LiveTV

Live

Health

മുഖത്തും കാല്‍പ്പാദങ്ങളിലും നീരുണ്ടോ? മൂത്രമൊഴിക്കുമ്പോൾ അസ്വസ്ഥതയുണ്ടോ? വൃക്ക രോഗത്തിന്‍റെ ലക്ഷണങ്ങളാകാം

വൃക്കകളെ ബാധിക്കുന്ന പലതരം രോഗങ്ങളുണ്ട്. നെഫ്രോട്ടിക് സിന്‍ഡ്രോം, നെഫ്രൈറ്റിസ്, റീനല്‍ ഫെയ്‌ലിയര്‍ എന്നിവയാണ് പ്രധാന വൃക്ക രോഗങ്ങള്‍

മുഖത്തും കാല്‍പ്പാദങ്ങളിലും നീരുണ്ടോ? മൂത്രമൊഴിക്കുമ്പോൾ അസ്വസ്ഥതയുണ്ടോ? വൃക്ക രോഗത്തിന്‍റെ ലക്ഷണങ്ങളാകാം

വൃക്ക തകരാറായെന്നു അറിയണമെങ്കിൽ ഈ ലക്ഷണങ്ങൾ ആണ് ശ്രദ്ധിക്കേണ്ടത്. മൂത്രത്തിന്‍റെ അളവ് കുറയുക, മൂത്രമൊഴിക്കുമ്പോൾ ഉണ്ടാകുന്ന അസ്വസ്ഥതകൾ, മുഖത്തും കാൽപ്പാദങ്ങളിലും നീരുണ്ടാകുക, മൂത്രമൊഴിക്കുമ്പോൾ പതയുണ്ടാകുക, വാരിയെല്ലിനു കീഴ്ഭാഗത്തായി പുറംവേദന, മൂത്രത്തിൽ രക്തം കലരുക തുടങ്ങിയവയാണ് വൃക്കരോഗത്തിന്‍റെ പ്രധാന ലക്ഷണങ്ങൾ. വൃക്ക രോഗങ്ങള്‍ ഏതൊക്കെയെന്നും അവ സംരക്ഷിക്കാൻ ചെയ്യേണ്ട കാര്യങ്ങളെ കുറിച്ച് ഇന്ന് വിശദികരിക്കാം.

വൃക്ക രോഗങ്ങൾ എന്തൊക്കെ?

വൃക്കകളെ ബാധിക്കുന്ന പലതരം രോഗങ്ങളുണ്ട്. നെഫ്രോട്ടിക് സിന്‍ഡ്രോം, നെഫ്രൈറ്റിസ്, റീനല്‍ ഫെയ്‌ലിയര്‍ എന്നിവയാണ് പ്രധാന വൃക്ക രോഗങ്ങള്‍. ഏതുതരം വൃക്ക രോഗമായാലും രക്തത്തിൽ മാലിന്യങ്ങൾ പതുക്കെ കൂടും. അതോടെ ശരീരത്തിലെ എല്ലാ അവയവങ്ങളുടെയും പ്രവര്‍ത്തനം മന്ദീഭവിക്കുന്നു. വൃക്ക രോഗം പിടിപെട്ടാൽ ചെയ്യേണ്ട കാര്യങ്ങൾ അവസാനം വിവരിക്കാം.

ഡയബെറ്റിക് നെഫ്രോപ്പതി (Diabetic Nephropathy)

പ്രമേഹം മൂലമുണ്ടാകുന്ന വൃക്കരോഗം. പ്രമേഹമുണ്ടായി 10–15 വര്‍ഷം കഴിയുമ്പോഴാണ് ഈ വൃക്കരോഗം പ്രത്യക്ഷപ്പെടുന്നത്. മൂത്രത്തിലൂടെ പ്രോട്ടീൻ നഷ്ടപ്പെടുന്ന അവസ്ഥയാണ് മൈക്രോ ആൽബുമിനൂറിയ. തുടർന്ന് പ്രമേഹം നിയന്ത്രിച്ചില്ലെങ്കിൽ കൂടുതൽ ഗ്ലോമറുലകൾക്ക് നാശമുണ്ടായി ആൽബുമിൻ കൂടുതലായി മൂത്രത്തിലൂടെ പോകുന്ന അവസ്ഥയുണ്ടാകും. സൂക്ഷിച്ചില്ലെങ്കിൽ കുറച്ചു നാള് കഴിയുമ്പോൾ വൃക്കസ്തംഭനമുണ്ടാകാം.

നെഫ്രോടിക് സിൻഡ്രം (Nephrotic Syndrome)

കുട്ടികളെയും പ്രായമായവരെയും ബാധിക്കുന്ന ഒരു രോഗമാണ് നെഫ്രോട്ടിക് സിന്‍ഡ്രോം. അസുഖം ബാധിക്കുന്നവരുടെ രക്തത്തിൽ നിന്നും ധാരാളം പ്രോട്ടീൻ മൂത്രം വഴി നഷ്ടപ്പെടുന്നു. കാലക്രമേണ ശരീരത്തില്‍ നീരു വരികയും മൂത്രത്തിലൂടെ അമിതമായി ആല്‍ബുമിന്‍ നഷ്ടപ്പെടുകയും ചെയ്യുന്നു.

നെഫ്രൈറ്റിസ് (Nephritic Syndrome)

പ്രായ-ലിംഗഭേദമന്യേ കണ്ടുവരുന്ന രോഗമാണ് നെഫ്രൈറ്റിസ് അഥവാ വൃക്കവീക്കം. ശരീരത്തില്‍ പെട്ടെന്ന് നീരുണ്ടാവുകയും മൂത്രത്തിന്റെ അളവ് കാര്യമായി കുറയുകയും ചെയ്യുന്നു. നെഫ്രോണുകൾക്ക് കേടുവരുന്നതിനെ തുടർന്ന് പ്രോട്ടീൻ, രക്താണുക്കൾ എന്നിവ മൂത്രത്തിലൂടെ നഷ്ടമാവുന്നു. തലവേദന, ഓക്കാനം, ഛർദ്ദി, മുഖത്തും കൈകാലുകളിലും നീര് തുടങ്ങിയവയാണ് പ്രധാന ലക്ഷണങ്ങൾ, നെഫ്രോണുകളിലെ രക്തക്കുഴലുകളുടെ കൂട്ടമായ ഗ്ലോമറുലെസിനെ ബാധിക്കുന്ന നീർക്കെട്ടാണ് ഗ്ലോമറുലോ നെഫ്രൈറ്റിസ്. കുട്ടികളിൽ കൂടുതലായി കണ്ടു വരുന്ന ഈ രോഗം ബാക്ടീരിയൽ അണു ബാധമൂലമാണ് കൂടുതലായി കാണപെടുന്നത്‌.

അക്യൂട്ട് റീനൽഫെയിലർ (Acute Renal Failure)

വൃക്കസ്തംഭനം രണ്ടുതരത്തിലുണ്ട്. ക്രോണിക് റീനല്‍ ഫെയിലിയറും അക്യൂട്ട് റീനല്‍ ഫെയിലിയറും. വൃക്കകളുടെ പ്രവർത്തനം പൊടുന്നനെ തകരാറിലാകുന്ന അവസ്ഥയെ അക്യൂട്ട് റീനൽഫെയിലർ എന്ന് വിളിക്കുന്നു. തുടർച്ചയായുള്ള രക്തസ്രാവം, ഛർദ്ദി–അതിസാര രോഗങ്ങൾ, പൊള്ളൽ, ഹൃദയസ്തംഭനം, വേദനാസംഹാരികളുടെ അമിത ഉപയോഗം, നെഫ്രൈറ്റിസ്, വൃക്കധമനികളുടെ തകരാറുകൾ, മൂത്രനാളിയിലും മൂത്രസഞ്ചിയിലുമുണ്ടാകുന്ന തടസ്സങ്ങൾ തുടങ്ങിയവ പെട്ടെന്നുള്ള വൃക്കസ്തംഭനത്തിന് കാരണമാകും. വിഷജന്തുക്കള്‍ കടിച്ചോ (അണലി മുതലായ ജന്തുക്കള്‍) വിഷം അകത്തുചെന്നോ കോളറ പോലുള്ള ചില തീവ്രരോഗങ്ങള്‍ മൂലവും അക്യൂട്ട് റീനല്‍ ഫെയിലിയര്‍ സംഭവിക്കുന്നു. മൂത്രത്തിന്‍റെ അളവ് തീരെ കുറയുക, രക്തത്തിലെ യൂറിയ, ക്രിയാറ്റിനിൻ എന്നിവയുടെ അളവ് കൂടുക തുടങ്ങിയവയാണ് പ്രധാന ലക്ഷണങ്ങൾ.

കടപ്പാട്: ഡോ.ഡാനിഷ് സലിം