സൌദിയില്‍ വിദേശികൾക്കും സ്വദേശികൾക്കും ജോലി ലഭിക്കുമെന്ന് കിരീടാവകാശി

സൗദിയിൽ വിദേശികൾക്കും സ്വദേശികൾക്കും തൊഴിൽ സാധ്യതകൾ വർധിക്കുമെന്ന് കിരീടാവകാശി അമീർ മുഹമ്മദ്​ ബിൻ സൽമാൻ. 10 ദശലക്ഷം വിദേശികളാണ്​ സൗദിയിലുള്ളത്​. ​ജോലിക്കാരും അവരുടെ കുടുംബാംഗങ്ങളും ചേർന്നതാണിത്​. ഈ എണ്ണം കുറയില്ലയെന്നാണ് വിശ്വസമെന്നും അദ്ദേഹം പറഞ്ഞു. അമേരിക്കന്‍ സന്ദര്‍ശനത്തിനിടെ ടൈം മാഗസിന്​ നൽകിയ അഭിമുഖത്തിലാണ് കിരീടാവകാശിയുടെ വിശദീകരണം.

രാജ്യം വിഭാവനം ചെയ്യുന്ന വളർച്ചക്ക്​ ഏറെ മാനവവിഭവ ശേഷി വേണ്ടിവരും. അതുകൊണ്ട്​ തന്നെ സ്വദേശികൾക്കും വിദേശികൾക്കുമായി വലിയ തോതിൽ തൊഴിൽ അവസരങ്ങൾ സൃഷ്​ടിക്കപ്പെടും. അമേരിക്ക സന്ദർശിക്കുന്ന കിരീടാവകാശി ടൈം മാഗസിന്​ നൽകിയ അഭിമുഖത്തിലാണ് ഇക്കാര്യം പറഞ്ഞത്. തൊഴില്‍ പ്രതിസന്ധിക്കിടെ പ്രവാസികള്‍ക്ക് പ്രതീക്ഷ നല്‍കുന്നതാണ് കിരീടാവകാസിയുടെ വാക്കുകള്‍. ​മാഗസിന്റെ അടുത്തയാഴ്ചയിലെ മുഖചിത്രവും മുഖലേഖനവും കിരീടാവകാശിയുടേതാണ്​.

സമ്പദ്​ഘടനയുടെ കാര്യത്തിൽ ആദ്യ 20 രാജ്യങ്ങളിലൊന്നാണ്​ സൗദി. ആകെ ശേഷിയുടെ 10 ശതമാനം മാത്രമേ സൗദി ഇതുവരെ ഉപയോഗിച്ചിട്ടുള്ളു. 90 ശതമാനവും ബാക്കി കിടക്കുകയാണ്​. പ്രതിവർഷം 230 ശതകോടി ഡോളറാണ്​ രാജ്യത്തിന്​ പുറത്ത്​ ചെലവഴിക്കുന്നത്​ ഇത് രാജ്യത്തിനകത്താക്കാന്‍ പദ്ധതി തയ്യാറാണ്. സ്വകാര്യവത്​കരണവും സൗദി അരാകോയുടെ ഓഹരി വിൽപന​യുമൊക്കെ ഇതി​​ന്റെ ഭാഗമാണ്​. പശ്​ചിമേഷ്യൻ പ്രശ്​നം പരിഹരിക്കപ്പെടാതെ ഇസ്രയേലുമായി ഒരുബന്ധവും സാധ്യമല്ല. ഇരുപക്ഷത്തിനും അവിടെ ജീവിക്കാനും സഹവർത്തിക്കാനും അവകാശമുണ്ട്​.

പരിഹാരത്തിന്​ വേണ്ടിയാണ്​ ഞങ്ങൾ ശ്രമിക്കുന്നത്​. രാജ്യത്ത് സുന്നികളും ശിയാക്കളുമുണ്ട്. ഖുര്‍ആനും സുന്നത്തുമാണ് സൌദിയുടെ ആദര്‍ശം. വഹാബിസം എന്നൊന്ന് രാജ്യത്തില്ലെന്നും കിരീടാവകാശി വിശദീകരിച്ചു.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക