LiveTV

Live

Gulf

ആഗോള വിപണിയിൽ എണ്ണവില കുതിച്ചുയരുന്നു

ആഗോള വിപണിയിൽ എണ്ണവില കുതിച്ചുയരുന്നു
Summary
എണ്ണ ഉൽപാദനം കുറച്ച നടപടി തുടരാനുള്ള ഒപെക്​ തീരുമാനവും ചൈന ഉൾപ്പെടെ രാജ്യങ്ങളിൽ ആവശ്യകത കൂടിയതുമാണ്​ വിപണിയിൽ നിരക്കു വർധനക്ക്​ ഇടയാക്കിയത്

ഇന്ത്യ ഉൾപ്പെടെ ഇറക്കുമതി രാജ്യങ്ങളുടെ ചങ്കിടിപ്പ്​കൂട്ടി ആഗോള വിപണിയിൽ എണ്ണവില കുതിച്ചുയരുന്നു. ബാരലിന്​ 75 ഡോളറിനു​ മുകളിലാണ്​ ഇന്നത്തെ നിരക്ക്​. 2014നു ശേഷമുള്ള ഏറ്റവും ഉയർന്ന നിരക്കാണിത്​.

എണ്ണ ഉൽപാദനം കുറച്ച നടപടി തുടരാനുള്ള ഒപെക്​ തീരുമാനവും ചൈന ഉൾപ്പെടെ രാജ്യങ്ങളിൽ ആവശ്യകത കൂടിയതുമാണ്​ വിപണിയിൽ നിരക്കു വർധനക്ക്​ ഇടയാക്കിയത്​. നിലവിലെ സാഹചര്യത്തിൽ എണ്ണവില ഇതിയും ഉയരാനാണ്​ സാധ്യത. സൗദി ഉൾപ്പെടെ പ്രധാന എണ്ണ ഉൽപാദക രാജ്യങ്ങൾ വിലവർധനവിനെ സ്വാഗതം ചെയ്യുകയാണ്​. എൺപതു മുതൽ നൂറ്​ ഡോളർ വരെ നിരക്ക്​ ഉയ​ർന്നേക്കുമെന്ന റിപ്പോർട്ടുകളും പുറത്തു വരുന്നുണ്ട്​. ആണവ കരാറിൽ നിന്ന്​ പിൻവാങ്ങി ഇറാനു മേൽ ഉപരോധം പുന:സ്​ഥാപിക്കാനുള്ള യു.എസ്​ നീക്കവും എണ്ണനിരക്കുവർധനക്ക്​ കാരണമായിട്ടുണ്ട്​. ഇന്ത്യ ഉൾപ്പെടെയുള്ള രാജ്യങ്ങളിൽ ഇത്​ പണപ്പെരുപ്പത്തിനും വിലക്കയറ്റത്തിനും വഴിയൊരുക്കുമെന്നാണ്​ സാമ്പത്തിക വിദഗ്​ധരുടെ മുന്നറിയിപ്പ്​.

അതേ സമയം സൗദി ഉൾപ്പെടെ പ്രധാന എണ്ണ ഉൽപാദക രാജ്യങ്ങളൊക്കെയും ആഹ്ലാദത്തിലാണ്​. പോയ വർഷം മുതൽ ഉൽപാദനം കുറച്ച്​ വിപണിയിൽ വില സന്തുലിതത്വം ഉറപ്പാക്കാൻ ആവിഷ്കരിച്ച നീക്കങ്ങൾ വിജയം കണ്ടതായി അവർ വ്യക്​തമാക്കുന്നു. റഷ്യയുമായി ചേർന്ന്​ ഉൽപാദനം കുറക്കുന്ന നടപടി തുടരാൻ കഴിഞ്ഞ ദിവസം ഒപെക്​ രാജ്യങ്ങൾ തീരുമാനിച്ചിരുന്നു. പോയ വർഷം ജനുവരി മുതലാണ്​ ഉൽപാദനം കുറക്കാനുള്ള ഒപെക്​ തീരുമാനം നടപ്പിൽ വന്നത്​.