LiveTV

Live

Gulf

പുതുവർഷത്തിൽ യു.എ.ഇയിൽ ഇന്ധനവില ഉയരും

പുതുവർഷത്തിൽ യു.എ.ഇയിൽ ഇന്ധനവില ഉയരും
Summary
പെട്രോളിന്​ നാല്​ ശതമാനം വർധനയായിരിക്കും ഉണ്ടാവുക

പുതുവർഷത്തിൽ യു.എ.ഇയിൽ ഇന്ധനവില ഉയരും. പെട്രോളിന്​ നാല്​ ശതമാനം വർധനയായിരിക്കും ഉണ്ടാവുക. യു.എ.ഇ ഊർജ്ജ മന്ത്രാലയമാണ്​ ഇത്​ സംബന്ധിച്ച നിർദേശം പുറപ്പെടുവിച്ചത്​.

നിലവിൽ 2.15 ദിർഹം ഈടാക്കുന്ന സൂപ്പർ 98 ​ഗ്രേഡ്​ പെട്രോളിന്​ 2.24 ദിർഹമായിരിക്കും വില 2.04 ദിർഹം വിലയുള്ള സ്​പെഷ്യൽ 95 ന്​ 2.12 ദിർഹം വിലയാകും. 1.97 ദിർഹത്തിന്റെ ഇ പ്ലസിന്​ 2.05 ആയിരിക്കും പുതിയ വില. ഡീസലിന്​ ആറ്​ ശതമാനം വർധിച്ച്​ 2.33 ദിർഹമാകും. ജനുവരിയിൽ നിലവിൽ വരുന്ന വാറ്റ്​ ഉൾപ്പെടെയുള്ള വിലയാണിത്​. കഴിഞ്ഞ ജൂലൈ മുതൽ ഏകദേശം 38 ഫിൽസി​ന്റെ വർധനയാണ്​ ഇന്ധനവിലയിൽ ഉണ്ടായിരിക്കുന്നത്​. അമേരിക്കയിൽ ക്രൂഡ്​ ഒായിൽ വില ബാരലിന്​ 60 ഡോളറായിരിക്കുകയാണ്​. രണ്ടര വർഷത്തിനിടയിലെ ഏറ്റവും ഉയർന്ന വിലയാണിത്​. ആഗോള വിപണിയിൽ എന്നവില ഉയരുന്ന പ്രവണത നിലനിൽക്കുന്നതിനാൽ വരും മാസങ്ങളിലും യു.എ.ഇയിൽ പെട്രോൾ, ഡീസൽ നിരക്ക്​ കൂടാൻ തന്നെയാകും സാധ്യതയെന്ന്​ സാമ്പത്തിക നിരീക്ഷകർ വ്യക്തമാക്കുന്നു.