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. വാഹനം സഞ്ചരിക്കുന്ന വഴിയില്‍ നോട്ടുകള്‍ വീണു കിടക്കുന്നതും ആളുകള്‍ നോട്ട് കൈക്കലാക്കുന്നതിന്റെയും ദൃശ്യങ്ങള്‍ ട്വിറ്ററില്‍ വൈറലാണ്.

അറ്റ്‌ലാന്റ ഇന്റര്‍‌സ്റ്റേറ്റ് 285 ഹൈവേയിലാണ് ‘നോട്ട്മഴ’ സംഭവം. ഏകദേശം പതിനഞ്ചിലധികം കാറുകളിലെത്തിയ ആളുകള്‍ നോട്ടുകള്‍ കൈക്കലാക്കിയിട്ടുണ്ടെന്ന് അധികൃതര്‍ പറയുന്നു. പണം കിട്ടിയ ചിലര്‍ അതെ സമയം പൊലീസിന് തിരികെ നല്‍കിയിട്ടുമുണ്ട്.