LiveTV

Live

Gulf

യമനിലെ ആഭ്യന്തര യുദ്ധം അവസാനിപ്പിക്കാനുള്ള സമാധാന ചര്‍ച്ചക്ക് ഒമാന്‍ വേദിയൊരുക്കും

യമനിലെ ആഭ്യന്തര യുദ്ധം അവസാനിപ്പിക്കാനുള്ള സമാധാന ചര്‍ച്ചക്ക് ഒമാന്‍ വേദിയൊരുക്കും
Summary
യെമന്​ വേണ്ടിയുള്ള ​ഐക്യരാഷ്ട്ര സഭയുടെ പ്രത്യേക പ്രതിനിധി ഇസ്​മാഈൽ വലദുശൈഖിനെ ഉദ്ധരിച്ചാണ് മാധ്യമങ്ങളുടെ റിപ്പോര്‍ട്ട്

യമനിലെ ആഭ്യന്തര യുദ്ധം അവസാനിപ്പിക്കാനുള്ള സമാധാന ചര്‍ച്ചക്ക് ഒമാന്‍ വേദിയൊരുക്കുമെന്ന് റിപ്പോർട്ടുകള്‍. യെമന്​ വേണ്ടിയുള്ള ​ഐക്യരാഷ്ട്ര സഭയുടെ പ്രത്യേക പ്രതിനിധി ഇസ്​മാഈൽ വലദുശൈഖിനെ ഉദ്ധരിച്ചാണ് മാധ്യമങ്ങളുടെ റിപ്പോര്‍ട്ട്.

മൂന്ന്​ വർഷത്തെ സേവനത്തിന്​ ശേഷം ഇസ്​മാഈൽ വലദുശൈഖ്​ പ്രത്യേക പ്രതിനിധി സ്ഥാനം ഊ മാസം അവസാനത്തോടെ ഒഴിയുകയാണ്​. ബ്രിട്ടനിൽ നിന്നുള്ള മാർട്ടിൻ ഗ്രിഫിത്ത്​ ആണ്​ പുതിയ പ്രതിനിധി. പുതിയ പ്രതിനിധി സ്ഥാനമേറ്റ്​ അധികം വൈകാതെ ഹൂതി സായുധ ഗ്രൂപ്പിന്റെയും ജനറൽ പീപ്പിൾസ്​ കോൺഗ്രസ്​ പാർട്ടിയുടെയും പ്രതിനിധികൾ തമ്മിലെ ചർച്ചക്ക്​ അവസരമൊരുക്കുമെന്ന്​ ഇസ്​മാഈൽ വലദുശൈഖ് പറഞ്ഞു. ആഭ്യന്തര സംഘർഷത്തിൽ ഉൾപ്പെട്ട മറ്റ്​ കക്ഷികളെ ചർച്ചയിൽ ഉൾക്കൊള്ളിക്കുന്ന കാര്യം തീരുമാനമായിട്ടില്ലെന്നും അദ്ദേഹം പറഞ്ഞു. സ്ഥിതിഗതികൾ ഗുരുതരമായി തുടരുന്ന യെമൻ ഏറ്റവും വലിയ മാനുഷിക ദുരന്തത്തിന്റെ വക്കിലാണ്​. ഒരു ദശലക്ഷത്തോളം യെമനികൾ കോളറയുടെ പിടിയിലാണെന്നും അദ്ദേഹം കൂട്ടിച്ചേർത്തു.