LiveTV

Live

Gulf

സ്ത്രീ,പുരുഷ തുല്യ വേതന നിയമത്തിന്​ യുഎഇ മന്ത്രിസഭ അംഗീകാരം നൽകി

 സ്ത്രീ,പുരുഷ തുല്യ വേതന നിയമത്തിന്​ യുഎഇ മന്ത്രിസഭ അംഗീകാരം നൽകി
Summary
പശ്ചിമേഷ്യയിൽ ഇതാദ്യമായാണ്​ ഇത്തരമൊരു നീക്കം

ശമ്പളം നൽകുന്ന കാര്യത്തിൽ ആൺ,പെൺ വിവേചനം അവസാനിപ്പിച്ചു കൊണ്ട്​ യുഎഇ . സ്ത്രീ,പുരുഷ തുല്യ വേതന നിയമത്തിന്​ യുഎഇ മന്ത്രിസഭ അംഗീകാരം നൽകി. പശ്ചിമേഷ്യയിൽ ഇതാദ്യമായാണ്​ ഇത്തരമൊരു നീക്കം.

സ്ത്രീകൾക്ക്​ തുല്യാവസരം ഉറപ്പുവരുത്തുക, അവരെ എല്ലാ നിലക്കും ശാക്തീകരിക്കുക എന്നീ ലക്ഷ്യങ്ങൾ മുൻനിർത്തിയാണ്​ പുതിയ നീക്കം. സ്ത്രീകൾക്കും പുരുഷനും തുല്യ പരിഗണന കൽപിക്കുന്ന യുഎഇ ഭരണഘടന വേതന കാര്യത്തിലും അത്​ ഉയർത്തി പിടിക്കാൻ പ്രതിജ്ഞാബദ്ധമാണെന്ന്​ യുഎഇ വൈസ്​ പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം പറഞ്ഞു. രാഷ്ട്രപിതാവ്​ ശൈഖ്​ സായിദിന്റെ കാലം മുതൽ തന്നെ ലിംഗസമത്വം സംസ്ഥാപിക്കുന്നതിന്റെയും ദീർഘകാല ​സാമൂഹിക,സാമ്പത്തിക പ്രതിഫലനത്തിൽ അതുണ്ടാക്കുന്ന ഗുണങ്ങളുടെയും പ്രാധാന്യം തിരിച്ചറിഞ്ഞിരുന്നതായും ശൈഖ്​ മുഹമ്മദ്​ ട്വിറ്ററിൽ കുറിച്ചു.

ലിംഗത്തിന്റെ പേരിൽ വ്യത്യസ്ത വേതനം എന്ന നിലപാട്​ അസ്വീകാര്യമാണ്​. സർക്കാർ, സ്വകാര്യ സ്ഥാപനങ്ങൾ നിയമത്തിന്റെ അന്തസത്ത ഉൾക്കൊണ്ട്​ വേണം പ്രവർത്തിക്കാനൊന്നും അധികൃതർ ആവശ്യപ്പെട്ടു.