LiveTV

Live

International

ഫ്രാന്‍സിലെ നിഖാബ് നിരോധന നിയമം സ്ത്രീകളുടെ അവകാശങ്ങള്‍ ലംഘിക്കുന്നതാണെന്ന് യു.എന്‍

2012ല്‍ പൊതുയിടത്തില്‍ മുഖാവരണം ധരിച്ചതിന് രണ്ട് ഫ്രഞ്ച് സ്ത്രീകള്‍ക്ക് പിഴ ശിക്ഷ വിധിച്ച സംഭവത്തിലാണ് ഐക്യരാഷ്ട്ര സഭയുടെ നിര്‍ണായക ഇടപെടല്‍ .

 ഫ്രാന്‍സിലെ നിഖാബ് നിരോധന നിയമം സ്ത്രീകളുടെ അവകാശങ്ങള്‍ ലംഘിക്കുന്നതാണെന്ന് യു.എന്‍

ഫ്രാന്‍സിലെ നിഖാബ് നിരോധന നിയമം സ്ത്രീകളുടെ അവകാശങ്ങള്‍ ലംഘിക്കുന്നതാണെന്ന് ഐക്യരാഷ്ട്രസഭ. നിയമം പുന.പരിശോധിക്കാനും യു.എന്‍ നിര്‍ദേശിച്ചു.

2012ല്‍ പൊതുയിടത്തില്‍ മുഖാവരണം ധരിച്ചതിന് രണ്ട് ഫ്രഞ്ച് സ്ത്രീകള്‍ക്ക് പിഴ ശിക്ഷ വിധിച്ച സംഭവത്തിലാണ് ഐക്യരാഷ്ട്ര സഭയുടെ നിര്‍ണായക ഇടപെടല്‍ . 2016 ല്‍ ശിക്ഷിക്കപ്പെട്ട ,സ്ത്രീകള്‍ യു.എന്നില്‍ പരാതി നല്‍കിയിരുന്നു. ഫ്രാന്‍സിന്റെ നിഖാബ് നിരോധന നിയമം സ്ത്രീകളുടെ അവകാശങ്ങളുടെ ലംഘനമാണെന്നും മത വിശ്വാസത്തിന് മേലുള്ള കടന്ന് കയറ്റമാണെന്നും യു.എന്‍ മനുഷ്യാവകാശ കമ്മറ്റി പറഞ്ഞു. നിയമെ പുന പരിശോധിക്കാനും , 180 ദിവസത്തിനകം എടുത്ത നടപടികളുടെ റിപ്പോര്‍ട്ട് സമര്‍പ്പിക്കാനും യു എന്‍‌ ആവശ്യപ്പെട്ടു.

പരാതിക്കാരായ സ്ത്രീകള്‍ക്ക് നഷ്ട പരിഹാരം നല്‍കാനും കമ്മറ്റി ആവശ്യപ്പെട്ടു . നിയമം മൂലം സ്ത്രീകള്‍ വീടുകളില്‍ ഒതുങ്ങിപ്പോകുമെന്നും സ്ത്രീകളുടെ അരികുവത്ക്കരണത്തിന് ഇത് കാരണമാക്കുമെന്നും യു.എന്‍ കമ്മറ്റി നിരീക്ഷിച്ചു. 2010 ല്‍ നിക്കോളാസ് സര്‍ക്കോസി പ്രസിഡന്റായിരുന്ന കാലത്താണ് ഫ്രാന്‍സ് നിഖാബ് നിരോധന നിയമം കൊണ്ട് വന്നത് . ഫ്രാന്‍സാണ് ആദ്യമായി നിഖാബ് നിരോധനം കൊണ്ട വന്ന യൂറോപ്യന്‍ രാജ്യം . 2010 ല്‍ നിയമ നിര്‍മാണം നടത്തുകയും 2011 മുതല്‍ ഇത് പ്രാബല്യത്തില്‍ വരികയും ചെയ്തു, 2014 ല്‍ നിയമത്തിന് യൂറോപ്യന്‍ മനുഷ്യാവകാശ കോടതിയുടെ അംഗീകാരവും ലഭിച്ചു. ഫ്രാന്‍സിന് ശേഷം ഡെന്മാര്‍ക്ക് ,ആസ്ട്രിയ, ബെല്‍ജിയം , നെതര്‍ലാന്റ് , ബള്‍ഗേറിയ തുടങ്ങി ഏതാനും യൂറോപ്യന്‍ രാജ്യങ്ങളിലും സമാനമായ നിയമം പ്രാബല്യത്തില്‍ വന്നിരുന്നു.