LiveTV

Live

Football

റയലിനെ തകര്‍ത്ത് ബാഴ്‌സലോണ കോപ്പ ഡെല്‍ റേ ഫൈനലില്‍

വലന്‍സിയ-റയല്‍ ബെറ്റിസ് മത്സരവിജയിയെയാകും ബാഴ്‌സ കലാശപ്പോരില്‍ നേരിടുക.

റയലിനെ തകര്‍ത്ത് ബാഴ്‌സലോണ കോപ്പ ഡെല്‍ റേ ഫൈനലില്‍

ബാഴ്‌സലോണ കോപ്പ ഡെല്‍ റേ ഫുട്‌ബോളിന്റെ ഫൈനലില്‍. ലോകം കാത്തിരുന്ന എല്‍ ക്ലാസിക്കോയില്‍ റയലിനെ മറുപടിയില്ലാത്ത മൂന്ന് ഗോളിന് തകര്‍ത്താണ് കറ്റാലന്‍ സംഘം ഫൈനലിലെത്തിയത്. ബാഴ്‌സയ്ക്കായി സുവാരസ് രണ്ട് ഗോള്‍ നേടി.

സ്വന്തം മൈതാനമായ സാന്റിയാഗോ ബെര്‍ണബ്യൂവില്‍ റയലിനേല്‍ക്കേണ്ടി വന്നത് വലിയ ആഘാതം. ഗാരത് ബെയ്‌ലിന്റെ അഭാവവും ആതിഥേയര്‍ക്ക് തിരിച്ചടിയായി. മറുവശത്ത് മെസിയും സുവാരസും പതിവ് പോലെ ബാഴ്‌സയുടെ ആക്രമണത്തിന്റെ ചുമതലയേറ്റെടുത്തു. രണ്ടാം പകുതിയിലാണ് മത്സരത്തിലെ മൂന്ന് ഗോളുകളും പിറന്നത്.

അമ്പതാം മിനിറ്റില്‍ ഉസ്മാന്‍ ഡെംബലയുടെ പാസില്‍ സുവാരസിന്റെ മികച്ച ഫിനിഷിങ്ങ്. 69 ആം മിനിറ്റില് റാഫേല്‍ വരാനയുടെ ഓണ്‍ ഗോള്‍. ബാഴ്‌സക്ക് ലീഡ്, റയലിന് തിരിച്ചടി. 70 ആം മിനിറ്റില്‍ പെനാല്‍റ്റി ലക്ഷ്യത്തിലെത്തിച്ച് സുവാരസ് ബാഴ്‌സക്ക് ജയം സമ്മാനിച്ചു.

ഇരുപാദങ്ങളിലുമായി 4-1ന്റെ ജയവുമായാണ് ബാഴ്‌സയുടെ ഫൈനല്‍ പ്രവേശനം. വലന്‍സിയ-റയല്‍ ബെറ്റിസ് മത്സരവിജയിയെയാകും ബാഴ്‌സ കലാശപ്പോരില്‍ നേരിടുക.