ഏറ്റുമാനൂരി‍ൽ സ്വതന്ത്ര സ്ഥാനാർഥിയായി മത്സരിക്കാൻ ലതിക സുഭാഷ് തീരുമാനിച്ചു. കോട്ടയത്ത് അനുയായികളുമായി ചേർന്ന യോ​ഗത്തിലാണ് തീരുമാനം.

പാര്‍ട്ടിയില്‍ മഹിളാ കോൺ​ഗ്രസിന് വേണ്ട വിധത്തിൽ പരി​ഗണന ലഭിക്കേണ്ടതുണ്ടെന്ന് ലതിക സുഭാഷ് പറഞ്ഞു. കൈപ്പത്തി ചിഹ്നത്തിന് വോട്ട് ചെയ്യാൻ ആ​ഗ്രഹിക്കുന്നുണ്ട് ഏറ്റുമാനൂരിലെ ജനങ്ങൾ. കേരള കോൺ​ഗ്രസിന്റെ കൈവശമുള്ള ഏറ്റുമാനൂര്‍, കോണ്‍ഗ്രസ് ഏറ്റെടുക്കുമെന്നായിരുന്നു ഏവരും പ്രതീക്ഷിച്ചത്. എന്നാല്‍ അതുണ്ടായില്ല. കേരള കോണ്‍ഗ്രസില്‍ നിന്ന് ഏറ്റുമാനൂർ കോൺ​ഗ്രസ് പിടിച്ചെടുക്കുമെന്നും ലതിക സുഭാഷ് യോ​ഗത്തിൽ പറഞ്ഞു.

താൻ വിശ്വിച്ച നേതാക്കളൊന്നും തന്റെ വേദന മനസ്സിലാക്കിയില്ല. ഏറ്റുമാനൂർ കേരള കോൺ​ഗ്രസ് ജോസഫ് ​ഗ്രൂപ്പിന് നൽകണമെന്ന്, കേരള കോൺ​ഗ്രസിനേക്കാൾ താത്പര്യം കോൺ​ഗ്രസിനായിരുന്നു. സ്ത്രീകൾക്ക് അം​ഗീകാരം ലഭിക്കാൻ വേണ്ടിയാണ് പാർട്ടിയിൽ നിന്ന് രാജി വെച്ചതെന്നും ലതിക സുഭാഷ് പറഞ്ഞു.