LiveTV

Live

Gulf

മത്സ്യ തൊഴിലാളികൾ ഇറാൻ സമുദ്രാതിർത്തിയിലേക്ക്​ പോകരുതെന്ന്​ യുഎഇ ഇന്ത്യൻ എംബസി

മത്സ്യ തൊഴിലാളികൾ ഇറാൻ സമുദ്രാതിർത്തിയിലേക്ക്​ പോകരുതെന്ന്​ യുഎഇ ഇന്ത്യൻ എംബസി
Summary
നടപടി, ഇറാൻ നാവികസേന ബോട്ടുകൾ പിടിച്ചെടുക്കുന്ന സാഹചര്യത്തിൽ

യു.എ.ഇയിൽ നിന്ന്​ബോട്ടുകളിൽ ഇറാൻ സമുദ്രാതിർത്തിയിൽ മൽസ്യബന്ധനത്തിന്​പോകുന്ന ജോലിയിൽ നിന്ന്​ഇന്ത്യക്കാർ പിൻമാറണമെന്ന്​എംബസിയുടെ കർശനനിർദേശം. നിയമാനുസൃത ബോട്ടുകളിൽ അല്ലാതെ മൽസ്യബന്ധനം നടത്തുന്ന ബോട്ടുകൾ ഇറാൻ പിടിച്ചെടുക്കുകയും ജീവനക്കാരെ തടങ്കലിൽ വെക്കുകയും ചെയ്യുന്ന സംഭവങ്ങൾ അധികരിച്ച സാഹചര്യത്തിലാണ്​ നടപടി.

ഇറാൻ സമുദ്രാതിർത്തിയിൽ നാവികസേന കടുത്ത നടപടികളാണ്​ സ്വീകരിച്ചു വരുന്നത്​. തങ്ങളുടെ സമുദ്രാതിർത്തിയിൽ എത്തുന്ന പുറമെ നിന്നുള്ള മുഴുവൻ മൽസ്യബന്ധനബോട്ടുകളും നേരത്തെ തിരിച്ചയക്കാറായിരുന്നു പതിവ്​. എന്നാൽ അടുത്തിടെയായി സമുദ്രാതിർത്തി ലംഘിച്ചെത്തുന്ന ബോട്ടകൾ കണ്ടുകെട്ടുകയും ജീവനക്കാരെ പിടികൂടുകയാണ്​ ഇറാൻ നേവി. ഇറാനിൽ ജയിൽശിക്ഷ പോലും അനുഭവിക്കേണ്ട സാഹചര്യമാകും ഇതിലൂടെ ഉണ്ടാവുക.

ഈ സാഹചര്യത്തിൽ മൽസ്യബന്ധന ജോലിയിൽ ഏർപ്പെട്ട്​ യുഎഇയിലുള്ള ഇന്ത്യക്കാർ ഇറാൻ ഭാഗത്തേക്ക്​ പോകുന്ന ബോട്ടുകളിലെ ജോലി ചെയ്യുന്നതിൽ നിന്ന്​ തൽക്കാലം വിട്ടുനിൽക്കണമെന്നാണ്​​അബൂദബിയിൽ ഇന്ത്യൻ എംബസി പുറത്തിറക്കിയ ഉത്തരവിൽ വ്യക്തമാക്കുന്നത്​. നിലവിലെ സാഹചര്യം മാറും വരെ വിലക്ക്​ നീണ്ടുനിൽക്കും. അറസ്റ്റ്​ മാത്രമല്ല, ജീവൻ പോലും അപകടത്തിൽ പെടാനുള്ള സാഹചര്യം മുൻനിർത്തിയാണ്​ നിർദേശമെന്ന്​ എംബസി വിശദീകരിച്ചു​.