LiveTV

Live

International

സിറിയയില്‍ നിന്ന് ഉടന്‍ സൈന്യത്തെ പിന്‍വലിക്കില്ലെന്ന് അമേരിക്ക

ട്രംപിന്റെ നിലപാടിനെതിരെ യു.എസ് ഭരണകൂടത്തില്‍ നിന്നും തന്നെ അഭിപ്രായ ഭിന്നത രൂക്ഷമായ പശ്ചാത്തലത്തിലാണ് സിറിയയിലെ യു.എസ് സ്ഥാനപതി ജെയിംസ് ഫ്രാങ്ക്‍ലിന്‍ ജെഫ്രി നിലപാട് വ്യക്തമാക്കിയിരിക്കുന്നത്.

സിറിയയില്‍ നിന്ന് ഉടന്‍ സൈന്യത്തെ പിന്‍വലിക്കില്ലെന്ന് അമേരിക്ക

സിറിയയില്‍ നിന്നും ഉടന്‍ സൈന്യത്തെ പിന്‍വലിക്കില്ലെന്ന് അമേരിക്ക. കൂടിയാലോചനകള്‍ക്ക് ശേഷം ഘട്ടം ഘട്ടമായേ നടപ്പിലാകൂവെന്നും സിറിയയിലെ യു.എസ് സ്ഥാനപതി വ്യക്തമാക്കി.

സിറിയയില്‍ നിന്നും സൈന്യത്തെ പിന്‍വലിക്കുവാനുള്ള അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ നിലപാടിനെതിരെ യു.എസ് ഭരണകൂടത്തില്‍ നിന്നും തന്നെ അഭിപ്രായ ഭിന്നത രൂക്ഷമായ പശ്ചാത്തലത്തിലാണ് സിറിയയിലെ യു.എസ് സ്ഥാനപതി ജെയിംസ് ഫ്രാങ്ക്‍ലിന്‍ ജെഫ്രി നിലപാട് വ്യക്തമാക്കിയിരിക്കുന്നത്. സിറിയയില്‍ നിന്നും ഉടനടി സൈന്യത്തെ പിന്‍വലിക്കില്ല. ഘട്ടം ഘട്ടമായി കൂടിയാലോചനകള്‍ക്ക് ശേഷം മാത്രമായിരിക്കും അത് നടപ്പിലാക്കുകയെന്നും അദ്ദേഹം പറഞ്ഞു. സഖ്യകക്ഷികള്‍ക്കിടയില്‍ പ്രതിസന്ധിയുണ്ടാക്കരുത്. ജനങ്ങളുടെ താത്പര്യത്തിനും സംരക്ഷണത്തിനും പ്രധാന്യം നല്‍കിക്കൊണ്ടായിരിക്കും എന്ത് നടപടിയും കൈക്കൊള്ളുകയെന്നും അദ്ദേഹം വ്യക്തമാക്കി.

അതേസമയം തീവ്രവാദികള്‍ക്കെതിരെയാണ് നമ്മുടെ പോരാട്ടം. സുരക്ഷയാണ് പ്രധാനം. അതിനാല്‍ സിറിയയിലും അതിര്‍ത്തിയിലും സുരക്ഷ ഉറപ്പാക്കുക എന്നതാണ് ലക്ഷ്യമെന്ന് തുര്‍ക്കിഷ് പ്രതിരോധ മന്ത്രി ഹുലൂസി അക്സര്‍ പറഞ്ഞു. നയങ്ങള്‍ മാറ്റാനുള്ള അധികാരം അതാത് രാജ്യത്തിനുണ്ട്. എന്നാല്‍ സുരക്ഷക്ക് നമ്മള്‍ മുന്‍ഗണന നല്‍കണമെന്നും അദ്ദേഹം കൂട്ടിച്ചേര്‍ത്തു.