LiveTV

Live

Entertainment

'തീ തുപ്പും ‍ഡ്രാഗണ്‍, തീ പറത്തും ഡ്രാഗൺ പ്രോ'; പൊടിപൊടിച്ച് ഡ്രാഗണ്‍ കച്ചവടം

'ഡ്രാഗൺ, തീ അണയ്ക്കാൻ പരിശീലനം ലഭിച്ചത് .....(ഫയര്‍ ആന്‍ഡ് സേഫ്റ്റി ഡിപ്ലാമ)' എന്നാണ് പിഷാരടി ഫേസ്ബുക്കില്‍ പോസ്റ്റിട്ടത്

'തീ തുപ്പും ‍ഡ്രാഗണ്‍, തീ പറത്തും ഡ്രാഗൺ പ്രോ'; പൊടിപൊടിച്ച് ഡ്രാഗണ്‍ കച്ചവടം

ഒരിടവേളക്ക് ശേഷം സോഷ്യല്‍ മീഡിയയില്‍ തരംഗമായി തീ തുപ്പുന്ന ഡ്രാഗണ്‍ വില്‍പ്പന. നേരത്തെ 'കരിങ്കോഴികളെ വ്യാപകമായി വില്‍പ്പന നടത്തിയ' അതെ സംഘമാണ് ഇപ്പോള്‍ ഡ്രാഗണ്‍ കുഞ്ഞുങ്ങളെയും വില്‍പ്പന നടത്തുന്നത്. സിനിമാ താരങ്ങളുടെയും വാര്‍ത്താ ചാനലുകളുടെ വാര്‍ത്തകള്‍ക്ക് കീഴെയും ഇടവേളകളില്ലാതെ പൊടിപൊടിച്ച് വില്‍പ്പന നടക്കുന്ന ഡ്രാഗണ്‍ കുഞ്ഞുങ്ങളെ ചലച്ചിത്ര താരവും സംവിധായകനുമായ രമേശ് പിഷാരടിയും ഈയടുത്ത് ഏറ്റെടുത്തിരുന്നു. 'ഡ്രാഗൺ, തീ അണയ്ക്കാൻ പരിശീലനം ലഭിച്ചത് .....(ഫയര്‍ ആന്‍ഡ് സേഫ്റ്റി ഡിപ്ലാമ)' എന്നാണ് പിഷാരടി ഫേസ്ബുക്കില്‍ പോസ്റ്റിട്ടത്.

സോഷ്യല്‍ മീഡിയയില്‍ ഈയടുത്ത് വൈറലായ 'ബിനോഡ്' എന്ന സന്ദേശത്തിന് സമാനമായ രീതിയിലാണ് മലയാളത്തില്‍ ഡ്രാഗണ്‍ വില്‍പ്പന നടക്കുന്നത്. 'ബിനോഡ്' ഉത്തരേന്ത്യന്‍ സോഷ്യല്‍ മീഡിയ അടക്കിഭരിച്ചപ്പോള്‍ മലയാളത്തില്‍ തീ തുപ്പുന്ന ഡ്രാഗണുകളും ലുട്ടാപ്പി കുഞ്ഞുങ്ങളും മിന്നാമിന്നി കുഞ്ഞുങ്ങളും എന്നീ പേരിലും വില്‍പ്പന തകര്‍ക്കുകയാണ്. അനാവശ്യ സന്ദേശം എന്ന അര്‍ത്ഥത്തിലുള്ള സ്പാം ആയിട്ടാണ് മിക്കവരും ഇത്തരത്തിലുള്ള കമന്‍റുകള്‍ സോഷ്യല്‍ മീഡിയയില്‍ പങ്കുവെക്കുന്നത്. ചെറിയ ചിരി പടര്‍ത്തുന്നതും അധിക്ഷേപകരവുമല്ലാത്തതിനാല്‍ ഇത്തരം പ്രതികരണങ്ങളെ ഉള്ളറിഞ്ഞ് ചിരിച്ച് തള്ളുകയാണ് സോഷ്യല്‍ മീഡിയ.

ചില വൈറല്‍ വില്‍പ്പന കമന്‍റുകള്‍:

  • അധോലോക നായകന്മാർ വരെ കിടു കിട വിറയ്ക്കുന്ന ഐസ് കട്ടകൾ വില്പനയ്ക്ക്..വിളിക്കൂ 9876543210

  • വിശുദ്ധ മിശ്സു വർഗ്ഗത്തിൽ പെട്ട ഡ്രാഗൺ കുഞ്ഞുങ്ങൾ വിൽപ്പനയ്ക്ക്... എ ഡി 233 യിൽ മെസപ്പൊട്ടാമിയിൽ നിന്നും കുടിയേറി ഇന്ത്യയിൽ വന്നിട്ടുള്ള പൂർവികരും കാലാകാലങ്ങളായി വംശ ശുദ്ധി നിലനിർത്തുന്ന ഇനത്തിൽ ഉള്ളവ.... വാങ്ങാൻവരുന്നവരുടെ ശ്രദ്ധയ്ക്ക് വിശുദ്ധ കണ കണ വിഭാഗത്തിൽ പെട്ടവർക്ക് മാത്രം വിൽകുന്നുള്ളു... Others please excuse....

  • ഉത്തരവാദിത്തത്തോടെ തോരൻ, അവിയൽ എന്നിവയ്ക്ക് തേങ്ങ ചിരണ്ടുന്ന ചെറിയ പല്ലുള്ള എലിക്കുഞ്ഞുങ്ങൾ വിൽപ്പനയ്ക്ക്...
    Con : 0123456789
    അനുകരണങ്ങളിൽ വഞ്ചിതരാവാതെ ഇരിക്കുക
    (ഡ്രാഗൺ കുഞ്ഞിന്റെ കച്ചോടം പൂട്ടിയപ്പോ തുടങ്ങിയതാണ് എല്ലാവരുടെയും support പ്രതീക്ഷിക്കുന്നു)

  • സെക്കന്റ് ഹാൻഡ് ഡ്രാഗണ് കുഞ്ഞു വിൽപനക്ക്..
    ഡ്രാഗണ് VDI (ഫുൾ ഓപ്ഷൻ)
    2018 മോഡൽ
    സിംഗിൾ യൂസർ
    വെൽ serviced ( doubt ഉണ്ടെങ്കിൽ ഷോറൂമിൽ അന്വേഷിക്കാം)
    പച്ച കളർ
    ഓണർ ക്കു നേരെ തീ തുപ്പില്ല ഗ്യാരണ്ടി..
    തീയുടെ കളർ മാറ്റം..
    Contact 12345678..

  • രാത്രി കള്ളന്മാരെ ഓടിക്കാനും പിള്ളേരെ പേടിപ്പിച്ചു ചോറ് കഴിപ്പിക്കാനും വേണ്ടി പ്രത്യേക പരിശീലനം കിട്ടിയ പ്രത്യേകയിനം കൊക്കാച്ചി കുഞ്ഞുങ്ങൾ വില്പനക്ക് . കൂടാതെ അമ്പിളി അമ്മാവനെ പിടിക്കാനുള്ള പ്രത്യേക ഉപകരണം ഇതിന്റെ കൂടെ തികച്ചും സൗജന്യമായി നൽകും.

  • കറണ്ട് ബിൽ കുറക്കാൻ പുതിയ വഴി. മിന്നാമിന്നി കുഞ്ഞുങ്ങൾ വില്പനക്ക്. ഒരെണ്ണം 99 രൂപ മാത്രം. 5, 10, 12 വാട്സിൽ ലഭിക്കും വാറണ്ടി ഉണ്ടായിരിക്കുന്നതല്ല. 1000 എണ്ണം മാത്രം ഉള്ളു തീർന്നാൽ പിന്നെ കിട്ടാൻ പാടാണ്. ഞാൻ മാത്രമേ ഒർജിനൽ കേരളത്തിൽ ഇപ്പോൾ വിൽക്കുന്നുള്ളു ബാക്കി ഉള്ളത് എല്ലാം തട്ടിപ്പ് ആണ്. ആരും പോയി പെടരുത് call മി 6656223356.

  • ഉണക്ക മീൻ കുഞ്ഞുങ്ങളെ വിൽക്കുന്നു.

    അയല,നെയ്മീൻ, ചാള, നാടൻ സ്രാവ്, കിളിമീൻ കുഞ്ഞുങ്ങൾ വില്‍പ്പനക്ക്. കടലിനു അടുത്തുള്ള കുളങ്ങളിലോ ഉപ്പുവെള്ളം കലക്കിയ ടാങ്കിലോ വളർത്താം

    വേണ്ടവർ ബന്ധപെടുക....9008914422

  • തോപ്രാംകുടി അഗ്രിക്കൾച്ചർ യൂണിവേഴ്സിറ്റിയിൽ ഉത്പാദിപ്പിച്ച മികച്ച ഇനം ഡ്രാഗൺ കുഞ്ഞുങ്ങൾ വില്പനയ്ക്ക്. 6 ആം മാസം മുതൽ തീ🔥🔥🔥 തുപ്പി തുടങ്ങും. തീ തുപ്പി ഇല്ലെങ്കിൽ മണി💸 back ഗ്യാരന്റി. ആവശ്യം ഉള്ളവർ വിളിക്കുക.

  • ഐസ് എങ്ങിനെഉണ്ടാക്കാം...

    ആവശ്യമായ സാധനങ്ങൾ -

    വെള്ളം 1 കപ്പ്

    പാത്രം 1

    ഫ്രിഡ്ജ് 1

    കറണ്ട്: ആവിശ്യത്തിനു

    തയ്യാറാക്കുന്ന വിധം:

    പാത്രം നന്നായി കഴുകുക.. ശേഷം കപ്പിലുള്ള വെള്ളം പാത്രത്തിലേക്കു ഒഴിക്കുക.. ഒഴിച്ചു കഴിഞ്ഞതിനു ശേഷം പാത്രം സാവധാനം ഫ്രീസറിൽ വെക്കുക... കറണ്ട് ഓണാക്കി ഒരു മണിക്കൂർ കഴിഞ്ഞു പാത്രം ഫ്രീസറിൽ നിന്നു എടുത്തുമാറ്റുക... അങ്ങിനെ നമ്മുടെ സ്വാദിഷ്ട്ടമായ ഐസ് റെഡിയായി.. വീട്ടിലുള്ള മുതിർന്നവർക്കും കുട്ടികൾക്കും എപ്പോൾ വേണമെങ്കിലും ഇത് കഴിക്കാം!

  • നല്ലയിനം ലുട്ടാപ്പി കുഞ്ഞുങ്ങള്‍ വില്‍പ്പനക്ക്, കൂടെ കുന്തവും. പെട്രോൾ വില കൂടുന്ന സാഹചര്യത്തില്‍ അത്യുത്തമം. പറയുന്നതൊക്കെ അനുസരിക്കുന്നതാണ്.

    Contact : 000999008000800

    അടുത്ത 10 മണിക്കൂറിനുള്ളില്‍ ബുക്ക് ചെയ്യുന്നവര്‍ക്ക് 40% ഇളവ്.

    ഓഫര്‍ കോഡ് : LUTTAPPI2255

  • വാഴയുടെ തണ്ട് കൊണ്ട് കടഞ കാലുകൾ കൊണ്ടുണ്ടാക്കിയ നല്ല നാടൻ കട്ടിലുകൾ ആവിശ്യമുള്ളവർ ബെന്തപ്പെടുക നമ്പർ 9021

  • ശബ്ദമില്ലാതെ പൊട്ടുന്ന നല്ലയിനം നാടൻ പടക്കങ്ങൾ വില്പനയ്ക്ക്...💣💣💣💣 ഹൃദ്രോഗികൾക്കും കുട്ടികൾക്കും വരെ പേടിയില്ലാതെ പൊട്ടിക്കാനാവും. 💣💣💣💣സത്യമായും ചൈനീസ് അല്ലാത്ത നാടൻ പടക്കങ്ങൾ...പേടിയുള്ളവർക്കും തുടക്കക്കാർക്കും പൊട്ടിച്ചു പഠിക്കാൻ അത്യുത്തമം 💣💣💣 ബഡുവ &സൺസ് നിശ്ശബ്ദ പടക്കങ്ങൾ 💣💣💣ഒരു നിശ്ശബ്ദ വിപ്ലവം.... *®️™️&Patent pending...💣💣💣

  • തീവണ്ടി വിൽപ്പനയ്ക്ക്.

    കൊല്ലം തൃശ്ശിനാപ്പള്ളി റൂട്ടിൽ ഓടുന്ന ശാന്തിഗിരി ട്രാൻസ്‌പോർട്ടെർസിന്റെ 2004 മോഡൽ 44 സിലിണ്ടർ എഞ്ചിനുള്ള അതിവേഗ ട്രെയിൻ ആണ് വിൽപ്പനയ്ക്കുള്ളത്... സിംഗിൾ ഓണർ..

    ഷോറൂം സർവീസ് ഒൺലി...ഇൻഷുർ അടുത്ത മാസം പത്താം തീയതി വരെ...

    താത്പര്യം ഉള്ളവർ ഇൻബോക്സിൽ വരിക..

    വില 3.5 കോടി...വിത്ത്‌ പെർമിറ്റ്‌..

  • തീവണ്ടി വിൽക്കാൻ ഉണ്ട്.. കരിക്കട്ട ഇടുന്ന പഴയ മോഡൽ ((മൈലേജ് 50കിലോമീറ്റെർ.. ഒരുചാക്ക് കരി ))ഗുണം ടയർ പഞ്ചർ ആവില്ല.

  • ലഡുവിൽ മുന്തിരി ഒട്ടിക്കുന്ന മൂന്നുവർഷ ഡിപ്ലോമ കോഴ്‌സുകളിലേക്ക് അർഹരായവരിൽ നിന്ന് അപേക്ഷ ക്ഷെണിച്ചുകൊള്ളുന്നു, നന്നായി ലഡു ഉരുട്ടാനും കൃത്യമായി നടുവിൽത്തന്നെ മുന്തിരി ഫിറ്റ് ചെയ്യാനും ഈ കോഴ്സിൽ പഠിപ്പിക്കുന്നു

    ഉടൻ തന്നെ നിങ്ങളുടെ സീറ്റ് ഉറപ്പാക്കൂ ...

    (ഈ കോഴ്സിനോടുകൂടി ജിലേബിയുടെ കെട്ടഴിക്കാനുള്ള ട്രെയിനിങ്ങും തികച്ചും സൗജന്യമായി നൽകുന്നു )

  • ഗുളികയുടെ നടുവിൽ വരയിടാൻ ജോലിക്കാരെ ആവശ്യമുണ്ട്, താല്പര്യമുള്ളവർ ബന്ധപ്പെടുക 📞+911725293170

  • ദയവായി ഇത്തരം വ്യാജപ്രചാരണങ്ങളിൽ വഞ്ചിതരാകരുത്‌!!...

    ചിലർ വാങ്ങിയ ഡ്രാഗൺ കുഞ്ഞുങ്ങൾ തീതുപ്പുന്നില്ല, ചിലതിന്‌ പുക മാത്രം വരുന്നു എന്നൊക്കെ ഉപഭോക്താക്കൾക്ക്‌

    പരക്കെ പരാതിയുണ്ട്‌..

    എന്തിന്‌ ഡ്രാഗൺ കുഞ്ഞിന്‌ പകരം വിദേശയുവതിക്ക്‌ മരയോന്തിനെ കൊടുത്തു പറ്റിച്ച കേസ്‌ കഴിഞ്ഞ ദിവസം രജിസ്റ്റർ ചെയ്തത്‌ നമ്മുടെ വാഗമണിലാണ്‌!!...

    മാന്യ ഉപഭോക്താക്കൾ

    ഡ്രാഗൺ കുഞ്ഞുങ്ങളെ വാങ്ങുമ്പോൾ ഞങ്ങളുടെ തോപ്രാംകുടി ഡ്രാഗൺ നഴ്സറി അടവച്ച്‌ വിരിയിച്ച ഒറിജിനൽ കുഞ്ഞുങ്ങൾ ആണെന്ന് ഉറപ്പുവരുത്തി മാത്രം വാങ്ങുക!!...

    അറിയിപ്പ്‌: തോപ്രാംകുടിയും പള്ളിക്കവലയും ഒഴികെ കേരളത്തിൽ ഞങ്ങൾക്ക്‌ വേറെ ബ്രാഞ്ചുകളില്ല!!...

    NB: അയഡിൻ സമ്പുഷ്ടമായ കല്ലുപ്പിന്റെ ബഡ്‌ ചെയ്ത തൈകൾ വന്നിട്ടുണ്ട്‌!!...

  • ഡ്രാഗൺ പ്രൊ,

    മറ്റു ഡ്രാഗൺ കുഞ്ഞുങ്ങളെ പോലെ തീ തുപ്പും എന്ന് പറഞ്ഞു പുക വരുന്നവയല്ല, ഒരേ സമയം വായയിൽ കൂടെയും മൂക്കിൽ കൂടെയും തീ തുപ്പുന്ന ഡ്രാഗൺ കുഞ്ഞുങ്ങൾ അതാണ് ഡ്രാഗൺ പ്രൊ കൂടാതെ തീ അഡ്ജസ്റ്റബ്ൾ ആണ് കൂടാതെ 3കളർ വാരിയന്റുകള് ലഭ്യമാണ് കൂടാതെ 3മാസം വാറന്റിയും 1ഡേ റീപ്ലേസ്‌മെന്റ് ഉണ്ട് കുഞ്ഞുങ്ങളെ വാങ്ങുന്നവർ ബീറ്റാ ഫുഡ്‌ ചോദിച്ചു വാങ്ങേണ്ടാതാണ്..... NB

  • കൊതുകിന് ഫ്ലൂറസെന്റ് പെയിന്റ് അടിക്കുന്നത് കോൺട്രാക്ട് അടിസ്ഥാനത്തിൽ ചെയ്തു കൊടുക്കും.. ആയിരം കൊതുകുകൾക്ക് 5000 രൂപ നിരക്കിൽ... ഇതിന്റെ പ്രയോജനങ്ങൾ.. കൊതുകുകൾ കൂട്ടം കൂടി ആക്രമിക്കാൻ വരുമ്പോൾ പെട്ടെന്ന് തന്നെ വെട്ടിത്തിരിഞ്ഞു മാറാൻ കഴിയും. അതുപോലെ ലൈറ്റിന്റെ വെളിച്ചത്തിൽ പല വർണങ്ങളിൽ തിളങ്ങുന്ന ഇവ നയനാനന്ദകരമായ കാഴ്ചയാണ്. നിങ്ങളുടെ വീടിന്റെ കളറിന് മാച്ച് ആകുന്ന നിറങ്ങൾ ലഭ്യമാണ്. കൊതുകിന്റെ മൂളൽ ബ്ലൂടൂത്തോ വൈഫൈയോ ഉപയോഗിച്ചു നല്ല ഹിന്ദുസ്ഥാനി രാഗങ്ങളിലേക്ക് കൺവെർട് ചെയുന്ന ടെക്‌നോളജിയും നിർമ്മാണ ഘട്ടത്തിലാണ്... ബുക്കിങ് തുടങ്ങുമ്പോൾ അറിയിക്കുന്നതാണ്.

  • പുകവലി പഠിക്കാം, പിന്നെ പനി ജലദോഷം വന്നാൽ ആവി പിടിക്കാം പുകവരുന്ന മുന്തിയ ഇനം ഡ്രാഗൺ കുഞ്ഞുങ്ങൾ (eco friendly) എല്ലാ കാലാവസ്തയിലും പുകവരും, തീ തുപ്പുന്നത്‌ മേടിച്ചാൽ വീടിനും മറ്റ്‌ സാധനങ്ങൾക്കും തീപിടിക്കാൻ ചാൻസ്‌ ഉണ്ട്‌ വഞ്ചിതരാകാതിരിക്കുക. പുക ഉള്ളത്‌ മേടിക്കൂ.
    (പൊലൂഷൻ സർട്ടിഫിക്കറ്റ്‌ ഉള്ളത്‌)
    താൽപര്യമുള്ളവർക്ക്‌ ബന്ധപ്പെടാം ..

  • O+ രക്തം മാത്രം കുടിക്കുന്ന വവ്വാലുകൾ🦇 വില്പനയ്ക് ... ഒരു ഉളുപ്പുമില്ലാതെ വര്ഷങ്ങളോളം ലൈൻ കമ്പികളിൽ തൂങ്ങി കിടക്കാൻ കഴിയുന്ന ഇവറ്റകൾ ഓരോ 6മാസം കൂടുമ്പോളും പ്രസവിക്കുന്നതാണ് ..പൊതുവെ ഉറക്കം തൂങ്ങികൾ ആണെങ്കിലും ആ കാര്യത്തിൽ പ്രഗത്ഭരാണ് .ആവശ്യക്കാർ ബന്ധപ്പെടുക

    ഡ്രാക്കുള മോൻ 66666666

  • അച്ഛനാര് അമ്മയാര് എന്ന് അറിയാത്ത ഒരു ഡ്രാഗൺ കുഞ്ഞു തീ തുപ്പി വളരെ ഗുരുതരാവസ്ഥയിൽ തിരുവനന്തപുരം മെഡിക്കൽ കോളേജിൽ കഴിയുകയാണ് തുടർ ചികിത്സക്കും മറ്റും വളരെയേറെ തുക ആവശ്യമാണ് നിങ്ങളാൽ കഴിയുന്ന സഹായം പ്രതീക്ഷിക്കുന്നു......

  • അറഞ്ചം പുറഞ്ചം തീ തുപ്പി തൊണ്ടയിൽ നീര് വന്നു വിഷമിക്കുന്ന ഡ്രാഗൺ കുഞ്ഞുങ്ങൾക് ആശ്വാസം നൽകാൻ. വാങ്ങിക്കു,"ഡ്രാഗൺറ്റോൺ "....
    6 സ്‌പൂൺ വെച്ച് 6 നേരം.
    ഉടനടി ആശ്വസം....

  • ഉണക്ക മുന്തിരിയിൽ കാറ്റു നിറയ്ക്കുന്ന കോഴ്സ് പഠിപ്പിക്കുന്നു 3 മാസ കോഴ്സ് സ്റ്റൈപ്പെന്റെ ഓടു കൂടി സർട്ടിഫിക്കറ്റ് കൊടുക്കുന്നു ലോകത്തിൽ എവിടെ പോയാലും ജോലി ഉറപ്പ് ജോലി വാങ്ങി കൊടുക്കും

  • ഉറുമ്പിനെ ഇടംകാലിട്ടു വീഴ്‌ത്തുന്ന വിദ്യ പഠിപ്പിക്കുന്നു
    Phone no: 274719399
    Email: usmandubai@gmail.com