LiveTV

Live

Health

ലെമണ്‍ ടീ ദിവസവും കുടിച്ചാല്‍....

തടി കുറക്കാന്‍ ഉപയോഗിക്കുന്ന ഏറ്റവും മികച്ച ആരോഗ്യദായകമായ വഴികളില്‍ ഒന്നാണ് ലെമണ്‍ ടീ

ലെമണ്‍ ടീ ദിവസവും കുടിച്ചാല്‍....

ചായ ഇഷ്ടമില്ലാത്ത മലയാളികള്‍ ഉണ്ടാവില്ല. അതും വ്യത്യസ്ത ചായകള്‍ ഇങ്ങിനെ പരീക്ഷിക്കാന്‍ നമുക്കിഷ്ടമാണ്. ക്ഷീണം തോന്നുമ്പോള്‍ പലരും കുടിക്കാന്‍ ഇഷ്ടപ്പെടുന്ന ഒന്നാണ് ലെമണ്‍ ടീ. തടി കുറക്കാന്‍ ഉപയോഗിക്കുന്ന ഏറ്റവും മികച്ച ആരോഗ്യദായകമായ വഴികളില്‍ ഒന്നാണ് ലെമണ്‍ ടീ. ശരീരത്തിലെ വിഷാംശത്തെ പുറത്തേക്ക് കളയാന്‍ വളരെയധികം സഹായിക്കുന്ന ഒന്നാണ് നാരങ്ങ.

ശീലമാക്കൂ ഗ്രീന്‍ ടീ...രോഗങ്ങളോട് പറയൂ ഗെറ്റൌട്ട്
Also Read

ശീലമാക്കൂ ഗ്രീന്‍ ടീ...രോഗങ്ങളോട് പറയൂ ഗെറ്റൌട്ട്

ചെറുനാരങ്ങയിലെ ആന്റി ഓക്സിഡന്റുകള്‍ ആരോഗ്യത്തിനും ചര്‍മ്മത്തിനും ഒരു പോലെ സഹായിക്കുന്ന ഒന്നാണ്. സൗന്ദര്യത്തിനും ആരോഗ്യത്തിനും ഒരു പോലെ ലെമണ്‍ ടീ മികച്ച ഗുണം നല്‍കുന്നു. എന്നാല്‍ കൃത്യമായ അളവില്‍ എങ്ങനെ ലെമണ്‍ ടീ തയ്യാറാക്കാം എന്ന് നോക്കാം. കൃത്യമായ രീതിയില്‍ ലെമണ്‍ ടീ ഉണ്ടാക്കുന്നത് എങ്ങനെയെന്ന് നോക്കാം.

ടോക്സിനെ പുറന്തള്ളാന്‍ സഹായിക്കുന്ന ഒന്നാണ് ലെമണ്‍ ടീ. ഇത് ശരീരത്തിനകത്തുള്ള വിഷാംശമെല്ലാം പുറന്തള്ളുന്നു. ടോക്സിന്‍ ശരീരത്തില്‍ ഉണ്ടെങ്കില്‍ അത് പല തരത്തിലുള്ള രോഗങ്ങള്‍ക്കും ഇന്‍ഫെക്ഷനും കാരണമാകുന്നു. എന്നാല്‍ ഈ ലെമണ്‍ ടീ ശരീരത്തിലെ ടോക്സിനെ പുറന്തള്ളുകയും ആരോഗ്യം വര്‍ദ്ധിപ്പിക്കുകയും ചെയ്യുന്നു. ശരീരം മൊത്തം ആരോഗ്യമുള്ളതാക്കി മാറ്റാന്‍ വെറും ലെമണ്‍ ടീ മതി.

ലെമണ്‍ ടീ എങ്ങിനെ ഉണ്ടാക്കാം

  1. തേയിലപ്പൊടി- ഒരു ടീസ്പൂണ്‍
  2. ചെറുനാരങ്ങ- ഒന്ന്
  3. കറുവപ്പട്ട- ഒരു കഷ്ണം
  4. തേന്‍- അര ടീസ്പൂണ്‍

തയ്യാറാക്കുന്ന വിധം

ആദ്യം വെള്ളം നല്ലതു പോലെ തിളപ്പിക്കാം. ഇതിലേക്ക് ചായപ്പൊടി, കറുവപ്പട്ട എന്നിവയിട്ട് തിളപ്പിക്കാം. പിന്നീട് തേയില ഊറ്റിയെടുത്ത ശേഷം ഇതിലേക്ക് ചെറുനാരങ്ങ പിഴിഞ്ഞൊഴിക്കണം. പിന്നീട് ഇതിലേക്ക് അല്‍പം തേനും ചേര്‍ക്കണം. നല്ല ഗുണം നിറഞ്ഞ ലെമണ്‍ ടീ തയ്യാര്‍. തടി കുറക്കാന്‍ മാത്രമല്ല പല വിധത്തിലുള്ള ആരോഗ്യ പ്രശ്നങ്ങള്‍ക്കും പരിഹാരമാണ് ലെമണ്‍ ടീ.

സ്ഥിരം ചായകളെ ഒന്നു മാറ്റിപ്പിടിക്കൂ..ഗുണമേറെയുള്ള ചെമ്പരത്തിച്ചായ കുടിക്കൂ
Also Read

സ്ഥിരം ചായകളെ ഒന്നു മാറ്റിപ്പിടിക്കൂ..ഗുണമേറെയുള്ള ചെമ്പരത്തിച്ചായ കുടിക്കൂ

ലെമണ്‍ ടീ ആരോഗ്യത്തിന് ഏറ്റവും ഉത്തമമാണെന്നത് സത്യം തന്നെ. എന്നാല്‍ ഇത് കഴിക്കേണ്ട സമയമാണ് ഏറ്റവും ഉത്തമം. രാവിലെ വെറും വയറ്റില്‍ ലെമണ്‍ ടീ കഴിക്കുന്നതാണ് നല്ലത്.