LiveTV

Live

Gulf

ഒമാനിൽ നിന്ന്​ ഏറ്റവും കൂടുതൽ അസംസ്കൃത എണ്ണ കയറ്റുമതി ചെയ്തത്​ ചൈനയിലേക്ക്

മെയ്​ മാസത്തിലെ മൊത്തം കയറ്റുമതിയുടെ 73.9 ശതമാനവും ചൈനയിലേക്കായിരുന്നു

 ഒമാനിൽ നിന്ന്​ ഏറ്റവും കൂടുതൽ അസംസ്കൃത എണ്ണ കയറ്റുമതി ചെയ്തത്​ ചൈനയിലേക്ക്

കഴിഞ്ഞ മാസം ഒമാനിൽ നിന്ന്​ ഏറ്റവും കൂടുതൽ അസംസ്കൃത എണ്ണ കയറ്റുമതി ചെയ്തത്​ ചൈനയിലേക്ക്​. മെയ്​ മാസത്തിലെ മൊത്തം കയറ്റുമതിയുടെ 73.9 ശതമാനവും ചൈനയിലേക്കായിരുന്നു.

ജപ്പാനിലേക്ക്​ 4.21 ശതമാനവും ഇന്ത്യയിലേക്ക്​ 2.89 ശതമാനവുമാണ്​ കയറ്റി അയച്ചതെന്ന്​ എണ്ണ,പ്രകൃതി വാതക മന്ത്രാലയം പുറത്തിറക്കിയ റിപ്പോർട്ടിൽ പറയുന്നു. മെയ്​ മാസത്തിൽ എണ്ണവിലയിൽ വർധനവുണ്ടായത്​ ഉൽപാദക രാജ്യങ്ങൾക്ക്​ അനുഗ്രഹമായി. ഏപ്രിലിനെ അപേക്ഷിച്ച്​ ആഗോള എണ്ണ വിപണിയിൽ 3.66ശതമാനം വർധനയുണ്ടായി. ഒമാൻ അസംസ്കൃത എണ്ണയുടെ വില ദുബൈ മർക്കന്റൈൽ എക്സ്ചേഞ്ചിൽ 8.9 ശതമാനമാണ്​ വർധിച്ചത്​. ലോക മാർക്കറ്റിലെ എണ്ണ വില ബാരലിന്​ 70.51 ഡോളറിനും 77.33 ഡോളറിനും ഇടയിലെത്തി. മെയ്​ മാസത്തിൽ എണ്ണ വില വർധിക്കാൻ നിരവധി കാരണമുണ്ട്​. അമേരിക്കൻ പ്രസിഡന്റ്​ ഡൊണാൾഡ്​ ട്രംപ്​ ഇറാനുമായുള്ള ആണവ കരാറിൽ നിന്ന്​ പിൻമാറിയതാണ്​ പ്രധാന കാരണം. അതോടൊപ്പം ഒപെക്​ രാജ്യങ്ങൾ എണ്ണ ഉൽപാദനം കുറച്ചതും എണ്ണ വില വർധിക്കാൻ കാരണമായി. എണ്ണവില വർദ്ധിക്കുന്നത്​ ഒമാൻ അടക്കമുള്ള ഗൾഫ്​ രാജ്യങ്ങൾക്ക്​ ഏറെ പ്രതീക്ഷ നൽകുന്നതാണ്​.