LiveTV

Live

Gulf

പൊതുമാപ്പ്​ ആനൂകൂല്യം നീട്ടിയത് പരമാവധി ഉപയോഗപ്പെടുത്തണമെന്ന് ഇന്ത്യന്‍ എംബസി

പൊതുമാപ്പ്​ ആനൂകൂല്യം നീട്ടിയത് പരമാവധി ഉപയോഗപ്പെടുത്തണമെന്ന് ഇന്ത്യന്‍ എംബസി
Summary
ഇനി പൊതുമാപ്പ് കാലാവധി നീട്ടാനിടയില്ലെന്നും ഇതവസാന അവസരമായിരിക്കുമെന്നും എബസി അറിയിച്ചു

പൊതുമാപ്പ്​ ആനൂകൂല്യം നീട്ടിയത് പരമാവധി ഉപയോഗപ്പെടുത്തണമെന്ന് ഇന്ത്യന്‍ എംബസിയുടെ മുന്നറിയിപ്പ്. ഇനി പൊതുമാപ്പ് കാലാവധി നീട്ടാനിടയില്ലെന്നും ഇതവസാന അവസരമായിരിക്കുമെന്നും എബസി അറിയിച്ചു. നവംബര്‍ 15 വരെയാണ് പൊതുമാപ്പ് ലഭ്യമാവുക.

രാജ്യത്ത്​ അനധികൃതരായി കഴിയുന്ന വിദേശികൾക്കായാണ് വീണ്ടും പൊതുമാപ്പ്. സാമ്പത്തിക പിഴയും ജയിൽ ശിക്ഷയും പുനഃപ്രവേശ വിലക്കുമില്ലാതെ ഇവര്‍ക്ക് മടങ്ങാം. നവംബർ 15 വരെയാണ് പൊതുമാപ്പിന് അവസരം. ഒക്ടോബർ പകുതി വരെ അനുവദിച്ച കലാവധിയാണ്​വീണ്ടും നീട്ടിയത്. ഇന്നലെയാണ് എംബസി ഇക്കാര്യം അറിയിച്ചത്. വിദേശ എംബസികളുടെ അഭ്യർഥന കണക്കിലെടുത്താണ് ആഭ്യന്തര വകുപ്പിന്റെ തീരുമാനം. അവസരം പലതവണ നൽകിയിട്ടും ഉപയോഗപ്പെടുത്താത്ത ആളുകൾക്ക്​ ശക്തമായ താക്കീതോടെയാണ് ​പൊതുമാപ്പിന് വീണ്ടും അവസരം. ഈ വർഷം മാർച്ച്​ 29നാണ്​ ആദ്യ പൊതുമാപ്പ്​ പ്രഖ്യാപിച്ചത്​. മൂന്ന് മാസത്തേക്കായിരുന്നു ഇത്. ജൂൺ 24ന് ഇതവസാനിച്ചു. അന്ന് വീണ്ടും ഒരു മാസം കൂടി നീട്ടി. ഇടവേളക്ക്​ ശേഷമാണ് വിദേശ എംബസികളുടെ അഭ്യർഥന കണക്കിലെടുത്ത്​പ്രത്യേകമായി ഒരു മാസം കൂടി നൽകിയത്​. അതാണിപ്പോൾ വീണ്ടും നീട്ടിയത്​.

ആദ്യ നാലുമാസത്തെ പൊതുമാപ്പ്​ഉപയോഗപ്പെടുത്തിയത് ആറുലക്ഷത്തോളം പേരായിരുന്നു‍. ഇതില്‍ അന്‍പതിനായിരത്തോളം പേര്‍ ഇന്ത്യക്കാരായിരുന്നു.
അവസരം നീട്ടിയത്​ സംബന്ധിച്ചുള്ള വിവരങ്ങൾക്ക്​ ഇന്ത്യൻ എംബസിയുമായി ബന്ധപ്പെടാം.