LiveTV

Live

Gulf

കുട്ടികളുടെ വായനോല്‍സവത്തിന് ഇന്ന് തിരശ്ലീല വീഴും

കുട്ടികളുടെ വായനോല്‍സവത്തിന് ഇന്ന് തിരശ്ലീല വീഴും
Summary
വാരാന്ത്യ അവധി കൂടി ആയതിനാല്‍ അവസാനദിവസം കുട്ടികളുടെ വലിയ തിരക്കാണ് മേളയില്‍ പ്രതീക്ഷിക്കുന്നത്

പത്തുദിവസം നീണ്ടു നിന്ന ഷാര്‍ജയിലെ കുട്ടികളുടെ വായനോല്‍സവത്തിന് ഇന്ന് തിരശ്ലീല വീഴും. വാരാന്ത്യ അവധി കൂടി ആയതിനാല്‍ അവസാനദിവസം കുട്ടികളുടെ വലിയ തിരക്കാണ് മേളയില്‍ പ്രതീക്ഷിക്കുന്നത്.

ഷാര്‍ജ ചില്‍ഡ്രന്‍സ് ഫെസ്റ്റിവെലില്‍ എത്തിയ കുട്ടികളുടെ എണ്ണത്തില്‍ ഇക്കുറി റെക്കോര്‍ഡ് സൃഷ്ടിക്കുമെന്ന പ്രതീക്ഷയിലാണ് സംഘാടകര്‍. കഴിഞ്ഞവര്‍ഷം രണ്ടരലക്ഷത്തിലേറെ കുട്ടികള്‍ എത്തിയ മേളയില്‍ ഈവര്‍ഷം മൂന്നു ലക്ഷത്തിലേറെ കുട്ടികളെയാണ് ഷാര്‍ജ ബുക്ക് അതോറിറ്റി പ്രതീക്ഷിക്കുന്നത്. വായനയെ സ്നേഹിക്കുന്നവര്‍ക്ക് മാത്രമല്ല എഴുത്തുകാരായ കുട്ടികള്‍ക്കും മേള വലിയ അവസരമാണ് തുറന്നുകൊടുത്തത്.

അവസാനദിവസം രാവിലെ 9 മുതല്‍ രാത്രി 8 വരെയാണ് പരിപാടികള്‍. എട്ടുവയസുള്ള ഇന്ത്യന്‍ എഴുത്തുകാരി അനാഹിത ചൗഹാന്റെ പുസ്തക പ്രകാശനത്തിനും മേള വേദിയാകും. വിവിധ വേദികളിലായി 54 പരിപാടികള്‍ക്കാണ് ശനിയാഴ്ച മേള സാക്ഷിയാവുക.