LiveTV

Live

Entertainment

എസ്.പി.ബിക്ക് കോവിഡ് നെ​ഗറ്റീവ്

രോഗം സ്ഥിരീകരിച്ചതിനെ തുടര്‍ന്ന് ആരോഗ്യ സ്ഥിതി മോശമാവുകയും വെന്റ്‌റിലേറ്ററില്‍ പ്രവേശിപ്പിക്കുകയും ചെയ്തിരുന്നു

എസ്.പി.ബിക്ക് കോവിഡ് നെ​ഗറ്റീവ്

പിന്നണി ഗായകന്‍ എസ്.പി ബാലസുബ്രമണ്യത്തിന് കോവിഡ് നെഗറ്റീവായി. ആരോഗ്യനിലയില്‍ പുരഗതിയുള്ളതായും ഉടന്‍ തന്നെ വെന്റിലേറ്ററില്‍ നിന്നും മാറ്റുമെന്നും അദ്ദേഹത്തിന്റെ മകന്‍ എസ്.പി ചരണ്‍ അറിയിച്ചു.

#spb health update 7/9/20

Posted by Charan Sripathi Panditharadhyula on Monday, September 7, 2020

കഴിഞ്ഞ ആഗസ്റ്റ് അഞ്ചിനാണ് എസ്.പി.ബിക്ക് കോവിഡ് സ്ഥിരീകരിച്ചത്. രോഗം സ്ഥിരീകരിച്ചതിനെ തുടര്‍ന്ന് ആരോഗ്യ സ്ഥിതി മോശമാവുകയും വെന്റിലേറ്ററില്‍ പ്രവേശിപ്പിക്കുകയും ചെയ്തു. എന്നാല്‍ ഇപ്പോള്‍ ആരോഗ്യനിലയില്‍ പുരോഗതിയുള്ളതായി എസ്.പി ചരണ്‍ ഫേസ്ബുക്കിലൂടെ അറിയിച്ചു.

പേപ്പറില്‍ കാര്യങ്ങള്‍ എഴുതി നല്‍കി ഡോക്ടര്‍മാരോടും നഴ്‌സുമാരോടും അദ്ദേഹം ആശയവിനിമയം നടത്തുന്നുണ്ട്. എസ്.പി.ബിയുടെയും ഭാര്യ സാവിത്രിയുടെയും വിവാഹവാര്‍ഷികം ആശുപത്രിയില്‍ വെച്ച് ആഘോഷിച്ചതായും ചരണ്‍ ഫേസ്ബുക്ക് വീഡിയോയിലൂടെ അറിയിച്ചു. അടുത്ത ദിവസം ആരംഭിക്കാനിരിക്കുന്ന ഐ.പി.എല്‍ മത്സരങ്ങള്‍ക്ക് വേണ്ടി കാത്തിരിക്കുകയാണ് എസ്.പി.ബിയെന്നും അദ്ദേഹം പറഞ്ഞു.

എസ്.പി.ബിയുടെ രോഗവിവരം അറിഞ്ഞതിനെ തുടര്‍ന്ന് എ.ആര്‍ റഹ്മാന്‍, ഇളയരാജ, രജനീകാന്ത്, കമല്‍ ഹാസന്‍ തുടങ്ങി നിരവധി പ്രമുഖര്‍ ആദ്ദേഹത്തിന് രോഗമുക്തി ആശംസിച്ച് രംഗത്തെത്തിയിരുന്നു.