LiveTV

Live

International

ഒരു പുഴയും കടലും കൂടിച്ചേരുമ്പോള്‍...

മഞ്ഞനിറത്തിലുള്ള പുഴയും നീല നിറത്തിലുള്ള കടലും തമ്മില്‍ ലയിക്കുന്നത് കാണാന്‍ പ്രത്യേക ഭംഗിയാണ്

 ഒരു പുഴയും കടലും കൂടിച്ചേരുമ്പോള്‍...

ചൈനയില്‍ ഒരു പുഴയും കടലും കൂടിച്ചേരുന്ന കാഴ്ച കാണാമിനി. വെള്ളത്തിന് മഞ്ഞ നിറമാണെന്നതാണ് ഈ പുഴയുടെ പ്രത്യേകത. മഞ്ഞനിറത്തിലുള്ള പുഴയും നീല നിറത്തിലുള്ള കടലും തമ്മില്‍ ലയിക്കുന്നത് കാണാന്‍ പ്രത്യേക ഭംഗിയാണ്. ആ കാഴ്ചയിലേക്ക്. പുഴയും കടലും കൂടിച്ചേരുന്നത് പലതും കണ്ടിട്ടുണ്ട്. എന്നാല്‍ അതില്‍നിന്നൊക്കെ വ്യത്യസ്തമാണ് ഈ പുഴയും കടലും.

കിഴക്കന്‍ ചൈനയിലാണ് ഈ മനോഹരമായ കാഴ്ച. മഞ്ഞനിറത്തിലുള്ള പുഴ നീല നിറത്തിലുള്ള കടലുമായി കൂടിച്ചേരുന്ന കാഴ്ചയാണിത്. ആകാശദൃശ്യങ്ങളില്‍ ഈ ലയനം കാണാന്‍ പ്രത്യേകത ഭംഗിയാണ്.കിഴക്കന്‍ ചൈനയിലെ ഷാന്‍ദോങ് പ്രവിശ്യയിലെ ബോഹായ് കടലിലാണ് ഈ അതിശയിപ്പിക്കുന്ന ലയനം. പുഴയും കടലും തമ്മില്‍ കൂടിച്ചേരുന്നതില്‍ രണ്ടാം സ്ഥാനമാണ് ഇതിനുള്ളത്. ചൈനയിലുണ്ടായ പ്രളയത്തില്‍ ചെളിവെള്ളം ഒഴുകിവന്ന് പുഴയിലെത്തിയാണ് പുഴ ഇത്രമേല്‍ മഞ്ഞ നിറത്തിലായത്. അതിപ്പോള്‍ കടലിലേക്ക് ഒഴുകിയെത്തിയപ്പോഴാണ് കണ്ണിന് കൌതുകമായി മാറിയിരിക്കുന്നത്.