LiveTV

Live

Gulf

ജിസിസി രാഷ്ട്രങ്ങളിലെ താമസക്കാരുടെ വിസാ നിരക്കിൽ വർധനവ്​ വരുത്തിയിട്ടില്ലെന്ന്​ ഒമാൻ

ജിസിസി രാഷ്ട്രങ്ങളിലെ താമസക്കാരുടെ വിസാ നിരക്കിൽ വർധനവ്​ വരുത്തിയിട്ടില്ലെന്ന്​ ഒമാൻ
Summary
വിസാ ഫീസിലെ വർധനവ്​ സഞ്ചാരികളുടെ വരവിനെ ബാധിച്ചതായ റിപ്പോർട്ടുകളോട്​ പ്രതികരിക്കുകയായിരുന്നു ടൂറിസം മന്ത്രാലയം

ജിസിസി രാഷ്ട്രങ്ങളിലെ താമസക്കാരുടെ വിസാ നിരക്കിൽ വർധനവ്​ വരുത്തിയിട്ടില്ലെന്ന്​ ഒമാൻ ടൂറിസം മന്ത്രാലയം . വിസാ ഫീസിലെ വർധനവ്​ സഞ്ചാരികളുടെ വരവിനെ ബാധിച്ചതായ റിപ്പോർട്ടുകളോട്​ പ്രതികരിക്കുകയായിരുന്നു ടൂറിസം മന്ത്രാലയം.

ഈ വർഷത്തിന്റെ ആദ്യ രണ്ട്​ മാസങ്ങളിൽ ഒമാനിലെത്തിയ സഞ്ചാരികളുടെ എണ്ണത്തിൽ 10.8 ശതമാനത്തിന്റെ വർധനവുണ്ടായതായി വിനോദ സഞ്ചാര മന്ത്രാലയം റിപ്പോർട്ടിൽ അറിയിച്ചു. കഴിഞ്ഞ വർഷം 64,690 ആയിരുന്നത്​ ഈ വർഷം 71,701 ആയാണ്​ ഉയർന്നത്​. ത്രിനക്ഷത്രം മുതൽ പഞ്ചനക്ഷത്രം വരെയുള്ള ഹോട്ടലുകളിൽ ജനുവരി, ഫെബ്രുവരി മാസങ്ങളിൽ 132,759 അതിഥികളെത്തി. മുൻ വർഷത്തേതിൽ നിന്ന്​ 11.6 ശതമാനത്തിന്റെ വർധനവാണ്​ അതിഥികളിലുണ്ടായത്​. നക്ഷത്ര ഹോട്ടലുകളുടെ വരുമാനത്തിലാകട്ടെ 11.4 ശതമാനത്തിന്റെ വർധനവുമുണ്ടായി. മസ്കത്ത്​ വിമാനത്താവളത്തിൽ ഇക്കാലളവിൽ എത്തിയത്​ 1,144,617 ലക്ഷം രാജ്യാന്തര യാത്രക്കാരാണ്​. പുതിയ മസ്കത്ത്​ രാജ്യാന്തര വിമാനത്താവളം ഉദ്​ഘാടനം ചെയ്തതോടെ യാത്രികരുടെ എണ്ണത്തിൽ പ്രതിവർഷം 13 ശതമാനത്തിന്റെ വർധനവ്​ ഉണ്ടാകുമെന്നാണ്​ ടൂറിസം മന്ത്രാലയത്തിന്റെ കണക്കുകൂട്ടൽ. 2009 മുതൽ 2017 അവസാനം വരെ ഒമാനിലെത്തിയ സഞ്ചാരികളുടെ എണ്ണത്തിൽ ശരാശരി 6.6 ശതമാനത്തിന്റെ വീതം വർധനവാണ്​ ഉണ്ടായതെന്ന്​ ടൂറിസം മന്ത്രാലയം അറിയിച്ചു.